SpyBot Search & Destroy གསང་འཛུལ་བ་གཏོར་རྒོལ་བྱེད་ཆེད་མཉེན་ཆས།

ང་ཚོས་རྩིས་འཁོར་ནང་དུག་འགོག་མཉེན་ཆས་ངེས་པར་དགོས་རྒྱུ་བཙིགས་སུ་འཛིན་ཀྱི་ཡོད། དུག་འགོག་མཉེན་ཆས་ལེགས་པོ་ཞིག་ཡོད་ན་དྲ་དུག་(virus)གི་ངན་ཁ་ལས་སྐྱབས་ཐུབ་ཀྱི་ཡོད་པ་ཀུན་གྱིས་ཤེས་གསལ་ཡིན། འོན་ཀྱང་དེ་མ་ཡིན་པའི་དྲ་ལམ་རྒྱུད་རང་ཉིད་ཀྱི་རྩིས་འཁོར་ནང་གསང་འཛུལ་བྱུང་གཞིའི་རིགས་དེ་ཙམ་བཀག་མི་ཐུབ། གལ་ཏེ་ཆ་འཕྲིན་གྱི་ལག་རྩལ་ཐོག་རྩིས་འཁོར་གྱི་ཉེན་སྲུང་ཐད་གོམ་པ་གཅིག་སྤོ་དགོས་པ་ནི། Trojan དང་གསང་འཛུལ་(Spyware)གྱི་རྐྱེན་པའི་ཉེན་ཁ་ལས་སྐྱབས་ཐབས་ཀྱི་ཤེས་བྱའི་རིགས་ཡིན།

མི་སྒེར་དང་ཚོགས་པ་རྒྱལ་ཁབ་ཁག་གི་ནང་གསང་འཛུལ་གྱིས་རྐྱེན་པས་གལ་ཆེའི་ཡིག་ཆ་དང་གསང་བའི་གནས་ཚུལ་རིགས་ཧ་མ་གོ་བར་བརྐུ་ཤོར་བའི་གནས་ཚུལ་མང་ནས་མང་དུ་འགྲོ་བཞིན་ཡོད་པ་རྒྱུན་པར་ཐོས་རྒྱུ་ཡོད། གསང་འཛུལ་ཤོར་བའི་རྩིས་འཁོར་རིགས་ཡིན་ན་མི་གཞན་གྱིས་རང་ཉིད་ཀྱི་རྩིས་འཁོར་ནང་བལྟ་ཀློག་དང་བརྐུ་བཤུ བསུབ་སྐྱོན་དེ་བཞིན་དེ་ལས་འཚབ་ཆེ་བ་ཁྱེད་ཀྱི་རྩིས་འཁོར་རྒྱུད་ཁྲིམས་འགལ་གྱི་ལས་ཀ་བརྩམས་ཐུབ།

དྲ་རྒྱའི་རྒྱུད་གསང་འཛུལ་བྱུང་བའི་གསར་འགྱུར་འགའ་བལྟ་ཀློག་བྱེད་ན།

ནེའུ་ཡོག་དུས་བབ་ཀྱི་རིག་མཛོད་འཕྲུལ་འཁོར་ནང་རྒྱ་ནག་གིས་གསང་འཛུལ་བྱས་ཡོད་པ།
དྲ་རྒྱའི་ནང་གསང་འཛུལ་བྱེད་མཁན་རྒྱ་ནག་ཡིན་སྲིད་སྐོར།
སྐུ་སྒེར་ཡིག་ཚང་དང་བཙན་བྱོལ་བོད་གཞུང་གི་ཀམ་པིའུ་ཊར་ནང་རྒྱ་ནག་ནས་གསང་འཛུལ།

གསང་འཛུལ་གྱི་ཉེན་ཁ་བཀག་དགོས་ན་དུག་འགོག་མཉེན་ཆས་ཀྱིས་དེ་ཙམ་གྱི་ཁ་བཏད་བཅོག་མི་ཐུབ། ཁྱེད་ཀྱི་དྲ་མྱུལ་ཞིག་བྱེད་ན་གསང་འཛུལ་འགོག་པའི་མཉེན་ཆས་བརྒྱ་ཕྲག་ལྷག་ཡོད། མཉེན་ཆས་དེ་རིགས་ཀྱིས་རྩིས་འཁོར་ནང་གསང་འཛུལ་བྱེད་མཁན་རིགས་བཀག་འདོམས་བྱེད་ཐུབ་པ་དང་དོགས་གཞིའི་རིགས་བྱུང་ན་ཁྱེད་ལ་བརྡ་བཏང་ཐུབ། དེར་བརྟེན་རང་ཉིད་ཀྱི་རྩིས་འཁོར་ནང་དུག་འགོག་མཉེན་ཆས་ཙམ་དུ་མ་ཟད་གསང་འཛུལ་མཉེན་ཆས་ཀྱང་ཡོད་རྒྱུ་ཤིན་ཏུ་གལ་ཆེ་མཐོང་། གསང་འཛུལ་འགོག་པའི་མཉེན་ཆས་མང་པོའི་ནང་ནས་དེར་ SpyBot དེ་ངོ་སྤྲོད་ཞུས་པ་ཡིན།

SpyBot Search & Destroy ཡིག་ཆ་ཆེ་ཆུང་ 52.8MB འདིར་གནོན་ནས་ཕབས་ལེན་གནང་དགོས།

Comments

Popular posts from this blog

Tibetan Font Download བོད་ཡིག་ཡིག་གཟུགས་ཕབས་ལེན།

བོད་ཡིག OCR

གུ་གུལ་ཡིག་བསྒྱུར་ཞབས་ཞུའི་ནང་བོད་ཡིག