Heartbleed སྙིང་ཁྲག་བཞུར་བ་ཟེར་བའི་སྐོར་གླེང་བ།

བོད་དེ་གཞིས་བྱེས་གཉིས་སུ་གྱེས་པ་ནས་བོད་མི་ཚོ་འཛམ་གླིང་གི་ས་ཕྱོགས་ཡུལ་གྲུ་གང་སར་ཁ་འཐོར་དགུ་འཐོར་དུ་ཕྱིན་དང་འགྲོ་བཞིན་པའི་ད་ལྟའི་དུས་སྐབས་འདིར། དྲ་རྒྱ་ནི་ཕ་མ་སྤུན་མཆེད་དང་གྲོགས་ཉེ་རིང་སོགས་ལ་འབྲེལ་བ་མཐུད་བྱེད་ཀྱི་བརྒྱུད་ལམ་གལ་ཆེ་ཤོས་དང་མགྱོགས་ཤོས་དེ་ཆགས་ཡོད། དྲ་རྒྱའི་མཐུན་རྐྱེན་འདིའི་དབང་གིས་མིག་རྡེབ་དབང་ཙམ་གྱི་རིང་དུ། ང་ཚོས་རི་རབ་སྟོང་ཕྲག་གིས་བཅད་ཅིང་། ལེ་དབར་ཁྲི་ཚོ་ཡི་ས་ན་གནས་པའི་རྒྱང་རིང་གི་ཤ་ཉེ་རིང་དང་གྲོགས་གྲོགས་མོ་ཚར་མར་འབྲེལ་བ་བྱས་ནས་སྐད་ཕར་གཏོང་ཚུར་ཉན་བྱེད་ཐུབ་ཀྱི་ཡོད་པ་མ་ཟད། ཕན་ཚུན་སྒྲོག་ཙེ་གཅིག་གི་སྟེང་དུ་བསྡད་ནས་ཁ་བརྡ་བྱེད་པ་ལྟར་གཟུགས་མཐོང་གླེང་མོལ་ཀྱང་བྱེད་ཐུབ་པ་ཆགས་ཡོད། དེ་ཙམ་མ་ཟད། ལུས་པོའི་ནུས་སྟོབས་ལ་བརྟེན་ནས་ངལ་དུབ་ཀྱི་ལས་ཀ་བྱེད་མ་དགོས་པར། མི་སྒེར་དང་ཚོགས་པ་སྒྲིག་འཛུགས་སོགས་ཀྱི་ཉིན་རྒྱུན་གྱི་ཕྱག་ལས་གང་མང་ཞིག་དྲ་ཐོག་ནས་སྒྲུབ་ཐུབ་ཀྱི་ཡོད། དྲ་ཐོག་ནས་དངུལ་སྒོར་གཏོང་ལེན་དང་། དྲ་ཐོག་ནས་ཚོང་ཟོག་ཉོ་བ་སོགས་ནི་དཔེ་མཚོན་ཆུང་ཆུང་གི་རིགས་རེད། རྒྱུ་མཚན་དེ་དག་གི་དབང་གིས་དྲ་རྒྱ་ནི་བརྡ་འཕྲིན་དུས་རབས་ཀྱི་ཁྲོད་དུ་གནས་པའི་མི་ཚོའི་དུས་གསུམ་གྱི་ཞལ་ཟས་དང་གཅིག་མཚུངས་ཀྱི་གལ་ཆེན་ཆགས་ཡོད་ཅེས་ལབ་ཀྱང་མ་འགྲིག་པ་མེད། འདི་ལྟར་དྲ་རྒྱ་ནི་ང་ཚོའི་ཉིན་རེའི་འཚོ་བའི་ཁྲོད་ཀྱི་མེད་དུ་མི་རུང་བའི་གལ་ཆེའི་ཆ་རྐྱེན་ཞིག་ཏུ་གྱུར་ཡོད་ཀྱང་། ཕྱོགས་གཞན་ཞིག་ནས་དྲ་རྒྱ་ནི་མིས་བཟོ་སྐྲུན་བྱས་པ་ཡིན་པས། དེ་ལ་ནོར་འཁྲུལ་དང་། འཐུས་ཤོར། སྐྱོན་ཆ་ཅི་རིགས་ཤིག་ཡོད་ངེས་པ་ང་ཚོ་ཚང་མས་ཧ་གོ་དགོས། དཔེར་ན། བདུན་ཕྲག་གཉིས་ཀྱི་ཡར་སྔོན་དུ། འཛམ་གླིང་གི་འཕྲུལ་རིག་ཆེད་མཁས་པ་ཚང་མ་ཧ་ལས་སུ་བཅུག་ཅིང་། དྲ་རྒྱ་བེད་སྤྱོད་གཏོང་མཁན་ཚང་མ་འུར་འུར་ཟིང་ཟིང་དུ་བཟོས་པའི་གནད་དོན་གཅིག་ནི་དབྱིན་སྐད་དུ་Heartbleed སྙིང་ཁྲག་བཞུར་བ་ཟེར་བ་དེ་ཡིན།

