Retro Computer Meseum རི་ཁྲོར་གློག་ཀླད་འགྲེམས་སྟོན་ཁང་།

 

ང་ཚོས་ངོས་འཇམ་གྱི་ ཊེ་བྷེ་ལེཊ་ (tablet) དང་ ལེབ་ཊོབ་ (laptop) གསར་པའི་ནང་གཙོ་འཁོར་མ་ལག processor ཐོན་གསར་ཤོས་ལྡན་པ་དེ་དག་ལ་དགའ་ཞེན་ཆེན་པོ་ཡོད་པ་ལྟར་འཕྲུལ་ལས་མཁས་ཅན་པའི་སེམས་ངོས་སུ་འདས་ཟིན་པའི་གློག་ཀླད་དང་འཕྲུལ་ཆས་རྙིང་པ་དེ་དག་ལ་ཡང་རིན་ཐང་ཆེན་པོ་འཛིན་བཞིན་ཡོད། གལ་ཏེ་སྐད་ཆ་འདི་ཁྱེད་ཀྱིས་བདེན་པ་རེད་བསམ་ན། ཁྱེད་རང་དང་ང་ཚོ། དེ་བཞིན་ Leicester ས་གནས་སུ་བཙུགས་པའི་ རི་ཁྲོར་གློག་ཀླད་འགྲེམས་སྟོན་ཁང་ (Retro Computer Meseum) གི་འགོ་འཛིན་སྐུ་ཞབས་ ཨན་ཌི་ སི་པན་སར་ ( Mr. Andy Spencer) དང་བསམ་བློ་འཁོར་སྟངས་གཅིག་པ་རེད།

ཆ་ཚང་དྭང་བླངས་ཐོག་ ༢༠༠༨ ལོར་ རི་ཁྲོར་གློག་ཀླད་འགྲེམས་སྟོན་ཁང་དེ་ཐོག་མར་འགོ་བཙུགས་པ་དང་དེའི་སྐབས་སུ་སྐུ་ཞབས་ སི་པན་སར་ རང་ཉིད་ཀྱིས་ཉར་ཚགས་བྱེད་པའི་གློག་ཀླད་རྙིང་པ་ ༢༥ ལས་མེད། སྟབས་ལེགས་པ་ཞིག་ལ་མི་ཚོས་ཞལ་འདེབས་བྱུང་བ་ལས་ད་ཆ་གློག་ཀླད་གྲངས་ ༡༠༠༠ བསྒལ་ཟིན། འདུ་རུབ་ཁོངས་སུ་ Ataris དང་ ཕྱི་ལོ་ 1990 ནང་ W Industries གྱིས་བཟོས་པའི་ Virtual-Reality འཕྲུལ་ཆས་ཐོག་མའི་གྲས་དེ་དག་ཀྱང་ཡོད་འདུག

འགྲེམས་སྟོན་ཁང་དེའི་ནང་འཕྲུལ་ཆས་རྙིང་པ་ ༥༠ ཟླ་རེའི་ནང་རེས་མོས་བྱེད་དེ་འགྲེམས་སྟོན་བྱེད་ཀྱི་ཡོད་འདུག །གལ་ཏེ་གློག་ཀླད་རྙིང་པ་གཡུག་དགོས་རིགས་ཡོད་ན། ཁོང་ཚོའི་དྭངས་བླངས་ལས་མིས་སྒོ་འགྲམ་དུ་ལེན་དུ་ཡོང་བའི་འབྲེལ་མཐུད་ཞབས་ཞུའང་ཡོད་འདུག

འགྲེམ་སྟོན་ཁང་དུ་ཡོད་པའི་འཕྲུལ་ཆས་རྙིང་པ་དེ་དག་ཆ་ཚང་སྔར་མུས་བཞིན་ལས་ཀ་བྱེད་ཐུབ་པ་མ་ཟད་གཟིགས་སྐོར་ལ་ཕེབས་མཁན་ཚོས་བེད་སྤྱོད་དང་ཚོད་ལྟ་བྱེད་མཆོག་གི་འདུག །བཅར་འདྲིའི་སྐབས་སྐུ་ཞབས་སི་པན་སར་གྱིས་སྤྲོ་སྣང་ཆེན་པོས་གསུངས་གསལ་ "ངའི་དགའ་ཤོས་ནི། Sinclair ZX81 དང་ ZX Spetrum དེ་ནས་ Commodore 64 བཅས་ཡིན། སྤྱིར་བཏང་ཅ་ལག་དེ་རེ་རེ་ལ་དེའི་དམིགས་བསལ་གྱི་ལེགས་ཆ་རེ་ཡོད་པ་མ་ཟད། ང་ཚོས་གསོག་འཇོག་བྱེད་པའི་མཉེན་ཆས་ཀྱི་འོད་སྡེར་དེ་དག་ཀྱང་བལྟ་འོས་པ་ཞིག་ཡིན།"

རི་ཁྲོར་གློག་ཀླད་འགྲེམ་སྟོན་ཁང་དེ་རེས་གཟའ་ཉི་མའི་ཞོགས་པ་ཆུ་ཚོད་ ༡༡ ནས་དགོང་དྲོ་ཆུ་ཚོད་ ༥ བར་སྒོ་ཕྱེ་གི་ཡོད་པ་དང་འགྲེམ་སྟོན་ཁང་དུ་འཛུལ་བར་མི་རྒན་པར་ £6.50 དང་ཕྲུ་གུར་ £3.50 ཡིན་འདུག །འགྲེམས་སྟོན་ཁང་དེའི་སྐོར་རྒྱས་པ་དྲ་ཚིགས་འདིར་གཟིགས། www.retrocomputermuseum.co.uk

