Google Reader ཞབས་ཞུ་མི་རིང་བར་ཕྱིར་འཐེན་བྱེད་རྒྱུ།

རྒྱུན་གཏན་ལྟར་ངས་དེ་རིང་སྔ་འདྲོ་ Google Reader རྒྱུད་དེ་གསར་འགྱུར་དང་ཤེས་བྱ་གསར་པ་བལྟ་ཀློག་བྱེད་སྐབས། Google Reader ཞབས་ཞུ་དེ་ཉིད་འདི་ལོའི་སྤྱི་ཟླ་ ༧ ཚེས་ ༡ ཉིན་སྒོ་བརྒྱག་རྒྱུ་ཡིན་ཞེས་པ་མཐོང་བྱུང་། དངོས་གནས་རྒྱུན་རིང་བེད་སྤྱོད་བཏང་བའི་ཞབས་ཞུ་དེ་མེད་པ་ཆགས་དུས་ཏོག་ཙམ་ཉོབ་བྱུང་། གུ་གུལ་གྱི་ཞབས་ཞུ་དེ་མེད་པ་བཟོ་དགོས་དོན་གང་ཡིན་ནམ་སྙམ་ནས་གནས་ཚུལ་ཞིབ་རྟོགས་བྱེད་སྐབས་གུ་གུལ་གྱི་གསལ་བཤད་དེ་མཐོང་བྱུང་།
We launched Google Reader in 2005 in an effort to make it easy for people to discover and keep tabs on their favorite websites. While the product has a loyal following, over the years usage has declined. So, on July 1, 2013, we will retire Google Reader. Users and developers interested in RSS alternatives can export their data, including their subscriptions, with Google Takeout over the course of the next four months.
གོང་གི་གསལ་བཤད་དེ་བོད་སྒྱུར་རོབ་ཙམ་བྱེད་ན།
ཕྱི་ལོ་ ༢༠༠༥ ལོ་ནས་ང་ཚོས་གུ་གུལ་རཱི་ཌར་ཤར་གཏོང་བྱེད་ནས་ཁྱེད་རྣམ་པར་རང་ཉིད་ཀྱི་རྒྱུན་པར་བལྟ་ཀློག་བྱེད་སའི་དྲ་ཚིགས་ལ་མྱོང་བ་གསར་པ་ཞིག་ཡོང་རེ་བྱེད་པ་ཡིན། སྤྱིར་བཏང་ཞབས་ཞུ་འདི་གའི་ཐོག་གཏན་འཇག་གི་རྗེས་འབྲང་པ་ཡོད་ཀྱང་། ལོ་རེ་བཞིན་བེད་སྤྱོད་བྱེད་མཁན་ཉུང་དུ་འགྲོ་བཞིན་འདུག །དེར་བརྟེན་ཕྱི་ལོ་ ༢༠༡༣ ཟླ་ ༧ ཚེས་ ༡ ནས་གུ་གུལ་རཱི་ཌར་ཞབས་ཞུ་ཕྱིར་འཐེན་རྒྱག་རྒྱུ་ཡིན། རྣམ་པ་ཚོས་ RSS ཞབས་ཞུ་གཞན་གྱི་ཐོག་གནས་སྤོ་འདོད་ཡོད་རིགས་ཟླ་བ་བཞིའི་ནང་ཚུད་སོ་སོའི་དྲ་ཚིགས་ཁ་བྱང་ཉར་བ་རྣམས་ཕབས་ལེན་ནམ་དབོར་འདྲེན་བྱེད་དགོས།
སྐབས་དེར་ངའི་དྲི་བ་གཅིག་པོ་ནི། གུ་གུལ་རཱི་ཌར་མེད་པ་ཆགས་ན་དེའི་ཚབ་ཏུ་དེ་དང་མཉམ་པའི་ཞབས་ཞུ་གཞན་གང་ཡོད་དམ།
དྲ་མྱུལ་ཏོག་ཙམ་བྱས་ནས་ ཕལ་ཆེར་ Netvibes ཟེར་བའི་དྲ་ཚིགས་དེ་རྒྱུད་ཐུགས་ཕན་གསོས་པ་འདུག་ལ། ཡང་ Chrome འཆར་ཆས་བེད་སྤྱོད་མཁན་ཚོས་ Feedly ཟེར་བའི་Chrome Extension དེ་སྤྱད་ནའང་འགྲིགས་ཀྱི་འདུག །ཁྱེད་ལ་དེ་མིན་གྱི་གུ་གུལ་རཱི་ཌར་ཚབ་ཏུ་ཞབས་ཞུ་གཞན་ངོ་སྤྲོད་བྱེད་རྒྱུ་ཡོད་ན་དགོངས་ཚུལ་གནང་རོགས།

Comments

Popular posts from this blog

Tibetan Font Download བོད་ཡིག་ཡིག་གཟུགས་ཕབས་ལེན།

བོད་ཡིག OCR

གུ་གུལ་ཡིག་བསྒྱུར་ཞབས་ཞུའི་ནང་བོད་ཡིག