Adobe Indesign CS6 ནང་བོད་ཡིག་བཏགས་ཐབས།

adobe indesign CS6 ནང་བོད་ཡིག་ཐོག་མར་བརྒྱབ་པའི་སྐབས་བརྩེགས་འདོགས་རྣམས་ཡག་པོ་མི་ཤར། དཀའ་ངལ་དེ་གསལ་ཆེད་ཁྱེད་ཀྱིས་གཤམ་གསལ་གྱི་ལམ་སྟོན་ལྟར་བྱེད་ན་རྒྱལ་སྤྱི་གཅིག་བསྒྱུར་ཨང་རྟགས་ཅན་གྱི་བོད་ཡིག་རྣམས་བཀོལ་སྤྱོད་བྱེད་ཐུབ་ངེས།
༡༽ ཐོག་མར་ཤོག་ངོས་གཅིག་གི་ཐོག་བོད་ཡིག་ཡིག་འབྲུ་འགའ་ཤས་བརྒྱབ། དཔེར་ན་བསྒྲིགས་ལྟ་བུ། བསྒྲིགས་ཞེས་པའི་ཡི་གེ་དེའི་ར་བཏགས་ཡག་པོ་མི་ཡོང་བ་དེ་ཡིན།

༢༽ ཡི་གེ་དེ་ལ་Paragraph Style གཅིག་བཟོ་དགོས།
༣༽ Paragraph Style 1 ཞེས་པ་དེ་ལ་ཐེངས་གཉིས་བཞུས་ནས་ནང་བསྒྲིགས་ཀྱི་འདེམས་གའམ་ paragraph style option ནང་སོང་།
༤༽གཡོན་ངོས་སུ་ཡོད་པའི་འདེམས་བྱ་ལས་ Justification ལ་བསྣོན། དེ་རྗེས་གཡས་ཀྱི་འདེམས་ག་ནས་ Composer ལས་"Adobe World-Ready Paragraph Composer" ལ་བཞག་དགོས།
༥༽ དེ་བཞིན་ Basic Character Formats ནང་ལ་ཕྱིན་ནས་བོད་ཡིག་ཡིག་གཟུགས་དང་ཡིག་གཟུགས་ཆེ་ཆུང་འདེམས། OK ལ་བསྣོན།
༦༽ ཁྱེད་ཀྱི་བཟོས་པའི་ Paragraph Style 1 དེ་དེ་སྔོན་གྱི་ཡི་གེ་བསྒྲིགས་ཞེས་པ་དེའི་ཐོག་སྤྱོད་དགོས། དེ་ལྟར་བོད་ཡིག་གི་བརྩེགས་འདོགས་རྣམས་ཏག་ཏག་འཆར་ངེས།


6 མཆན་གྲངས།:

  1. ཇུས་བཀོད་པ་ལགས་adobe indesign cs 6 ནང་དུ་བོད་ཡིག་རྩ་བ་ཉིད་ནས་མ་ཤར་བར་དབྱིབས་གྲུ་བཞི་དེ་འདྲ་ཤར་བཞིན་འདུག་པས་དཀའ་ངལ་དེ་སེལ་ཐབས་ཤིག་གསུང་རོགས།

    ReplyDelete
    Replies
    1. indesign ནང་བོད་ཡིག་བརྒྱག་སྐབས་དབྱིབས་གྲུ་བཞི་དེ་འདྲ་ཤར་ངེས། དང་པོ་བརྒྱག་ཟིན་པའི་ཡི་གེ་རྣམས་Select All བྱས་ནས་ཡིག་གཟུགས་ཀྱི་འདེམས་གའི་ནང་སྨོན་ལམ་གྱི་ཡིག་གཟུགས་གང་རུང་གཅིག་ལེན་དགོས། དེ་ལྟར་བྱེད་དབྱིབས་གྲུ་བཞི་དེ་དག་བོད་ཡིག་ཀློག་ཐུབ་པ་ཆགས་ངེས། བརྩེགས་འདོགས་ལེགས་པོ་མ་ཤར་ན་དེ་ནས་གོང་གི་ཐབས་ལམ་འདི་སྤྱད་རོགས།