Google Fonts Download གུ་གུལ་གྱི་ཡིག་གཟུགས་ཕབས་ལེན་བྱེད་སྟངས།

 
གུ་གུལ་ཡིག་གཟུགས་ནི་རིན་མེད་ངང་སྤྱོད་མཆོག་པའི་ཡིག་གཟུགས་ཀྱི་དྲ་མཛོད་ཆེན་པོ་ཞིག་ཡིན་པ་མ་ཚད་སྒེར་དང་ཚོང་ལས་ཀྱི་ཆེད་དུ་ཡིག་གཟུགས་དེ་དག་བཀོལ་སྤྱོད་བྱེད་ཀྱང་དཔར་དབང་གི་རྙོག་དྲ་རྩ་བ་ནས་མེད། ད་ཕན་ཆར་གུ་གུལ་ཡིག་གཟུགས་ལ་བཟོ་དབྱིབས་དང་རྣམ་གྲངས་སྟོང་ཕྲག་ག་ཤས་ཟིན་ཡོད་པ་དང་། ཡིག་གཟུགས་དེ་དག་དྲ་ཚིགས་དང་ཡིག་ཆའི་ནང་འཇུག་སྐབས་མཛེས་བཀོད་ཐད་ཕྱོགས་ཡོངས་ལ་ཉམས་སྣང་གསར་པ་བྱིན་ཐུབ་ཀྱི་ཡོད།

དྲ་ཚིགས་ཀྱི་ངོས་སུ་ཡིག་གཟུགས་དེ་དག་བེད་སྤྱོད་བཏང་བདེ་པོ་ཡོད། གཙོ་བོ་ html དང་ css གི་ཡིག་ཕྲེང་གཉིས་རང་ལས་མེད་པ་དེ་དྲ་ཚིགས་ཀྱི་ html ནང་ངོས་སུ་འཇུག་སྟངས་ཤེས་ན་འགྲིགས། སྐབས་འབབ་གུ་གུལ་གྱི་ཡིག་གཟུགས་དེ་དག་ photoshop དང་ indesign དང་  Word སོགས་ཀྱི་ནང་སྤྱོད་འདོད་ན། གཤམ་གསལ་ལྟར་འགྲོ་དགོས།

འདིར་ཡིག་གཟུགས་རྣམས་ཕབས་ལེན་བྱེད་རྒྱུར་དཀའ་ངལ་གང་ཡང་མེད། ཕབས་ལེན་བྱེད་སྐབས་འདིར་གུ་གུལ་གྱི་ཡིག་གཟུགས་ཡོད་དོ་ཅོག་མར་ལེན་ཐབས་དང་། ཡང་ན་དགོས་མཁོ་ལྟར་ཡིག་གཟུགས་གཅིག་གཉིས་འདེམས་སྒྲུག་དང་ཕབས་ལེན་བྱེད་སྟངས་གཉིས་སྟོན་གྱི་ཡིན།

གུ་གུལ་ཡིག་གཟུགས་ཡོད་དོ་ཅོག་ལ་ 700MB ཙམ་ཟིན་གྱི་ཡོད་པ་དང་། ཕབས་ལེན་བྱེད་སྐབས་མཉེན་ཆས་ HTTrack དང་ Wget གང་རུང་སྤྱད་དེ་དྲ་ཚིགས་ཁ་བྱང་ googlecode.com དེ་ནས་ལེན་ན་འགྲིགས།

ལས་ལྷ་ཤོས་ནི་དགོས་མཁོའི་ཡིག་གཟུགས་དེ་དག་རེས་མོས་ཕབས་ལེན་བྱེད་རྒྱུ་དེ་ཡིན། དྲ་ཚིགས་ཁ་བྱང་ https://www.google.com/fonts/ ཐོག་ཕེབས་ནས་ཕབས་ལེན་བྱེད་ཟེར་བའི་བརྡའི་ཐོག་གནོན་ན་འགྲིགས།

ཕབས་ལེན་ཟིན་པའི་ཡིག་ཆ་དེ་ zip གྱི་རྣམ་པའི་ཐོག་ཡོད། ཡིག་ཆ་དེ་ upzip བྱེད་དགོས། དེ་ནས་ཡིག་གཟུགས་དེ་དག་གློག་ཀླད་ཀྱི་ཡིག་ཁུག་ C:\Window\Fonts\ ཐོག་བཤུ་འཇོག་བྱེད་ན་འགྲིགས།

དེ་ནས་ Word སོགས་མཉེན་ཆས་ནང་ཡི་གེ་བཏགས་ནས་ཡིག་གཟུགས་དེ་དག་འདེམས་ནས་བེད་སྤྱོད་གཏོང་ཐུབ་པ་ཆགས།
Microsoft PowerPoint ནང་གུ་གུལ་གྱི་ཡིག་གཟུགས་གསར་པ་གཉིས་བེད་སྤྱོད་བྟེད་ཁུལ་གྱི་དཔེ་མཚོན།

Anti Virus 2015 དུག་འགོག་མཉེན་ཆས་ཚད་བསྡུར།

 
དྲ་རྒྱའི་བདེ་འཇག་ནི་སྐབས་དང་དུས་སུ་དྲ་དུག་གི་རྣམ་འགྱུར་ལ་བལྟ་དགོས་པ་དང་སྔོན་ཆད་ཀྱི་ནད་དུག་ (virus, trojan, worm, spyware) དེ་ཚོར་ལྟར་ལས་ལྷ་པོ་མེད། འོན་ཀྱང་དུག་འགོག་གི་ཆེད་ལས་ཀུང་སི་མང་པོས་དྲ་དུག་དང་དུག་འགོག་མཉེན་ཆས་མང་པོ་བཟོ་བསྐྲུན་དང་། དྲ་རྒྱའི་བདེ་འཇག་ལ་ཕན་པ་རྒྱ་ཆེ་གྲུབ་དང་གྲུབ་མུས་ཡིན།

དེར་ང་ཚོས་ཤེས་དགོས་པ་དང་དོ་སྣང་བྱེད་དགོས་པ་ནི། དུག་འགོག་མཉེན་ཆས་མང་པོའི་ནང་ནས་ལེགས་གྲས་ཤིག་རང་ཉིད་ཀྱི་རྩིས་འཁོར་ནང་སླེབས་ཐུབ་པ་བྱེད་རྒྱུ་དང་། དུག་འགོག་མཉེན་ཆས་དེས་རང་ཉིད་ཀྱི་རྩིས་འཁོར་གྱི་བདེ་འཇག་ལ་འགན་ལེན་ཆ་ཚང་བྱེད་ཐུབ་པ་ཞིག་ཡོང་རྒྱུ་དེ་ཡིན།

