སྐར་ཁུང་མ་ལག་གི་དུག་འགོག་མཉེན་ཆས་རང་གྲུབ། MSE/Window Defender

ཆ་འཕྲིན་ལག་རྩལ་ཐོག་བཞུགས་མྱོང་བ་ཀུན་གྱི་འདོགས་ཟོན་བྱེད་ས་གཏེ་བ་ནི་དྲ་དུག་དང་གསང་འཛུལ་གྱིས་ཡིག་ཆ་བརྐུ་ཤོར་བ་སོགས་ཡིན། རྩིས་འཁོར་ནང་དྲ་དུག་རིགས་འཛུལ་ཤོར་ན་རྩིས་འཁོར་གྱི་ཁྱོན་ཡོངས་ཀྱི་ནུས་པ་འགོག་རྐྱེན་སྤྲད་པ་དང་། ཡིག་ཆ་བརླག་པ་དང་མཉེན་ཆས་རིགས་ཁ་མི་འབྱེད་པ་སོགས་མགོ་བོ་ན་དགོས་པ་བཟོ་ཡི་ཡོད། དཀའ་ངལ་དེ་དག་མི་ཡོང་བའི་སྔོན་འགོག་ནི་རང་ཉིད་ཀྱི་རྩིས་འཁོར་ནང་དུག་འགོག་མཉེན་ཆས་ཡག་པོ་ཞིག་དགོས་རྒྱུ་ནི་ཀུན་གྱི་ཤེས་བསལ་རེད། ད་རེས་གུས་པས་རང་ཉིད་ཀྱི་ལོ་མང་ཉམས་མྱོང་དང་བེད་སྤྱོད་བྱེད་པའི་རྒྱུད་ཁྱེད་རྣམས་ལ་དུག་འགོག་མཉེན་ཆས་ལེགས་ཤོས་ཞིག་ངོ་སྤྲོད་ཞུ་འདོད་བྱུང་།

འདི་ནི་ Microsoft Security Essential ཞེས་པ་དེ་ཡིན། བསྡུས་ཡིག་ཐོག་ MSE བྲིས་སྲོལ་ཡོད། MSE ནི་ཕྲ་རྡུལ་མཉེན་ཆས་ཆེད་ཚོང་ཁང་གིས་བཟོས་པ་ཞིག་ཡིན། ཕྱི་ལོ་ ༢༠༠༨ ཟླ་ ༡༡ ཚེས་ ༡༨ ཉིན་སྐར་ཁུང་Window XP SP3 ནང་རང་བསྒྲིགས་ཐོག་བཅུག་ཡོད་པའི་དུག་འགོག་མཉེན་ཆས་དང་པོ་དང་རིན་མེད་ཡིན་པའི་གསལ་བསྒྲགས་སྤེལ་བ་རེད། བྱས་སྟངས་དེས་ཐོག་མར་དུག་འགོག་མཉེན་ཆས་བཟོ་བསྐྲུན་བྱེད་མཁན་སྐད་གྲགས་ཆེ་བ་ Symantec དང་ McAfee,  Kaspersky, Nod32, AVG, Avast, Sophos, Trend Micro སོགས་ཀྱིས་དེའི་ཐོག་བསམ་ཚུལ་འདྲ་མིན་བྱུང་ཡོད། འགའ་ཞིག་གིས་དེ་ནི་ Microsoft གྱིས་ཁོང་ཚོའི་ཚོང་གི་མཁེ་ཕན་ལ་གྱོང་གུན་འགྲོ་གཞིར་མཐོང་ཏེ་ཁྲིམས་བཏུགས་བྱས་ཡོད་པ་དང་འགའ་ཞིག་གིས་ MSE འདིའི་དུག་འགོག་གི་ནུས་ཤུགས་དང་དུག་བཤེར་གྱི་མྱུར་ཚད་ལ་འདེངས་འཇོག་དང་དགའ་བསུ་ཡང་ཐོབ་ཡོད།

གུས་པར་མཚོན་ན་ MSE དུག་འགོག་མཉེན་ཆས་འདི་རྩིས་འཁོར་ཆེད་ཡང་བ་དང་བེད་སྤྱོད་བཏང་ནས་ལོ་གསུམ་ལྷག་འགྲོ་གི་འདུག །དེའི་རིང་རྩིས་འཁོར་ནང་དྲ་དུག་རིགས་ཡོད་ན་ལམ་སེང་གཙང་སེལ་ཐད་ཀར་བྱེད་པ་ལས་དྲ་དུག་གིས་རྐྱེན་པའི་དཀའ་ཚེགས་རིགས་གང་ཡང་མ་བྱུང་། གཞུང་དང་སྒེར་གྱི་རྩིས་འཁོར་བརྒྱ་ཕྲག་ལྷག་གི་ནང་ MSE བཅུག་ཡོད་པས་བློ་གཏད་མཆོག་པའི་དུག་འགོག་མཉེན་ཆས་ཡག་ཤོས་སུ་མཐོང་།

MSE དུག་འགོག་མཉེན་ཆས་ནི་རིན་མེད་ཐོག་འཕབ་ལེན་བྱས་མཆོག་པ་དང་སྐར་ཁུང་མ་ལག་ WindowXP SP3 དང་ Window Vista, Window7 ནང་བཅུག་ཐུབ། ཉེ་ཆར་གསར་དུ་སྤེལ་བའི་སྐར་ཁུང་མ་ལག་ Window8 ལ་རང་བསྒྲིགས་ཐོག་དུག་འགོག་མཉེན་ཆས་དེ་རང་རིན་མེད་ཐོག་བཅུག་ཡོད་ཀྱང་ MSE འབོད་རྒྱུའི་ཚབ་ཏུ་ Window Defender ཞེས་མིང་བཏགས་ཡོད།
Microsoft Security Essential ཕབས་ལེན་དགོས་ན་འདིར་གནོན།
Microsoft Security Essential Defintion(update) ཕབས་ལེན་དགོས་ན་འདིར་གནོན།

སྐར་ཁུང་བདུན་པའི་ནང་ Microsoft Security Essential ཇི་ལྟར་འཇུག་སྟངས་གཤམ་གྱི་བརྙན་ཟློས་ལ་གཟིགས།

Comments

Popular posts from this blog

Tibetan Font Download བོད་ཡིག་ཡིག་གཟུགས་ཕབས་ལེན།

བོད་ཡིག OCR

གུ་གུལ་ཡིག་བསྒྱུར་ཞབས་ཞུའི་ནང་བོད་ཡིག