      Delete
    2. ཇུས་བཀོད་པ་ལགས་ཐུགས་རྗེ་ཆེ་ཞུ། འོན་ཀྱང་ཐབས་ཤེས་དེ་བཀོལ་ཀྱང་བོད་ཡིག་འཆར་མ་བྱུང་ཐབས་ཤེས་གཞན་དག་ཡོད་ན་གསུང་རོགས་ཞུ། མ་ཟད་ photoshop cs 6 ནང་ལ་ཡང་ར་མགོ་ཅན་རྣམས་ར་རྐྱང་པ་འོང་བ་དང་འདོགས་ཅན་རྣམས་སྦྱར་མ་འོང་སོགས་གོང་གསལ་indesgin དང་འདྲ་བའི་དཀའ་ངལ་ཞིག་འདུག་ལགས་ན་སེལ་ཐབས་ཤིག་ཅིས་ཀྱང་གསུང་རོགས་ཞུ།

      Delete
    3. སྤྱིར་ indesign ནང་བོད་ཡིག་མ་ཡོང་བའི་གནད་དོན་དེ་གོང་གི་ཐབས་ཤེས་དེ་སྤྱད་ནས་འགྲིག་འགྲོ་གི་ཡོད། འོན་ཀྱང་ཁྱེད་ལ་མི་ཡོང་བའི་གནས་སྟངས་དམིགས་བསལ་ཆགས་འདུག །འདིར་ང་ལ་བསམ་ཚུལ་དེ་འདྲ་ཞིག་འཁོར།

      གཅིག གློག་ཀླད་གཞན་ཞིག་ནང་ indesign གསར་བཅུག་དང་ཚོད་ལྟ་བྱས་ནས་དཀའ་ངལ་དེ་སེལ་ཐུབ་མིན་གཟིགས་དང་།

      གཉིས། གལ་ཏེ་གློག་ཀླད་གཞན་གྱི་ནང་ལེགས་པོ་འགྲོ་ན། ཁྱེད་ཀྱི་གློག་ཀླད་དམ་ indesign ལ་མ་འགྲིག་པ་ཞིག་ཡོད་སྲིད། དེར་བརྟེན་ indesign གཙང་གསུབ་བཏང་ནས་བཅུག་སྐྱོར་རྒྱག་ན།
      གསུམ། གོང་གི་གནས་སྟངས་གཉིས་ཀས་དོན་འབྲས་མ་སོན་ན། ཐད་ཀར་ཁྱེད་ཀྱི་གློག་ཀླད་ཐོག་བལྟ་ན་མ་གཏོགས་ངས་ཀྱང་བཤད་ཐུབ་པ་མིན་འདུག

      Delete
  2. ཇུས་བཀོད་པས་གསུངས་པ་བཞིན་གུས་པར་དེ་ལྟར་བྱས་པར་་Indesign CS6 ནང་དངོས་ནས་ཏག་ཏག་ཤར་ཐུབ་ཀྱི་འདུག ངས་ཐེངས་མང་བྱས་ཀྱང་དཔེ་མ་སྲིད་པའི་ཡག་པོ་ཡོང་གི་འདུག ཅིག་བྱས་ན་ཀམ་པུ་ཊར་ཕྲན་བུའི་ཡག་པོ་ཤེས་ཀྱི་ཡོད་པས་ཆ་ནས་ཏག་ཏག་ཡོང་ཐུབ་པ་ཡིན་སྲིད། གོང་གསལ་མཆན་ནང་གི་དཀའ་ངལ་དེ་འདྲ་འཕྲད་མ་བྱུང་།

    ReplyDelete
    Replies
    1. ཕན་ཐོག་བྱུང་བ་ཤིན་ཏུ་ལེགས། གུས་པའི་ཡུ་ཊུབ་དྲ་གནས་ནང་བརྙན་ཟློས་ཀྱི་ལམ་ནས་སློབ་ཁྲིད་བྱེད་ཀྱི་ཡོད་པས་དྲ་གནས་ www.youtub.com/hisonamdawa/ ཐོག་གཟིགས་རྒྱུ་དང་ SUBSCRIBE གནང་རོགས།

      Delete

\\ ཡིག་ཆ་འཚོལ་བཤེར་གནང་།

\\ དྲ་ཚིགས་ཞིག་དགོས་སམ།

weChat: sonamdava
Phone: +91 9805941078
Email: iphoeniz@gmail.com
  • རྒྱལ་སྤྱིའི་བོད་ཀྱི་པེན་ཚོགས་པ།

  • འབྲས་སྤུངས་བློ་གསལ་གླིང་།

  • ཆོས་དུང་དཀར་པོ།

  • སྒོ་མང་དཔེ་མཛོད་ཁང་།

  • ཨ་ནུ་དྲ་བ།

\\ ཡིག་འབྲེལ།

Name

Email *

Message *