གཤམ་ལ་གུས་པས་ PC PRO April 2015 གྱི་དུས་དེབ་ལས་དུག་འགོག་མཉེན་ཆས་བཅུའི་ཚད་བསྡུར་བྱེད་པའི་དཔྱད་གཞི་ཞིག་ཀློག་པའི་མཐར་རེའུ་མིག་འདི་བཟོས་པ་ཡིན།

དུག་འགོག་མཉེན་ཆས་ལེགས་གྲས།
སྐར་མ
5
རིན་གོང
£
འགོག་ནུས།
འཁྲུལ་མེད།
CPU
སྤྱོད་ཚད།
RAM
སྤྱོད་ཚད།
བཤེར་ཚད་དུས་ཡུན།
Kaspersky Internet Security 2015
5
17
99%
100%
23%
19%
05:56
Avast Free Antivirus
4
རིན་མེད།
97%
97%
17%
7%
11:44
360 Safe Internet Security
4
རིན་མེད།
99%
90%
23%
6%
5:40
AVG AntiVirus Free 2015
3
རིན་མེད།
76%
98%
17%
25%
6:40
Bitdefender Internet Security 2015
3
13
77%
99%
25%
24%
1:01
Eset Smart Security 8
4
32
100%
98%
32%
21%
15:09
McAfee Internet Security
2
14
89%
99%
53%
8%
8:26
Microsoft Security Essential
2
རིན་མེད།
59%
100%
25%
8%
1:34
Norton Security 2015
4
29
99%
98%
33%
5%
4:16
Trend Micro Maximum Security
3
33
96%
96%
23%
8%
8:32

རེའུ་མིག་འདིའི་ནང་། དུག་འགོག་མཉེན་ཆས་ལེགས་གྲས་ཁག་གི་མིང་དང་། དེ་དག་ལ་ཕྱོགས་བསྡུར་གྱི་སྐར་མ་ལྔ་ནས་སྐར་མ་ཇི་ཐོབ། དེ་དག་གི་རིན་གོང་། དེ་ནས་དུག་འགོག་གི་ནུས་པ་ཆེ་ཆུང་། འཁྲུལ་མེད་ཟེར་བ་ནི། དུག་འགོག་མཉེན་ཆས་ཀྱིས་ནོར་འཁྲུལ་མེད་པར་ནད་འབུ་ངོ་ཐག་ཆོད་ཐུབ་མིན་ལ་གོ་དགོས། དེ་ནས་གློག་ཀླད་ན་ནད་འབུ་གཙང་གསེལ་བྱེད་པའི་སྐབས་གློག་ཀླད་ཀྱི་ CPU ཇི་ཙམ་ཟ་གི་ཡོད་པ་དང་། RAM ཇི་ཙམ་ཟ་གི་ཡོད་པ། མཐའ་མ་དེར་ བཤེར་ཚད་དུས་ཡུན་མང་ལོས་འགོར་གྱི་ཡོད་པ་བཅས་ཡིན།

CPU སྤྱོད་ཚད་དང་། RAM སྤྱོད་ཚད། བཤེར་ཚད་དུས་ཡུན་དེ་བསྟར་པ་མཐའ་མ་གསུམ་གྱི་ཨང་ཀི་ཇི་ཙམ་ཉུང་བ་དེ་ཙམ་གྱིས་ལེགས་པ་ཡོད།

རེའུ་མིག་འདི་ལས་ང་ཚོས་ཤེས་དགོས་པའི་བསྡོམས་ཚིག་ནི།

  • རིན་གོང་སྤྲད་དེ་དུག་འགོག་མཉེན་ཆས་ཉོ་ན། Kaspersky Internet Security 2015 དང་ Eset Smart Security 8 དང་ Norton Security 2015 འདེམས་དགོས།
  • རིན་མེད་ཀྱི་དུག་འགོག་མཉེན་ཆས་དགོས་ན། Avast Free Antivirus ནི་ད་ལྟའི་ཆར་ཡག་ཤོས་ཡིན།
  • སྐར་ཁུང་མ་ལག་ནང་རང་བསྒྲིགས་སུ་ཡོད་པའི་ Microsoft Security Essential ཟེར་བའམ་ Window Defender ཟེར་བ་དེ་ད་ལྟའི་ཆར་དྲ་དུག་དང་རྩིས་འཁོར་གྱི་བདེ་འཇག་ལ་སྐྱོབས་སྲུང་གི་ནུས་པ་ཆུང་ཆུང་ཡིན་པ་གསལ་སྟོན་བྱེད་འདུག
འདི་ནི་ Microsoft Security Essntial གསུབ་མ་ཐག་ ESET NOD32 བཅུག་ནས་གློག་ཀླད་ཆ་ཚང་གཙང་བཤེར་བྱེད་པའི་སྐབས་ནད་འབུ་མང་པོ་ཞིག་འཇུ་བཟུང་ཐུབ་པ་སྟོན་ཐུབ།

Gmail གློག་འཕྲིན་རྒྱུད་ཕན་ཚུལ་བར་དངུལ་བཏང་ཐུབ་པ།

 
གུ་གུལ་གྱིས་ཉེ་ཆར་དབྱིན་ཡུལ་དུ་རང་ལོ་ ༡༨ ཟིན་པ་རྣམས་ཀྱིས་ gmail གློག་འཕྲིན་ཞབས་ཞུ་དེའི་རྒྱུད་ཕན་ཚུན་བར་དངུལ་བཏང་རེས་བྱེད་ཐུབ་པ་བཟོས་ཡོད། ཞབས་ཞུ་དེས་མི་ཕན་ཚུལ་བར་དངུལ་བཏང་རྒྱུ་ལས་ལྷ་པོ་ཆགས་ཡོད་པ་དང་། དངུལ་བཏང་ཐེངས་རེ་ལ་དངུལ་གྲངས་ £5,000 ལྷག་བཏང་མཆོག་གི་མིན་འདུག

