Acronis True Image 2011/2012/2013

རྩིས་འཁོར་སྒྲིག་རིམ་གྱི་ཆ་ཤས་སམ་ཡོངས་རྫོགས་གྲབས་ཉར་ (backup) དང་བསྐྱར་གསོ་ (Restore) བྱེད་ཆེད་ཀྱི་མཉེན་ཆས་འདིའི་དམིགས་ཡུལ་གཙོ་བོ་ནི་རྩིས་འཁོར་ལ་དགེག་བར་མ་བྱུང་བའི་སྔ་རོལ་ནས་འདོག་ལེན་གྱི་གྲ་སྒྲིག་བྱ་ཆེད་ཡིན། ཆོས་ནི་མི་རྟག་པ་སོང་རྩིས་འཁོར་གྱི་སྐར་ཁུང་ལ་སྐྱོན་ཆགས་རིགས་བྱུང་བའི་དབང་དུ་བཏང་ཡང་ཁྱེད་ཀྱིས་དུས་ཡུན་ཐུང་ཐུང་དང་སེམས་པ་ལྷོད་ལྷོད་ངང་སྐར་ཁུང་དང་དེའི་ནང་གི་མཉེན་ཆས་ཡོངས་རྫོགས་བསྐྱར་གསོ་ཐུབ་ཀྱི་ཡོད།

སྐར་ཁུང་གྲབས་ཉར་དང་བསྐྱར་གསོ་བྱེད་ཆེད་ཀྱི་མཉེན་ཆས་ལེགས་གྲས་བཅུ་ཕྲག་ལྷག་གུས་པས་སྤྱད་མྱོང་ཡང་ Acronis ཚོང་རྭས་བཟོས་པའི་མཉེན་ཆས་དེ་ལེགས་ཤོས་ཞིག་ཏུ་མཐོང་། རྒྱུ་མཚན་གཙོ་བོ་གསུམ་ཡིན། དང་པོ་བེད་སྤྱོད་བཏང་བདེ་བ་དང་། གཉིས་པ་བསྐྱར་གསོ་དང་གྲབས་ཉར་ཆེད་འདེམས་ག་མང་བ། གསུམ་པ་ universal restore ཞེས་པའི་མཐུན་རྐྱེན་གསར་པ་བཅས་གསུམ་ཡིན། གཤམ་ལ་མཉེན་དེའི་སྐོར་ང་ཚོས་ཏོག་ཙམ་རྒྱུས་ལོན་བྱེད་ན།

ཡིག་ཆ་དང་ཡིག་ཁུག་གྲབས་ཉར།

མཉེན་ཆས་འདི་སྤྱད་ནས་རྩིས་འཁོར་ནང་ཡོད་པའི་ཡིག་ཆ་དང་ཡིག་ཁུག་རྣམས་གྲབས་ཉར་བྱེད་རྒྱུ་ཡོད། གྲབས་ཉར་བྱེད་སྟངས་ལ། ཡིག་ཆ་ཆ་ཚང་ཐེངས་གཅིག་གྲབས་ཉར་དང། དུས་ཚོད་གཏན་འབེབ་ཐོག་གྲབས་ཉར་རང་འགུལ་གྱིས་བྱེད་པ། དུས་ངེས་མེད་དུ་གྲབས་ཉར་སོགས་ཡོད། གྲབས་ཉར་བྱས་ཟིན་པའི་ཡིག་ཆ་རྣམས་རང་ཉིད་མཐེབ་སྡེར་རམ། སྲ་སྡེར། འོད་སྡེར། སྤྲིན་སྡེར་སོགས་ཀྱི་ནང་ཉར་ཚགས་བྱེད་རྒྱུ་ཡོད། རྩིས་འཁོར་དང་ཡིག་ཆར་སྐྱོན་ཤོར་བ་བྱུང་ན་ཡིག་ཆ་དེ་དག་བསྐྱར་གསོ་བྱེད་ཐུབ།

རྩིས་འཁོར་སྒྲིག་རིམ་ཡོངས་གྲབས་ཉར།

རྩིས་འཁོར་གྱི་སྐར་ཁུང་དང་། དེའི་ནང་སྒྲིག་འཇུག་བྱས་པའི་མཉེན་ཆས། སྒྲིག་རིམ་ཡོངས་རྫོགས་ཀྱི་འདྲ་བཤུས་གཅིག་གྲབས་ཉར་བྱ་རྒྱུ་ཡོད། དེས་རང་ཉིད་ཀྱི་རྩིས་འཁོར་ལ་འགོད་ཆགས་བྱུང་མ་ཐག་རྩིས་འཁོར་གྱི་སྐར་ཁུང་དང་མཉེན་ཆས་ཆ་ཚང་སྔར་གྱི་གནས་སྟངས་ཐོག་བསྐྱར་གསོ་ཐུབ།