རྩོམ་ཡིག་ཡོངས་ཁུངས། བསྟན་འཛིན་སྒྲོལ་མ།

བོད་དེ་གཞིས་བྱེས་གཉིས་སུ་གྱེས་པ་ནས་བོད་མི་ཚོ་འཛམ་གླིང་གི་ས་ཕྱོགས་ཡུལ་གྲུ་གང་སར་ཁ་འཐོར་དགུ་འཐོར་དུ་ཕྱིན་དང་འགྲོ་བཞིན་པའི་ད་ལྟའི་དུས་སྐབས་འདིར། དྲ་རྒྱ་ནི་ཕ་མ་སྤུན་མཆེད་དང་གྲོགས་ཉེ་རིང་སོགས་ལ་འབྲེལ་བ་མཐུད་བྱེད་ཀྱི་བརྒྱུད་ལམ་གལ་ཆེ་ཤོས་དང་མགྱོགས་ཤོས་དེ་ཆགས་ཡོད། དྲ་རྒྱའི་མཐུན་རྐྱེན་འདིའི་དབང་གིས་མིག་རྡེབ་དབང་ཙམ་གྱི་རིང་དུ། ང་ཚོས་རི་རབ་སྟོང་ཕྲག་གིས་བཅད་ཅིང་། ལེ་དབར་ཁྲི་ཚོ་ཡི་ས་ན་གནས་པའི་རྒྱང་རིང་གི་ཤ་ཉེ་རིང་དང་གྲོགས་གྲོགས་མོ་ཚར་མར་འབྲེལ་བ་བྱས་ནས་སྐད་ཕར་གཏོང་ཚུར་ཉན་བྱེད་ཐུབ་ཀྱི་ཡོད་པ་མ་ཟད། ཕན་ཚུན་སྒྲོག་ཙེ་གཅིག་གི་སྟེང་དུ་བསྡད་ནས་ཁ་བརྡ་བྱེད་པ་ལྟར་གཟུགས་མཐོང་གླེང་མོལ་ཀྱང་བྱེད་ཐུབ་པ་ཆགས་ཡོད།

དེ་ཙམ་མ་ཟད། ལུས་པོའི་ནུས་སྟོབས་ལ་བརྟེན་ནས་ངལ་དུབ་ཀྱི་ལས་ཀ་བྱེད་མ་དགོས་པར། མི་སྒེར་དང་ཚོགས་པ་སྒྲིག་འཛུགས་སོགས་ཀྱི་ཉིན་རྒྱུན་གྱི་ཕྱག་ལས་གང་མང་ཞིག་དྲ་ཐོག་ནས་སྒྲུབ་ཐུབ་ཀྱི་ཡོད། དྲ་ཐོག་ནས་དངུལ་སྒོར་གཏོང་ལེན་དང་། དྲ་ཐོག་ནས་ཚོང་ཟོག་ཉོ་བ་སོགས་ནི་དཔེ་མཚོན་ཆུང་ཆུང་གི་རིགས་རེད། རྒྱུ་མཚན་དེ་དག་གི་དབང་གིས་དྲ་རྒྱ་ནི་བརྡ་འཕྲིན་དུས་རབས་ཀྱི་ཁྲོད་དུ་གནས་པའི་མི་ཚོའི་དུས་གསུམ་གྱི་ཞལ་ཟས་དང་གཅིག་མཚུངས་ཀྱི་གལ་ཆེན་ཆགས་ཡོད་ཅེས་ལབ་ཀྱང་མ་འགྲིག་པ་མེད།

འདི་ལྟར་དྲ་རྒྱ་ནི་ང་ཚོའི་ཉིན་རེའི་འཚོ་བའི་ཁྲོད་ཀྱི་མེད་དུ་མི་རུང་བའི་གལ་ཆེའི་ཆ་རྐྱེན་ཞིག་ཏུ་གྱུར་ཡོད་ཀྱང་། ཕྱོགས་གཞན་ཞིག་ནས་དྲ་རྒྱ་ནི་མིས་བཟོ་སྐྲུན་བྱས་པ་ཡིན་པས། དེ་ལ་ནོར་འཁྲུལ་དང་། འཐུས་ཤོར། སྐྱོན་ཆ་ཅི་རིགས་ཤིག་ཡོད་ངེས་པ་ང་ཚོ་ཚང་མས་ཧ་གོ་དགོས།
དཔེར་ན། བདུན་ཕྲག་གཉིས་ཀྱི་ཡར་སྔོན་དུ། འཛམ་གླིང་གི་འཕྲུལ་རིག་ཆེད་མཁས་པ་ཚང་མ་ཧ་ལས་སུ་བཅུག་ཅིང་། དྲ་རྒྱ་བེད་སྤྱོད་གཏོང་མཁན་ཚང་མ་འུར་འུར་ཟིང་ཟིང་དུ་བཟོས་པའི་གནད་དོན་གཅིག་ནི་དབྱིན་སྐད་དུ་Heartbleed སྙིང་ཁྲག་བཞུར་བ་ཟེར་བ་དེ་ཡིན།