ཞབས་ཞུ་དེ་བེད་སྤྱོད་བཏང་ཐུབ་རྒྱུར་དང་པོ་སོ་སོའི་དངུལ་ཁང་གི་མིང་བྱང་དང་། Google Wallet གཉིས་བར་འབྲེལ་མཐུད་བྱེད་དགོས། དེ་གཉིས་འབྲེལ་མཐུད་བྱུང་མཚམས་ཁྱེད་ནས་གུ་གུལ་གྱི་དྲ་ཐོག་ཉོ་ཚོང་ཞབས་ཞུ་ Google Playstore ནས་དེབ་དང་། དངོས་ཆས། མཉེན་ཆས་གང་འདོད་ཉོ་ཐུབ་པ་མ་ཟད། ཕྱི་ལོག་གི་ཚོང་ཁང་མང་པོའི་ནང་ Google Wallet སྤྱོད་ཐུབ། གཤམ་གྱི་ཡུ་ཊུབ་ཀྱི་བརྙན་ཐུང་དེའི་ནང་དཔེ་མཚོན་བྱེད་ཡོད་པ་དེར་གཟིགས།
Gmail ནས་རོགས་པ་གཞན་ལ་དངུལ་བསྐུར་དགོས་ན། དང་པོ་ compose ཞེས་པའི་ཐོག་ཡི་གེ་འབྲི་ས་ཁ་འབྱེད་དགོས། གློག་འཕྲིན་བཏང་ཡུལ་གྱི་ཁ་བྱང་བཀོད་པ་དང་། ཡི་གེའི་ནང་དོན་བཀོད་པ། དེ་ནས་གཤམ་འོག་དེར་རྟགས་ £ ཡང་ན་ $ འདིར་གཅིག་གནོན་དང་། དངུལ་གྱི་ཁ་གྲངས་བཀོད་དེ་ Send ལ་བཞུས་ན་འགྲིགས། དེར་དངུལ་བསྐུལ་ཡུལ་དེ་ཡང་དངུལ་ཁང་གི་མིང་བྱང་དང་ཁོ་པའི་ google wallet གཉིས་འབྲེལ་བྱེད་ཟིན་པ་ཞིག་ཡིན་དགོས།

དངུལ་ཁང་གི་མིང་བྱང་དང་། google wallet གཉིས་བར་འབྲེལ་མཐུད་མ་བཟོས་པ་ཚོས་ Credit Card སྤྱད་ན་འགྲིགས་མོས་དེར་ཞབས་ཞུའི་རིན་པར་བརྒྱ་ཆ་ 2.9% ལེན་གྱི་འདུག

ཞབས་ཞུ་དེའི་རྒྱུད་དངུལ་ཁང་མིང་བྱང་གཅིག་ནས་དངུལ་ཁང་གི་མིང་བྱང་གཞན་ཞིག་གི་ཐོག་དངུལ་ཐད་ཀར་བཏང་རེས་ཐུབ་ཀྱི་ཡོད་དུས། Western Union དང་། Money Gram, PayPal དེ་ཚོ་ལྟར་མི་དོ་དག་སོ་སོ་ས་གནས་ཞིག་ཏུ་ ID དང་ངོས་འཛིན་གྱི་ཡིག་ཆ་འཁུར་ཏེ་དང་ལེན་བྱེད་དགོས་པའི་རྙོག་དྲ་དེ་འདྲ་མེད། ཞབས་ཞུ་དེ་ད་ལྟ་དབྱིན་ཡུལ་དང་། ཨ་རི་གཉིས་ལས་སྒོ་ཕྱེ་མིན་འདུག །ཞབས་ཞུ་དེ་ཧ་ཅང་ལས་ལྷ་པོ་དང་བདེ་འཇགས་ཡོད་པས། མགྱོགས་མྱུར་རྒྱལ་ཁབ་གཞན་དུའང་སྒོ་མོ་ཕྱེ་སྲིད།

དྲ་ལམ་ཐོག་རིན་མེད་དུ་སྤྱོད་མཆོག་པའི་ཡིག་ཚང་མཉེན་ཆས་ཆ་ཚང་།

 
དེང་གི་དུས་སུ་དྲ་རྒྱའི་མྱུར་ཚད་གོང་མཐོར་འགྲོ་བཞིན་པ་དང་མི་རྣམས་དྲ་རྒྱའི་ཤེས་དཔལ་ལ་ལོངས་སྤྱོད་དང་དང་འདོད་ཆེ་ཆེར་འགྲོ་བཞིན་པ་དང་བསྟུན།  རྒྱུན་པར་གློག་ཀླད་ནང་སྒྲིག་འཇུག་བྱེད་དེ་སྤྱོད་དགོས་པའི་མཉེན་ཆས་མང་དག་ཞིག་དྲ་རྒྱའི་ཐོག་རིན་མེད་དུ་བེད་སྤྱོད་བྱེད་རྒྱུ་ཡོད་པ་ཆགས་འགྲོ་ཡི་འདུག །དཔེར་ན་པར་བཟོའི་མཉེན་ཆས་ Photoshop ལྟ་བུ་དྲ་རྒྱའི་སྟེང་ནས་སྤྱོད་རྒྱུ་ཡོད་པ་རྩོམ་ཡིག་ཞིག་སྔར་སྤེལ་ཡོད་ལ། དེ་ནས་གུ་གུལ་གྱི་དྲ་ཐོག་ཞབས་ཞུ་ Google Document, Google Presentation, Google Spreadsheet སོགས་ཆ་ཚང་གི་ཟིན་བྲིས་དང་། བརྙན་ཟློས་ཆ་ཚང་ཞིག་ཡུ་ཊུབ་ཐོག་སྤེལ་ཡོད། ལོ་འགའི་སྔོན་ནས་ཕྲ་མཉེན་མཉེན་ཆས་ཀུང་སིས་ཚོད་ལྟ་རབ་དང་རིམ་པ་མང་པོ་ཞིག་རྒྱུད་ནས་ད་ཆ་ཡིག་ཚང་མཉེན་ཆས་ Microsoft Office Suit ཆ་ཚང་དྲ་ཐོག་རང་ནས་སྤྱོད་ཐུབ་པ་དང་། རང་ཉིད་ཀྱི་གློག་ཀླད་ནང་ office 2007, 2010, 2013, 2015 གང་ཡང་མི་དགོས་པ་འདྲ་པོ་ཆགས་ཟིན།