དྲྭ་སྟེང་དུ་གྲབས་ཉར།

མཉེན་ཆས་དེ་སྤྱད་དེ་ཡིག་ཆ་དང་སྐར་ཁུང་ཡོངས་ Acronis དྲྭ་རྒྱའི་ཐོག་གྲབས་ཉར་བྱེད་རྒྱུ་ཡོད། ཞབས་ཞུ་དེ་སྤྱད་པར་དྲྭ་ཚིགས་འདི་གར་དེབ་སྐྱེལ་བྱེད་དགོས་པ་དང་། མཉེན་ཆས་དེ་སྒེར་གྱིས་ཉོས་པ་ཞིག་ཡིན་དགོས།

Universal Restore

དེ་ནི་ངའི་དགའ་ཤོས་ཀྱི་ལག་ཆ་ཞིག་ཀྱང་ཡིན། གལ་ཏེ་སྐར་ཁུང་ལ་གྲབས་ཉར་མེད་པ་དང་། རྩིས་འཁོར་ལ་སྐྱོན་ཤོར་བ་ན། སྐར་ཁུང་དང་དགོས་མཁོའི་མཉེན་ཆས་ཡོངས་བསྐྱར་འཇུག་བྱེད་དགོས། དེ་ནི་སྟོད་སྒལ་ན་དགོས་པ་དང་། དུས་ཚོད་ཡང་མང་པོ་འཕྲོག་བརླག་འགྲོ་གཞིར་འགྱུར་སྲིད། དེར་བརྟེན་ཉིན་ཤས་གུ་གུལ་རྒྱུད་དཔྱད་ཞིབ་དང་ཐབས་ཤེས་སྣ་མང་ཚོད་ལྟ་བྱེད་པའི་རྒྱུད་རྩིས་འཁོར་གྱི་མ་ལག་(hardware)མི་འདྲ་ཡང་རྩིས་འཁོར་ཀ་པའི་འདྲ་བཤུས་གཅིག་༼འདྲ་བཤུས་འདིའི་ནང་སྐར་ཁུང་༧ དང་། མཉེན་ཆས་དཔེར་ན། Adobe Suite CS6, Office 2010 Suite, Monlam Bodyig 3, Monlam Dictionary, Google Chrome སོགས། མཉེན་ཆས་རེ་རེ་བྱས་ནས་སྒྲིག་འཇུག་བྱེད་པར་ཉི་མོ་གང་འགོར་སྲིད། ༽རྩིས་འཁོར་ཁ་པའི་ཐོག་སྐར་མ་ ༡༥ ནང་ཚུད་འཕོས་ཐུབ་པའི་ཐབས་ཤེས་ལེགས་པོ་གཅིག་རྙེད་སོང་ལ་ལག་བསྟར་བྱེད་པའི་རྒྱུད་གྲུབ་འབྲས་ལེགས་པོ་ཐོན་སོང།

དེ་ལྟར་ཡོང་ཐུབ་པ་ནི་ Acronis True Image 2011 ཐོན་རིམ་ནས་འགོ་བཙུགས་ཏེ་ universal restore ཞེས་པའི་མཐུན་རྐྱེན་གསར་པ་ཞིག་སྦྱོར་པའི་དབང་གིས་ཡིན། དེ་སྔ་ Acronis  True Image 2010 ལྟ་བུ་རྩིས་འཁོར་ཀ་པའི་གྲབས་ཉར་དེ་རྩིས་འཁོར་ཀ་པ་རང་ལ་མ་གཏོགས་བསྐྱར་གསོའི་ཆེད་བེད་སྤྱོད་མེད། universal restore གྱིས་རྩིས་ཀ་པའི་གྲབས་ཉར་དེ་རྩིས་འཁོར་འཁོར་ཆས་མི་འདྲ་བ་ཅི་ཞིག་གི་ཐོག་འཇུག་པའམ་བསྐྱར་གསོའི་ཆེད་བེད་སྤྱོད་ཐུབ་པ་ཡིན།


0 མཆན་གྲངས།:

Post a Comment

\\ ཡིག་ཆ་འཚོལ་བཤེར་གནང་།

\\ དྲ་ཚིགས་ཞིག་དགོས་སམ།

weChat: sonamdava
Phone: +91 9805941078
Email: iphoeniz@gmail.com
  • རྒྱལ་སྤྱིའི་བོད་ཀྱི་པེན་ཚོགས་པ།

  • འབྲས་སྤུངས་བློ་གསལ་གླིང་།

  • ཆོས་དུང་དཀར་པོ།

  • སྒོ་མང་དཔེ་མཛོད་ཁང་།

  • ཨ་ནུ་དྲ་བ།

\\ ཡིག་འབྲེལ།

Name

Email *

Message *