Heartbleed་སྙིང་ཁྲག་བཞུར་བ་ཟེར་བ་དེ་ག་རེ་རེད།

སྙིང་ཁྲག་བཞུར་བ་ཟེར་བ་དེ་ནི་དྲ་ཐོག་གི་ནད་འབུ་ཞིག་མ་ཡིན་པར། དྲ་རྒྱའི་ཞབས་ཞུའི་མཐུན་རྐྱེན་སྤྲོད་མཁན་ཚོའི་མཉེན་ཆས་ཀྱི་སྐྱོན་ཆ་ཞིག་གི་མིང་ལ་དེ་ལྟར་བཏགས་པ་ཞིག་རེད། སྐྱོན་ཆ་དེའི་དབང་གིས་གཞུང་དང་སྒེར་ཚང་མས་དྲ་ཐོག་ཏུ་སྒྲུབ་བཞིན་པའི་ལས་དོན་མང་པོ་ཞིག་དང་། ལྷག་པར་དྲ་ཐོག་ཏུ་གསང་ཚིག་བརྒྱབ་ནས་གློག་འཕྲིན་ནང་འཛུལ་བ་དང་། དྲ་ཐོག་གི་གལ་ཆེའི་ཡིག་ཆ་གསོག་འཇོག་བྱེད་པ་དང་བགོ་འགྲེམས་བྱེད་པ། ད་དུང་དྲ་ཐོག་ཏུ་དངུལ་སྒོར་གཏོང་ལེན་བྱེད་པ་སོགས་ལ་མི་གསུམ་པ་ཞིག་གམ་ཡང་ན། དྲ་ཐོག་ཏུ་ཁྲིམས་འགལ་གྱི་ལས་ཀ་བྱེད་མཁན་གྱི་འཇབ་རྒོལ་བ་ཚོས་རྐུན་མ་རྒྱག་ཐུབ་པའི་གནས་སྟངས་དེ་འདྲ་ཞིག་ཆགས་ཡོད།

 Heartbleed སྙིང་ཁྲག་བཞུར་བ་ཟེར་བའི་དྲ་ཐོག་གི་སྐྱོན་ཆའམ་ནོར་འཛོལ་དེ་གང་དུ་ལྷག་པ་རེད།

Heartbleed སྙིང་ཁྲག་བཞུར་བ་ཟེར་བའི་སྐྱོན་ཆ་དེ་ནི་དྲ་རྒྱའི་ཞབས་ཞུའི་མཐུན་རྐྱེན་སྤྲོད་མཁན་གྱི་མཉེན་ཆས་ OpenSSL ཟེར་བ་དེ་ནང་དུ་ལྷག་པ་ཞིག་རེད། OpenSSL ནི་རྩ་བའི་ཆ་ནས་མི་ཚོའི་དྲ་ཐོག་གི་བདེ་འཇགས་ཆེད་བཟོས་པའི་མཉེས་ཆས་མ་ལག་ཅིག་ཡིན་ལ། མཉེན་ཆས་མ་ལག་འདིས་དྲ་རྒྱའི་ཞབས་ཞུའི་མཐུན་རྐྱེན་སྤྲོད་མཁན་དང་དྲ་རྒྱ་བེད་སྤྱོད་གཏོང་མཁན་གཉིས་དབར་དུ་གསང་ཚིག་དང་་གནས་ཚུལ་གཞན་་ཁག་སྦས་བའི་ཐོག་ནས་གཏོང་ལེན་བྱེད་ཀྱི་ཡོད།

དེ་ཡང་འཛམ་གླིང་གི་གསར་འགྱུར་བརྒྱུད་ལམ་ཆེ་ཁག་དང་། ལྷག་པར་བྷི་བྷི་སི་གསར་ཁག་གི་གནས་ཚུལ་སྤེལ་བར་གཞིགས་ན། འཕྲུལ་རིག་ཆེད་མཁས་པ་དག་གིས་ཞིབ་ཏུ་ཞིབ་འཇུག་བྱེད་དུས། Heartbleed ཟེར་བའི་སྐྱོན་ཆ་དེ་དྲ་སྟེང་དུ་ལྷག་ནས་ལོ་གཉིས་ལྷག་ཕྱིན་ཡོད་པའི་ཚོད་དཔག་བྱས་ཡོད་ལ། རྒྱུ་རྐྱེན་དེ་དབང་གིས་ད་ཆ་འཛམ་གླིང་གི་དྲ་ཚིགས་ས་ཡ་ཕྱེད་ཀ་ལྷག་བདེ་འཇགས་མིན་པ་མ་ཟད། དྲ་ཐོག་གི་འཇབ་རྒོལ་བ་ཚོའི་གནོད་སྐྱོན་ཐེབས་ངེས་པའི་ཧ་ཅང་ཉེན་ཁའི་གནས་སུ་ལྷག་ཡོད་པའི་འགྲེལ་བརྗོད་བྱས་ཡོད།