དྲ་ཐོག་གི་ Office ཞབས་ཞུ་དེའི་དྲ་གནས་ནི་ www.office.com ཡིན། གལ་ཏེ་ཁྱེད་ལ་ hotmail དང་ outlook གི་གློག་འཕྲིན་ཁ་བྱང་ཡོད་ན། ཁྱེད་ཀྱི་ཐད་ཀར་དྲ་ཐོག་ office ཞབས་ཞུ་དེ་ཁ་བསྔོག་ཐུབ། དྲ་ཐོག་གི་ office ཞབས་ཞུའི་ནང་ཁྱེད་ཀྱིས་རྒྱུན་པར་སྤྱོད་བཞིན་པའི་ Word དང་ Excel, PowerPoint, OneNote སོགས་ཡོད།
པར་རིས་འདི་ནི་ chrome དྲ་མྱུལ་མཉེན་ཆས་ཐོག་ཁ་བཟོ་བཅོས་བྱེད་བཞིན་པའི་ word ཡིག་ཆ་ཞིག་རེད།
དྲ་ཐོག་ office དེའི་ཐོག་ཁྱེད་ཀྱིས་དུས་རྒྱུན་གྱི་ལས་ཀ་རྣམས་བྱེད་ཐུབ་པའི་ཁར་ཡིག་ཆ་ག་གེ་མོ་ཞིག་དྲ་ཐོག་ནས་གཞན་ལ་བལྟ་ཀློག་ཆེད་འཇོག་ཐུབ་པ་དང་། ལས་མི་མང་པོས་མཉམ་རུབ་ཐོག་ཡིག་ཆ་གཅིག་གི་སྟེང་ཞུ་དག་དང་། བཟོ་བཅོས་བྱེད་རྒྱུའི་མཐུན་རྐྱེན་ཡག་པོ་ཞིག་ཀྱང་ཡོད།

དྲ་ཐོག་ office ནང་བཟོས་པའི་ཡིག་ཆ་ཞིག་ཕབས་ལེན་བྱེད་རྒྱུའི་འདེམས་ཀ་ཡོད་པ་དང་། ཡིག་ཆའི་རྣམ་པ་ PDF , DOCX ཡང་ན་ oneDrive ནང་དུ་འཇོག་ཐུབ།

གུ་གུལ་གྱི་ཡིག་ཚང་ཞབས་ཞུ་དང་། ཕྲ་མཉེན་མཉེན་ཆས་ཀུང་སིའི་ཡིག་ཚང་ཞབས་ཞུ་དེ་གཉིས་པོའི་དམིགས་ཡུལ་དང་། བྱ་ལས་ཧ་ཅང་འདྲ་པོ་ཡོད། ཞབས་ཞུ་འདི་གཉིས་ལ་འདྲ་ས་དང་མི་འདྲ་སའི་ཁྱད་ཆོས་མང་པོ་ཡོད། དེར་བརྟེན་གཙོ་བོ་སྒེར་སོ་སོར་བེད་སྤྱོད་བཏང་བདེ་ལོས་དང་། དགོས་མཁོ་ཆེ་ལོས་ལ་རགས་ལས་ཡོད་སེམས།

རང་ཉིད་ལ་མཚོན་ན། དེ་སྔ་ཕྲ་མཉེན་མཉེན་ཆས་ཚང་གིས་དྲ་ཐོག་ཡིག་ཚང་ཞབས་ཞུ་དེ་ལེགས་སྒྲུབ་མ་བྱུང་བར་ངས་གུ་གུལ་གྱི་ཡིག་ཚང་ཞབས་ཞུ་རྣམས་ཤུགས་ཆེན་པོ་བེད་སྤྱོད་བྱེད་ཀྱི་ཡོད། ད་ཆ་དྲ་ཐོག་ office སླེབས་ཡོད་དུས་སྐབས་རེ་དགོས་མཁོའི་ཡིག་ཆ་འགའ་ཞབས་ཞུ་དེའི་སྟེང་འཇོག་གི་ཡོད། དྲ་ཐོག་ office ནང་ནས་ཆེས་ལེགས་ཤོས་སུ་མཐོང་བ་ནི་ OneNote ཞེས་པ་དེ་ཡིན། ཞབས་ཞུ་དེ་ནི་སྒེར་གྱི་ཟིན་བྲིས་བཀོད་སའི་སྟེགས་བུ་ཞིག་ཡིན། ཟིན་བྲིས་རྣམས་ཤོག་ངོས་དང་ས་བཅད་ཀྱི་ངོས་ལུ་ཉར་འཇོག་དང་། ཟིན་བྲིས་སུ་ཡི་གེ་བཏགས་པ་དང་། པར་འཇོག་པ། རི་མོ་བྲིས་པ་སོགས་གང་འདོད་དུ་བྱེད་རྒྱུ་ཡོད་ཁར། སྒེར་གྱི་གློག་ཀླད་དང་། དྲ་ཐོག །དེ་བཞིན་ལག་ཐོག་ཁ་པར་སོགས་ཀྱི་ནང་གཅིག་བསྒྱུར་ཏུ་འཆར་ཐུབ་པའི་དགེ་མཚན་བླ་ལྷག་ཞིག་མཐོང་། དེར་བརྟེན་གུས་པས་ཉེ་ཆར་གློག་ཀླད་འཛིན་གྲྭའི་སློབ་མཚན་འཆར་བཀོད་རྣམས་ OneNote གྱི་སྟེང་དུ་བཟོ་འགོ་བཙུགས། འདིར་གཟིགས། http://1drv.ms/19ecQUq

ཕྲ་མཉེན་མཉེན་ཆས་ཀུང་སིས་དྲ་ལམ་ཡིག་ཚང་ཞབས་ཞུ་རྣམས་དྲ་མྱུལ་མཉེན་ཆས་དང་། ཨྱ་ཧྥོན། ཨྱ་པེཊ། ཨན་ཌོ་མ་ལག་སོགས་ཀྱི་ནང་འཇུག་རྒྱུ་འདུག །ཁྱེད་ཀྱིས་ཚོད་ལྟ་ཞིག་བྱེད་དང་མཁྱེན་ངེས་སེམས།