 དྲ་ཐོག་གི་གནོད་འཚེ་ཕོག་ཡུལ། ཁེ་ན་ཌའི་ཁྲལ་བསྡུ་ལས་ཁུངས།

ཐོག་མའི་ཆར། Heartbleed སྙིང་ཁྲག་བཞུར་བ་ཟེརབའི་སྐྱོན་ཆ་དེ་དྲ་ཐོག་ཏུ་ལྷག་ཡོད་རུང་། གོ་སྐབས་དེ་བཟུང་ནས་གཞུང་དང་ཚོགས་པ། མི་སྒེར་སོགས་ལ་གནོད་སྐྱོན་ཕོག་པའི་གནས་ཚུལ་གང་ཡང་བྱུང་མེད་ཚུལ་བཀོད་ཡོད་ཀྱང་། ཉིན་ཁ་ཤས་གོང་། རང་ལོ་༡༩ ཡིན་པའི་ཁེ་ན་ཌའི་སི་ཀྲེ་ཧྥིན་་་ཨ་ཐ་རོ་ཟེར་བ་ཞིག་གིས་ཁེ་ན་ཌའི་རྒྱལ་ཁབ་ཀྱི་ཁྲལ་བསྡུ་ལས་ཁུངས་ཀྱི་དྲ་ཚིགས་ལ་གནོད་སྐྱོན་བཏང་ནས་དྲ་ཚིགས་དེའི་ཐོག་གི་མི་སྒེར་གྱི་སྤྱི་ཚོགས་ཉེན་སྲུང་འགན་ལེན་གྱི་ཨང་གྲངས་༩༠༠ ལྷག་བརྐུ་འཁྱེར་བྱས་ཚུལ་ཉེན་རྟོག་པས་ཉེས་འཛུགས་བྱས་ནས་འཇུ་བཟུང་བྱས་ཡོད། གནས་སྟངས་དེའི་འོག ཁེ་ན་ཌའི་ཁྲལ་བསྡུ་ལས་ཁུངས་ཀྱིས་དྲ་ཐོག་གི་ཁྲལ་བསྡུ་ཞབས་ཞུ་འཕྲལ་དུ་མཚམས་འཇོག་བྱས་ཡོད།
དེར་བརྟེན་དྲ་རྒྱའི་ཆེད་མཁས་པ་མི་མང་པོ་ཞིག་གིས་གཞུང་དང་གཞུང་འབྲེལ་མ་ཡིན་པའི་ཚོགས་པ་ཁག་དང་། བཟོ་ཚོང་ཁང་ཆེ་ཁག མི་སྒེར་སོགས་ཚང་མར་གནོད་སྐྱོན་ཐེབས་ཡོད་སྲིད་པའི་དོགས་པ་དང་སེམས་འཚབ་བྱེད་ཀྱི་ཡོད། དུས་ད་ལྟའི་ཆར་འཛམ་གླིང་གི་ས་ཆ་གང་སར་དྲ་ཐོག་ནས་གནས་ཚུལ་ག་རེ་བརླག་པ་བཤད་ཚོད་ཐུབ་ཀྱི་མེད། འོན་ཀྱང་སྲིད་དབང་སྒེར་གཅོད་ཅན་གྱི་རྒྱ་ནག་ལྟ་བུས་རང་དབང་འཐབ་རྩོད་པ་ཚོའི་དྲ་ཐོག་གི་གསང་ཚིག་དང་ཡིག་ཆ་སོགས་བརྐུ་འཁྱེར་བྱས་ཡོད་ཚེ། དེ་ནི་ཧ་ཅང་ཉེན་ཚབས་ཆེ་བའི་གནད་དོན་ཞིག་རེད།

Heartbleedbug སྙིང་ཁྲག་བཞུར་བ་ཟེར་བའི་སྐྱོན་ཆ་དང་། ཨན་ཌོ་མ་ལག་རྟགས་ཅན་གྱི་ཁ་པར།

Heartbleedbug གནས་ཚུལ་ཐོག་མར་ཁྱབ་དུས། འཕྲུལ་རིག་ཆེད་མཁས་པ་ཚང་མས་དྲ་ཚིགས་ཁག་གི་ཉེན་ཁའི་གནས་བབ་དམིགས་སུ་བཟུང་ཡོད་ལ། ད་ཆ་དམིགས་འབེན་གྱི་ཁ་ཕྱོགས་ལག་ཐོགས་ཁ་པར་གྱི་སྟེང་དུ་བབས་ཡོད།

དེ་ཡང་གནད་དོན་དབྱེ་ཞིབ་པ་ཚོས་བརྗོད་ན། ཨན་ཌོ་ཁ་པར་ས་ཡ་མང་པོ་ཉེན་ཁའི་གནས་སུ་ལྷག་ཡོད་ཚོད་འདུག་ལ། ཨན་ཌོ་ཁ་པར་གྱི་བཟོ་བཀོལ་མ་ལག་ཐོན་༤..༡.༡. དེ་ཉེན་ཁ་ཧ་ཅང་ཆེན་པོ་ཡོད་པས། གོ་གལ་བཟོ་ཚོང་ཁང་གི་ངོས་ནས་ཨན་ཌོ་ཁ་པར་ནང་གི་བཟོ་བཀོལ་མ་ལག་ཐོན་གསར་བ་བཟོ་སྐྲུན་བྱས་ཏེ། ཉེན་ཁ་དེ་སེལ་ཡོད་ཚུལ་བརྗོད་ཡོད་རུང་། Sony’s Xperaria E དང་། HTC’s One S དང་ Huawei’s Y300 Asus’s padfone2 སོགས་ནང་གི་ཁ་པར་གྱི་བཟོ་བཀོལ་མ་ལག་དེ། ཐོན་གསར་བའི་ཐོག་བརྗེ་བསྒྱུར་བྱེད་ཐུབ་ཀྱི་མེད་པ་དེ་རེད། ༼སྒེར་གྱི་གསང་བ་དང་བདེ་འཇགས་དེ་ HTC ངོས་ནས་གལ་ཆེན་པོར་བརྩི་གི་ཡོད་སྟབས། ང་ཚོའི་ངོས་ནས་ང་ཚོའི་ཚོང་ཟོག་ཉོ་ཚོང་མཁན་ཚོའི་འཕྲུལ་ཆས་ཀྱི་བདེ་འཇགས་སྲུང་སྐྱོབ་བྱེད་ངེས་ཡིན་ཅེས།༽ ཐའེ་ཝན་གྱི་བཟོ་ཁང་དེས་བརྗོད་ཡོད། ཡིན་ཡང་Sony དང་Huawei གཉིས་ཀྱིས་གནས་ཚུལ་འདིའི་སྒང་ལ་འགྲེལ་བརྗོད་དང་གསལ་བཤད་གང་ཡང་བྱས་མེད།

Huawei ནི་རྒྱ་ནག་གིས་བཟོས་པའི་ཨན་ཌོ་མ་ལག་རྟགས་ཅན་གྱི་ཁ་པར་ཞིག་ཡིན་ཡང་། རྒྱ་ནག་གིས་བཟོ་སྐྲུན་སྐབས་ཁ་པར་དེའི་ནང་མཉེན་འབུ་བླུགས་ནས་ཁ་པར་ཉོ་ཚོང་བྱེད་མཁན་གྱི་ཡིག་ཆ་དང་གཞི་གྲངས་སོགས་ལྐོག་ནས་གསོག་ཉར་བྱེད་ཀྱི་ཡོད་པར་ཨ་རི་དང་རྒྱ་གར་སོགས་ཀྱི་དོགས་པ་བྱེད་ཀྱི་ཡོད། རབ་ཡིན་ན། བོད་པ་ཚོས་Huawei ཁ་པར་དེ་མ་ཉོས་ན་དགའ།

ཡིན་ཡང་ཨན་ཌོ་ཁ་པར་བེད་སྤྱོད་གཏོང་མཁན་ཚོས་བཟོ་ཚོང་ཁང་ངོས་ནས་བཟོས་ཚར་བའི་ཁ་པར་ནང་གི་བཟོ་བཀོལ་མ་ལག་ཐོན་གསར་བ་དེའི་ཐོག་ལ་བརྗེ་བསྒྱུར་བྱེད་ཐུབ་མིན་ལ་ལྟ་རྒྱུ་དེ་ད་ལྟའི་དུས་ཀྱི་གདམ་ག་ཉག་གཅིག་ཡིན། དཔེར་ན་སེམས་སོང་ཁ་པར་ཐོན་གསར་བའི་རིགས་སེམས་སོང་S3 དང་S4 S5 སོགས་ཀྱི་ནང་གི་བཟོ་བཀོལ་མ་ལག་ཁག་ཐོན་གསར་བའི་བརྗེ་བསྒྱུར་བྱེད་ཐུབ་ཀྱི་ཡོད་པ་རེད།

ང་ཚོ་ཉེན་ཁའི་གནས་སུ་ཡོད་ཚེ། དེ་ནས་ཅི་ཞིག་བྱེད་དགོས་སམ།

ང་ཚོ་དྲ་ཐོག་གི་གནོད་འཚེ་ཐེབས་སྲིད་པའི་གནས་སྟངས་དེ་འདྲ་ཞིག་གི་འོག་ལྷག་ཡོད་དུས། སོ་སོའི་དྲ་ཐོག་གི་མི་ཚེའི་བདེ་འཇགས་ཇི་ལྟར་སྲུང་སྐྱོབ་བྱེད་དགོས་མིན་དེ་ནི་སྐབས་བབ་ཀྱི་དྲི་བ་ཆེ་ཤོས་དེ་ཡིན།

ད་ལྟའི་ཉེན་ཁའི་གནས་བབ་འདིའི་ཁྲོད་དུ། རང་ཉིད་ཀྱི་གློག་འཕྲིན་དང་། སྤྱི་ཚོགས་འབྲེལ་མཐུད་དྲ་རྒྱ། དྲ་ཚིགས་ཁག་དང་། ཟིན་བྲིས་དྲ་གནས། དྲ་ཐོག་གི་དངུལ་ཁང་དང་འབྲེལ་བའི་གནས་ཚུལ། dropbox and ge.tt སོགས་ནང་གི་ཡིག་ཆ་བགོ་འགྲེམས་སོགས་ལ་གཞན་གྱིས་གནོད་སྐྱོན་མ་ཐེབས་པའི་ཕྱིར་དུ།
གཤམ་དུ་གསལ་བའི་གོ་རིམ་འདི་དག་ངེས་པར་དུ་ལག་ལེན་དུ་བསྟར་རོགས།