ངའི་བསམ་པར་ཉིན་ཞིག་མཉེན་ཆས་གང་ཡང་ (དཔེར་ན། Indesign, Flash, Illustrator, Photoshop སོགས་ ) རྩིས་འཁོར་ནང་ཕབས་ལེན་དང་སྒྲིག་འཇུག་བྱེད་མི་དགོས་པར་ཆ་ཚང་དྲ་ཐོག་ཏུ་སྤྱོད་ཐུབ་པའི་དུས་ཚོད་ཞིག་ཤར་ན་སྙམ།

ཨེ་ཤེ་ཡ་རང་དབང་རླུང་འཕྲིན་ཁང་གི་བོད་སྐད་བརྙན་འཕྲིན་དབུ་འཛུགས།

 

ཨེ་ཤེ་ཡ་རང་དབང་རླུང་འཕྲིན་ཁང་གི་དྲ་ཚིགས་ http://www.rfa.org/tibetan/ ངོས་སུ་གནས་ཚུལ་སྤེལ་གསལ། འདི་ལོ་བོད་ཀྱི་ལོ་གསར་ཉིན་མོ་ནས་འགོ་བཙུགས་ཏེ་གཟའ་འཁོར་རེའི་རེས་གཟའ་མིག་དམར་དང་། ཕུར་བུ། སྤེན་པའི་ཉིན་བརྙན་འཕྲིན་ཐད་གཏོང་གི་ལམ་ནས་གནས་ཚུལ་རྒྱང་བསྲིངས་ཞུ་རྒྱུའི་སྐོར་བཀོད་འདུག


ཨེ་ཤེ་ཡ་རང་དབང་རླུང་འཕྲིན་ཁང་གི་དྲ་ཚིགས་ལས།

བོད་ཀྱི་ལོ་གསར་ཚེས་གཅིག་ཉིན་ནས་ཨེ་ཤེ་ཡ་རང་དབང་རླུང་འཕྲིན་ཁང་གིས་བརྙན་འཕྲིན་ཤར་གཏོང་དབུ་འཛུགས་ཞུ་རྒྱུ་རེད།
ང་ཚོའི་བརྙན་འཕྲིན་འགོ་འཛུགས་ཀྱི་ལས་རིམ་འདི་བོད་ཤིང་ལུག་གནམ་ལོ་གསར་ཚེས་ཉིན་དབུ་འཛུགས་རྒྱང་སྲིང་ཞུ་རྒྱུ་ཡིན།  རྒྱང་སྲིང་ལས་རིམ་བོད་ནང་གི་ཉིན་རེའི་ཕྱི་དྲོའི་ཆུ་ཚོད་དྲུག་པ་དང་། རྒྱ་གར་ནང་ཉིན་གུང་ཆུ་ཚོད་གསུམ་དང་ཕྱེད་ཀ། བལ་ཡུལ་ནང་ཉིན་གུང་ཚོུད་གསུམ་དང་སྐར་མ་བཞི་བཅུ་ཞེ་ལྔའི་ཐོག་ Telstar 18རྟགས་ཅན་གྱི་མི་བཟོས་སྲུང་སྐར་ནས་བཏང་པའི་རྒྱང་སྲིང་ལས་རིམ་ཐོག་གཟིགས་ཐུབ་པ་དང་། སྲུང་སྐར་འདིའི་ཐོག་VOA བོད་སྐད་བརྙན་འཕྲིན་ཡང་རྒྱང་སྲིང་ཞུ་བཞིན་ཡོད་པ་རེད།
གཟའ་འཁོར་གཅིག་ནང་རྒྱང་སྲིང་ཐེངས་གསུམ་ཞུ་རྒྱུ་ནི་གོང་གི་དུས་ཚོད་ཐོག་གཟའ་མིག་དམར་དང་། ཕུར་བུ། སྤེན་པ་སོ་སོར་རྒྱང་སྲིང་ཞུ་རྒྱུ་དང་། དེ་དག་གཟའ་ལྷག་བ་དང་། པ་སངས་། ཉི་མ་བཅས་པར་བསྐྱར་གཏོང་བྱེད་རྒྱུ་ཡིན་པས་དེ་དོན་དགོངས་འཇགས་གནང་རོགས།



དེ་བཞིན་ཨེ་ཤེ་ཡ་རང་དབང་རླུང་འཕྲིན་ཁང་གི་དྲ་ཚིགས་ཀྱི་བཟོ་བཀོད་ལ་ཡང་བཟོ་བཅོས་དང་། གནས་ཚུལ་དབྱེ་གསེས་དང་སྒྲིག་བཀོད་བྱེད་སྟངས་དེས་སྔོན་ལས་ལེགས་པ་ཆགས་འདུག །

wechat v1.0 Beta གློག་ཀླད་པར་མའི་སྐད་འཕྲིན་གསར་པ་ཞིག

 

ཕྱི་ཟླ་ ༡ ཚེས་ ༢༧ ཉིན་སྐད་འཕྲིན་ཨ་མའི་དྲ་ཚིགས་ངོས་སུ་ཚོད་ལྟའི་ཐོག་ཡོད་པའི་ wechat v1.0 Beta དེ་ཕབས་ལེན་ཆེད་དུ་ཁྲོམ་གྲགས་བྱེད་འདུག །མཉེན་ཆས་འདི་ནི་སྐར་ཁུང་གཙོ་འཁོར་མ་ལག་ཏུ་སྒྲིག་འཇུག་བྱེད་རྒྱུ་ཡོད་པའི་སྐད་འཕྲིན་ཞིག་ཡིན། སྒྲིག་བཀོད་དང་བཀོལ་སྤྱོད་ཐད་ཕལ་ཆེར་དེ་སྔ་ནས་ཡོད་བཞིན་པའི་དྲ་མྱུལ་མཉེན་ཆས་སྤྱད་དེ་ web.wechat.com འགྲོ་སྟངས་དང་འདྲ་པོ་ཡོད། དེ་གཉིས་མི་འདྲ་ས་ནི། web.wechat.com ནི་རང་གི་གློག་ཀླད་ནང་ཡོད་པའི་དྲ་མྱུལ་མཉེན་ཆས་ chrome, firefox, expolorer སོགས་གང་རུང་སྤྱད་དེ་སྐད་འཕྲིན་སྤྱོད་མཆོག ། wechat v1.0 Beta ནི་མཉེན་ཆས་རང་དགར་ཕབས་ལེན་དང་གློག་ཀླད་ནང་སྒྲིག་འཇུག་བྱས་རྗེས་བེད་སྤྱོད་བཏང་ཐུབ།