  1. ཉེན་ཁའི་གནས་སུ་ཡོད་པའི་དྲ་ཚིགས་འདྲ་མིན་ལ་གང་བྱུང་དུ་མྱུལ་མི་རུང་།
  2. རང་ཉིད་ཀྱི་དྲ་ཐོག་གི་གསང་ཚིག་ཡོད་ཚད་བསྐྱར་དུ་བརྗེ་བོ་སློག་རོགས། ཡིན་ཡང་ཧ་གོ་དགོས་པ་ཞིག་ལ། གོ་གལ་བཟོ་ཚོང་ཁང་གི་ངོས་ནས་ OpenSSL མཉེན་ཆས་མ་ལག་ཐོན་གསར་བ་བཟོ་སྐྲུན་བྱས་ཚར་ཡོད་རུང་། དྲ་ཚིགས་མང་པོ་ཞིག་གིས་དྲ་ཐོག་གི་གཞི་གྲངས་དང་ཡིག་ཆ་མང་པོ་ཞིག་གསར་བསྒྱུར་བྱས་མེད་པའི་གོང་དུ། རང་ཉིད་ཀྱི་དྲ་ཐོག་གི་གསང་ཚིག་རྣམས་བརྗེ་བོ་སློག་པ་ཡིན་ན། ཁྱེད་ཀྱི་གསང་ཚིག་གསར་རྙིང་གཉིས་ཀ་དྲ་ཐོག་གི་འཇབ་རྒོལ་བའི་ལག་ནང་དུ་ཤོར་ཉེན་ཡོད་པས། དྲ་ཚིགས་ཁག་གི་སྐྱོན་ཆ་དེ་བཟོ་བཅོས་དང་ཁ་སྐོང་མ་གྲུབ་བར། གསང་ཚིག་བརྗེ་བོ་སློག་རྒྱུར་བྲེལ་བ་མ་ལངས་རོགས།
  3. དྲ་རྒྱའི་མཐུན་རྐྱེན་སྤྲོད་མཁན་གྱི་བཟོ་ཚོང་ཁང་གང་རུང་ངོས་ནས་ར་སྤྲོད་ཀྱི་རིམ་པ་གཉིས་ཟེར་བའི་མཐུན་རྐྱེན་དེ་མཁོ་སྤྲོད་བྱེད་ཀྱི་ཡོད་ཚེ་ཉེན་སྲུང་གི་རིམ་པ་འཕར་མ་དེ་སྒྲིག་བཟོ་བྱོས། ཉེན་སྲུང་གི་ར་སྤྲོད་ཀྱི་རིམ་པ་གཉིས་ཟེར་བ་དེ་ཇེ་མེལ་གློག་འཕྲིན་ཁ་བྱང་དང་ཐེའུ་ཐར་སོགས་ཀྱི་ནང་དུ་དྲ་རྒྱའི་བཟོ་ཚོང་ཁང་ངོས་ནས་སྔ་ས་ནས་བཟོ་སྐྲུན་བྱས་ཡོད་པས། སྒྲིག་བཟོ་བྱེད་རྒྱུ་དེ་ཁྱེད་ཀྱི་ལས་འགན་ཡིན།
  4. གལ་ཏེ་ཁྱེད་ཀྱིས་དྲ་ཚིགས་སོགས་གཉེར་གྱི་ཡོད་ཚེ། ཁྱེད་ཀྱི་དྲ་གནས་དེར་ Heartbleed bug ཟེར་བའི་གནོད་སྐྱོན་ཐེབས་ཡོད་མེད་དྲ་ངོས་འདིར་http://filippo.io/Heartbleed/ ཕེབས་ནས་ལྟོས།
  5. གློག་ཀླད་དང་ཁ་པར་ནང་གི་མཉེན་ཆས་ཁག་དང་བཟོ་བཀོལ་མ་ལག་སོགས་དྲ་རྒྱའི་བཟོ་ཚོང་ཁང་གིས་དུས་ནས་དུས་སུ་དུས་བསྟུན་ཁ་གསབ་ཀྱི་ཚུལ་དུ་ཐོན་གསར་བ་འདོན་སྤེལ་བྱེད་ཀྱི་ཡོད་པ་བཞིན། ཁྱེད་ཀྱིས་དུས་ཐོག་ཏུ་ཐོན་གསར་བའི་ཐོག་ལ་བརྗེ་བསྒྱུར་བྱས་ནས། ཕྱིར་འགྱངས་མི་བྱེད་པ་དེ་ཁྱེད་ཀྱི་དུས་རྒྱུན་གྱི་གོམས་གཤིས་ཆགས་ཏུ་འཇུག་དགོས།

སྔོན་མ་ནས་ཞུས་པ་བཞིན། དྲ་རྒྱ་ནི་མིས་བཟོས་པའི་འཇིག་རྟེན་ཞིག་ཡིན་པས། དེ་ལ་ག་དུས་ཡིན་ཡང་སྐྱོན་ཤོར་ཆོག་ཆོག་ཡིན། དེ་བས་ང་ཚོས་ངེས་པར་དུ་སེམས་ལ་འཛིན་དགོས་པ་ཞིག་ནི། རིན་གོང་ཧ་ཅང་ཆེ་བའི་ནད་འབུ་སྔོན་འགོག་གི་མཉེན་ཆས་ག་ཚོད་ཉོས་རུང་། དྲ་ཐོག་ན་༡༠༠%བདེ་འཇགས་ཟེར་བ་ཞིག་གཏན་ནས་མེད། ཡིན་ཡང་བདེ་འཇགས་ཀྱི་ཚད་རིམ་མཐོ་རུ་གཏོང་ཐུབ་པའི་ཧ་ཅང་སྟབས་བདེའི་ལམ་ཁ་མང་པོ་ཞིག་ཡོད་ལ། དེ་དག་ལག་ལེན་དུ་བསྟར་ན། རང་ཉིད་་ཀྱི་དྲ་ཐོག་གི་བདེ་འཇགས་གང་ལ་གང་ཐུབ་ཀྱི་སྲུང་སྐྱོབ་བྱེད་ཐུབ་པ་ཡིན། དེ་དག་ནི། ཟུར་སྣོན་རིགས་དང་ལོགས་སུ་སྡོད་པ། འབྲེལ་ཐག་འདྲ་མིན་གྱི་ཐོག་ཏུ་གང་བྱུང་དུ་མི་བསྣུན་པ། གློག་ཀླད་དང་ཁ་པར་སོགས་ཀྱི་མཉེན་ཆས་དུས་ཐོག་ཏུ་ཐོན་གསར་བའི་ཐོག་ལ་བརྗེ་སྤོར་བྱེད་རྒྱུ་བཅས་ཡིན།

མཆན།

ཉེ་ཆར་གསར་དུ་ཉོས་པའི་གློག་ཀླད་ཀྱི་འཆར་ངོས། རྒྱ་གར་སྒོར་ 16974/- ཐོག་ཚོང་འགྱུར་བྱེད་ཀྱི་འདུག