ངས་གདང་ནུབ་ཚོད་ལྟ་བྱེད་པའི་རྒྱུད་སྐད་འཕྲིན་མཉེན་ཆས་དེ་རྒྱ་ཡིག་སྒང་ལ་རེད་འདུག །འོང་ཀྱང་བེད་སྤྱོད་བཏང་སྐབས་དཀའ་ཚེགས་གང་ཡང་མིན་འདུག །དོ་སྣང་གཞན་ཞིག་བྱུང་བ་ནི། མཉེན་ཆས་དེའི་ནང་ཡི་གེ་བཏགས་པ་དང་པར་བསྐུར་ཐུབ་ཀྱང་། སྐད་དང་སྒྲ་རིགས་བསྐུར་ཐུབ་པའི་མཐུན་རྐྱེན་མིན་འདུག །གཅིག་བྱས་ན་ད་ལྟ་ཚོད་ལྟའི་ཐོག་འགྲོ་བཞིན་པ་དང་རྗེས་ཕྱོགས་མཉེན་ཆས་ཆ་ཚང་ལེགས་སྒྲུབ་བྱུང་མཚམས་འཆད་ལྷག་དེ་དག་མེད་པ་ཆགས་ངེས་རེད་སྙམ།

ལག་ཐོག་ཁ་པར་ངོས་ཀྱི་མཐེབ་གཞོང་ལེགས་ཤོས་དང་བོད་ཡིག

 

སྐབས་རེ་ལག་ཐོག་ཁ་པར་ངོས་སུ་ཡི་གེ་བརྒྱག་རྒྱུ་ནི་ཉོབ་སྣང་སྐྱེ་གཞི་ཞིག་དང་། དུས་ཚོད་མང་པོ་འགོར་བའི་གནས་སྟངས་ཞིག་ཡོང་སྲིད། གལ་ཏེ་ཁྱེད་ཀྱི་གསུན་སྣང་དེ་དགའ་མོས་སྐྱེས་གཞི་ཞིག་ཏུ་འགྱུར་ཐུབ་པ་ཁྱེད་ཀྱིས་ཨེ་ཤེས། Touchpal X མཉེན་ཆས་དེ་ཁྱེད་ཀྱི་ལག་ཐོག་ཁ་པར་ནང་དུ་བཅུག་དང་། མཉེན་ཆས་དེ་སྤྱོད་འགོ་བཙུགས་པ་ནས་བཟུང་ཡི་གེ་བཏགས་རྒྱུར་སྤྲོ་སྣང་གསར་པ་ཞིག་བསྟེར་རྒྱུ་ཉག་ཅིག་རེད། ཟླ་ཤས་སྔོན་ནས་གུས་པས་ལག་ཐོག་ཁ་པར་གསར་པ་ཞིག་ཉོས་པ་ཡིན། དེའི་ནང་ཡི་གེ་བརྒྱག་ཆེད་ཀྱི་མཉེན་ཆས་ Touchpal X ཞེས་པ་ཞིག་རང་སྒྲིག་ཞིག་འདུག །གུས་པས་ཐེངས་དང་པོ་ཡིག་བརྒྱག་མཉེན་ཆས་དེ་བེད་སྤྱད་པ་དང་། དེར་དགའ་མོས་ཧ་ཅང་སྐྱེས་བྱུང་།

Touchpal X མཉེན་ཆས་དེ་ནི་ཨན་ཌོ་ དང་ ཨྱ་ཧྥོན་ གཉིས་ཀའི་ནང་རིན་མེད་དུ་ཕབས་ལེན་དང་སྤྱོད་མཆོག་གི་འདུག །ཡིག་བརྒྱག་མཉེན་ཆས་དེའི་བཀོད་སྤྱོད་བདེ་བ་དང་། སྤྱིར་བཏང་གི་ཡིག་བརྒྱག་མཉེན་ཆས་ལས་ལྡབ་མང་པོས་ཡི་གེ་མགྱོགས་པ་བརྒྱག་ཐུབ་ཀྱི་འདུག །འུར་མ་བཤད་ན། ད་ལྟའི་ཆར་ཡིག་བརྒྱག་མཉེན་ཆས་དེ་མཉེན་ཆས་ལེགས་ཤོས་གྲས་སུ་ཚུད་ཀྱི་ཡོད།

Touchpal X ནང་གང་བྱེད་ཐུབ་ཟེར་ན།

  • ཡི་གེ་བཏགས་པའི་སྐབས་མིང་ཚིག་མངོན་དཔག་བྱེད་ཐུབ། དེས་ཁྱེད་ལ་ཡིག་འབྲུ་རྐང་གཅིག་གཉིས་བཏགས་འགོ་བཙུགས་པ་དང་མིང་ཚིག་ཆ་ཚང་བཏགས་མི་དགོས་པའི་དགེ་མཚན་ལྡན།
  • མིང་ཚིག་དང་པོ་བརྒྱག་ཚར་བ་དང་། དེའི་རྗེས་མ་དང་། དེའི་རྗེས་མའི་རྗེས་མའི་མིག་ཚིག་གཞན་ཡང་སྔོན་དཔག་བྱེད་ཐུབ། དེས་ཁྱེད་ལ་ཚིག་སྒྲུབ་ཆ་ཚང་ཞིག་བཏགས་པར་ཡིག་འབྲུ་རྐང་ཁ་ཤས་ལས་སྣོན་མི་དགོས་པ་ཆགས་ཐུབ།
  • སྐད་སྒྲ་ཡར་བཅུག་པ་དང་། ཚིག་སྒྲུབ་ཆ་ཚང་རང་ཁུལ་གྱི་བཏགས་རོགས་བྱེད་པ།
  • འཆར་ངོས་སུ་མཛུབ་མོས་ཡི་གེ་ཐད་ཀར་བྲིས་ནས་ཡི་གེ་བཀོད་ཐུབ།
  • མཉེན་ཆས་དེའི་ནང་སྐད་ཡིག་གཞན་ཡང་བཀོད་ཐུབ། ཧིན་དྷི་དང་། རྒྱ་ཡིག །དབྱིན་ཡིག །ཀོ་རི་ཡ། བོད་ཡིག་ཀྱང་འདུག
  • མཐེབ་གཞོང་གི་རྣམ་པ་འདྲ་མི་བརྗེ་འགྱུར་བྱེད་རྒྱུ་འདུག།
  • སེམས་འཚོར་མཚོན་ཆེད་ཀྱི་དཔར་ཆུང་ཆུང་གྲངས་ལས་འདས་པ་བཀོལ་སྤྱོད་བྱེད་ཐུབ།
ཚོད་ལྟ་བྱས་པའི་རྒྱུད་བོད་ཡིག་གི་མཐེབ་གཞོང་ལ་མིང་ཚིག་མངོན་དཔག་བྱེད་ཐུབ་ཀྱི་མིན་འདུག །ངའི་རེ་བར་གལ་ཏེ་བོད་ཡིག་ནང་དུའང་ཡིག་འབྲུ་གཅིག་གཉིས་ལས་བཀོད་མི་དགོས་པར་མིང་ཚིག་དང་བརྗོད་པ་རྣམས་མངོན་དཔག་བྱེད་ཐུབ་ན། བོད་ཡིག་བཀོལ་སྤྱོད་བྱེད་མཁན་ཡོངས་ལ་བོད་ཡིག་བཏགས་རྒྱུ་ནི་ལྡབ་མང་པོས་བདེ་རུ་དང་མྱུར་དུ་འགྲོ་རྒྱུ་ཡིན་པ་སྨྲོས་མི་དགོས།

མཉེན་ཆས་དེ་ཕབས་ལེན་བྱེད་སའི་དྲ་ཚིགས་ཨ་མ་ནི། http://www.touchpal.com/

愛上兩個我 ང་མི་འདྲ་བ་གཉིས་ལ་བརྩེ་སེམས་གཏད། ལིའུ་ ༢༠


ཡུན་རིང་རེ་སྒུག་བྱེད་པའི་ཐེ་ཝན་གློག་བརྙན་གསར་པ་འདི་ཕྱི་ལོ་ ༢༠༡༤ ཟླ་ ༡༢ ཚེས་ ༢༨ ཉིན་ཡུ་ཏུབ་དྲ་རྒྱའི་ཐོག་ཆ་ཚང་བཀོད་ཡོད་པ་རྙེད་བྱུང་། ངས་སྒྲུང་ཆ་ཚང་བལྟས་ཟིན་ལ་སྒྲུང་དང་འཁྲབ་སྟོན་མི་སྣ་རྣམས་བཀོད་སྒྲིག་ཧ་ཅང་ལེགས་པོ་བྱས་འདུག ། སྒྲུང་གི་འཁྲབ་སྟོན་མི་སྣ་གཙོ་བོ་ནི་ ཐེན་བྱི་ དང་ དྭང་ལཱོ་སི་ གཉིས་ཡིན། སྒྲུང་འདིའི་ནང་ ཐེན་བྱི་ ནི་གློག་བརྙན་འཁྲབ་སྟོན་པ་སྐད་གྲགས་ཅན་ཞིག་ཡིན་པ་དང་། དྭང་ལོ་སི་ ནི་སྒེར་གཉེར་འཁྱབ་བསྒྲགས་ཀུང་སི་ OZ ཞེས་པ་ཞིག་འགོ་ཁྲིད་བཞིན་ཡོད། ཐེན་བྱི་ ནི་ OZ ཀུང་སི་ལ་དམིགས་གསལ་གྱི་འཚོར་བ་ཞིག་ཡོད་པ་དང་། ཁོ་པས་ OZ ནི་ དྭང་ལོ་སི་ ཡིས་བདག་པོ་བརྒྱག་གི་ཡོད་པ་དང་། སྐབས་དེར་ཀུང་སི་ཆུང་ཆུང་དེར་གནས་མ་ཐུབ་པའི་མཚམས་ལ་ ཁོ་པས་ ཞའོ་ལཱུ་ ཞེས་པའི་ཕོ་གསར་ཞིག་གི་ངོ་བོར་འཛུལ་ནས་རོགས་པ་གང་ཐུབ་བྱས། དུས་ཡུན་རིང་ཙམ་རྗེས་ ཞའོ་ལཱུ་ (དོན་དངོས་ཐོག་ ཐེན་བྱི་ ) དང་ དྭང་ལོ་སི་ གཉིས་དབང་བརྩེ་གདུག་ཆགས། ཐེན་བྱི་ ཡིས་དོན་དངོས་གནས་ཚུལ་རྣམས་ དྭང་ལོ་སི་ ལ་ཇི་ལྟར་བཤད་དགོས་མིན་དང་། ཇི་ལྟར་བྱ་དགོས་མིན་གྱི་ཐེ་འཚོམ་དང་། དཀའ་ངལ་མང་དག་ཞིག་འཕྲད། འདིར་གློག་བརྙན་གྱི་དྲ་བྱང་འདིར་འཇོག་ཡོད་པས་མཉེས་གཟིགས་ཡོང་བའི་རེ་བ་ཞུ།

དྲ་བྱང་དང་པོ། ཡུ་ཊུབ་ནས་གཟིགས་འདོད་ན།

https://www.youtube.com/watch?v=ComkOlNhTs4&list=PLvbCpdzbhnNDha-sRrUO_P6T7sx7Hgru9&index=1

དྲ་བྱང་གཉིས་པ།