Name

Android,41,Aphone,6,APK,12,Blogger,1,eBook,3,Freeware,1,Game,1,iPad,7,iphone,11,iPod,3,itune,1,Linux,3,Mac,6,Mobile,12,MS Excel,1,MS Word,2,Office,10,Photoshop,2,PowerPoint,8,PPT Draw,2,Wallpaper,1,wechat,9,Window,24,Wordpress,1,YouTube,1,གཞན་རྩོམ།,42,གླུ་གཞས།,5,གློག་ཀླད་ཀྱི་ལམ་འཕྲང།,32,གློག་བརྙན།,17,གསར་འཕྲིན།,74,གསལ་བསྒྲགས།,2,གུ་གུལ་ལམ་གྲོལ།,43,གུས་པའི་བཟོ་བཀོད།,42,ངོ་དེབ།,9,ཐབས་ཇུས་ཟབ་མོ་,93,ཐོན་ཟོག་གསར་པ།,11,དཔྱད་རྩོམ་གྱི་ལ་མོ།,15,དམིགས་བསལ།,8,དྲ་ཚིགས་ངོ་སྤྲོད་,40,དྲ་ཚིགས་མཚམས་སྦྱོར།,37,དྲི་བ་དྲིས་ལན།,15,ཕབ་ལེན།,1,ཕབས་ལེན།,65,བཅར་འདྲིའི་ལེ་ཚན།,1,བརྙན་ཟློས་ཀྱི་རྨུ་ཐག,52,བརྩམས་སྒྲུང་གི་རང་འཐག,5,བསྒྱུར་རྩོམ་གྱི་རྩ་ཐང།,3,མཉེན་ཆས་ངོ་སྤྲོད་,64,མི་ཚེ་ཡི་འཕོ་འགྱུར།,5,ཚོང་སྒྱུར།,5,ཟབ་སྦྱོང་།,7,ཟིན་བྲིས་བཟོ་བཀོད་,16,འཕྲུལ་དེབ།,4,ལྷུག་རྩོམ་གྱི་རི་ཕྲེང།,17,སྙན་ངག་གི་གླིང་ག,2,
ltr
item
གློག་ཀླད་དང་ཁ་པར།: Heartbleed སྙིང་ཁྲག་བཞུར་བ་ཟེར་བའི་སྐོར་གླེང་བ།
Heartbleed སྙིང་ཁྲག་བཞུར་བ་ཟེར་བའི་སྐོར་གླེང་བ།
བོད་དེ་གཞིས་བྱེས་གཉིས་སུ་གྱེས་པ་ནས་བོད་མི་ཚོ་འཛམ་གླིང་གི་ས་ཕྱོགས་ཡུལ་གྲུ་གང་སར་ཁ་འཐོར་དགུ་འཐོར་དུ་ཕྱིན་དང་འགྲོ་བཞིན་པའི་ད་ལྟའི་དུས་སྐབས་འདིར། དྲ་རྒྱ་ནི་ཕ་མ་སྤུན་མཆེད་དང་གྲོགས་ཉེ་རིང་སོགས་ལ་འབྲེལ་བ་མཐུད་བྱེད་ཀྱི་བརྒྱུད་ལམ་གལ་ཆེ་ཤོས་དང་མགྱོགས་ཤོས་དེ་ཆགས་ཡོད། དྲ་རྒྱའི་མཐུན་རྐྱེན་འདིའི་དབང་གིས་མིག་རྡེབ་དབང་ཙམ་གྱི་རིང་དུ། ང་ཚོས་རི་རབ་སྟོང་ཕྲག་གིས་བཅད་ཅིང་། ལེ་དབར་ཁྲི་ཚོ་ཡི་ས་ན་གནས་པའི་རྒྱང་རིང་གི་ཤ་ཉེ་རིང་དང་གྲོགས་གྲོགས་མོ་ཚར་མར་འབྲེལ་བ་བྱས་ནས་སྐད་ཕར་གཏོང་ཚུར་ཉན་བྱེད་ཐུབ་ཀྱི་ཡོད་པ་མ་ཟད། ཕན་ཚུན་སྒྲོག་ཙེ་གཅིག་གི་སྟེང་དུ་བསྡད་ནས་ཁ་བརྡ་བྱེད་པ་ལྟར་གཟུགས་མཐོང་གླེང་མོལ་ཀྱང་བྱེད་ཐུབ་པ་ཆགས་ཡོད། དེ་ཙམ་མ་ཟད། ལུས་པོའི་ནུས་སྟོབས་ལ་བརྟེན་ནས་ངལ་དུབ་ཀྱི་ལས་ཀ་བྱེད་མ་དགོས་པར། མི་སྒེར་དང་ཚོགས་པ་སྒྲིག་འཛུགས་སོགས་ཀྱི་ཉིན་རྒྱུན་གྱི་ཕྱག་ལས་གང་མང་ཞིག་དྲ་ཐོག་ནས་སྒྲུབ་ཐུབ་ཀྱི་ཡོད། དྲ་ཐོག་ནས་དངུལ་སྒོར་གཏོང་ལེན་དང་། དྲ་ཐོག་ནས་ཚོང་ཟོག་ཉོ་བ་སོགས་ནི་དཔེ་མཚོན་ཆུང་ཆུང་གི་རིགས་རེད། རྒྱུ་མཚན་དེ་དག་གི་དབང་གིས་དྲ་རྒྱ་ནི་བརྡ་འཕྲིན་དུས་རབས་ཀྱི་ཁྲོད་དུ་གནས་པའི་མི་ཚོའི་དུས་གསུམ་གྱི་ཞལ་ཟས་དང་གཅིག་མཚུངས་ཀྱི་གལ་ཆེན་ཆགས་ཡོད་ཅེས་ལབ་ཀྱང་མ་འགྲིག་པ་མེད། འདི་ལྟར་དྲ་རྒྱ་ནི་ང་ཚོའི་ཉིན་རེའི་འཚོ་བའི་ཁྲོད་ཀྱི་མེད་དུ་མི་རུང་བའི་གལ་ཆེའི་ཆ་རྐྱེན་ཞིག་ཏུ་གྱུར་ཡོད་ཀྱང་། ཕྱོགས་གཞན་ཞིག་ནས་དྲ་རྒྱ་ནི་མིས་བཟོ་སྐྲུན་བྱས་པ་ཡིན་པས། དེ་ལ་ནོར་འཁྲུལ་དང་། འཐུས་ཤོར། སྐྱོན་ཆ་ཅི་རིགས་ཤིག་ཡོད་ངེས་པ་ང་ཚོ་ཚང་མས་ཧ་གོ་དགོས། དཔེར་ན། བདུན་ཕྲག་གཉིས་ཀྱི་ཡར་སྔོན་དུ། འཛམ་གླིང་གི་འཕྲུལ་རིག་ཆེད་མཁས་པ་ཚང་མ་ཧ་ལས་སུ་བཅུག་ཅིང་། དྲ་རྒྱ་བེད་སྤྱོད་གཏོང་མཁན་ཚང་མ་འུར་འུར་ཟིང་ཟིང་དུ་བཟོས་པའི་གནད་དོན་གཅིག་ནི་དབྱིན་སྐད་དུ་Heartbleed སྙིང་ཁྲག་བཞུར་བ་ཟེར་བ་དེ་ཡིན།
http://3.bp.blogspot.com/-fFiVwDWym9A/U1akdU7jh1I/AAAAAAAAHpI/bMfpNP6z1mk/s1600/heartbleed.jpg
http://3.bp.blogspot.com/-fFiVwDWym9A/U1akdU7jh1I/AAAAAAAAHpI/bMfpNP6z1mk/s72-c/heartbleed.jpg
གློག་ཀླད་དང་ཁ་པར།
http://www.sonamdawa.com/2014/04/heartbleed.html
http://www.sonamdawa.com/
http://www.sonamdawa.com/
http://www.sonamdawa.com/2014/04/heartbleed.html
true
8975001132631270234
UTF-8
རྩོམ་ུཡིག་ཡོངས་འཆར་ཟིན། རྩོམ་ཡིག་གང་ཡང་རྙེད་མ་སོང་། ཆ་ཚང་ལྟ། འཕྲོ་ཀློགས། ལན་སློགས། ལན་ཕྱིར་འཐེན་བྱེད། སུབ། སྤེལ་མཁན། གཙོ་ངོས། ཤོག་ངོས། རྩོམ་ཡིག ཆ་ཚང་ལ་ལྟ། འབྲེལ་ཡོད་རྩོམ་ཡིག་གཞན། སྡེ་ཚན། ཡིག་ཚགས། འཚོལ་བཤེར། རྩོམ་ཡོངས། ཁྱེད་ཀྱིས་འཚོལ་བཞིན་པའི་རྩོམ་ཡིག་འདི་མིན་འདུག གཙོ་ངོས་སུ་ལོག གཟའ་ཉི་མ། གཟའ་ཟླ་བ། གཟའ་མིག་དམར། གཟའ་ལྷག་པ། གཟའ་ཕུར་བུ། གཟའ་པ་སངས། གཟའ་སྤེན་པ། ཉི་མ། ཟླ་བ། མིག་དམར། ལྷག་པ། གཟའ་ཕུར་བུ། གཟའ་པ་སངས། གཟའ་སྤེན་པ། ཕྱི་ཟླ་དང་པོ། ཕྱི་ཟླ་གཉིས་པ། ཕྱི་ཟླ་གསུམ་པ། ཕྱི་ཟླ་བཞི་པ། ཕྱི་ཟླ་ལྔ་པ། ཕྱི་ཟླ་དྲུག་པ། ཕྱི་ཟླ་བདུན་པ། ཕྱི་ཟླ་བརྒྱད་པ། ཕྱི་ཟླ་དགུ་པ། ཕྱི་ཟླ་བཅུ་པ། ཕྱི་ཟླ་བཅུ་གཅིག ཕྱི་ཟླ་བཅུ་གཅིག ཕྱི་ཟླ་དང་པོ། ཕྱི་ཟླ་གཉིས་པ། ཕྱི་ཟླ་གསུམ་པ། ཕྱི་ཟླ་བཞི་པ། ཕྱི་ཟླ་ལྔ་པ། ཕྱི་ཟླ་དྲུག་པ། ཕྱི་ཟླ་བདུན་པ། ཕྱི་ཟླ་བརྒྱད་པ། ཕྱི་ཟླ་དགུ་པ། ཕྱི་ཟླ་བཅུ་པ། ཕྱི་ཟླ་བཅུ་གཅིག ཕྱི་ཟླ་བཅུ་གཉིས། ད་ལྟ་རང་། སྐར་མ་གཅིག་སྔོན་ལ། $$1$$ minutes ago ཆུ་ཚོད་ 1 སྔོན་ལ། $$1$$ hours ago ཁ་སང་། $$1$$ days ago $$1$$ weeks ago ཟླ་བ་ 5 ཙམ་གོང་། རྗེས་བཞུགས་པ། རྗེས་བཞུགས། ནང་དོན་འདི་ནི་ཆེད་དུ་བཀག་ཡོད། ངོ་དེབ་དང་ཊེའུ་ཊར་གྱི་དྲ་གནས་ཁག་ཏུ་རྒྱུད་སྤེལ་རེ་བྱས་ན་ནང་དོན་ལྟ་ཐུབ། Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy