གཉེན་ཆས་རྣམས་ལ་ Crack དང་ Keygen ཟེར་བ་སོགས་ཅི་ཕྱིར་དགོས་སམ།


གུས་པའི་དྲི་བ་ལ་རྩིས་འཁོར་ནང་གཉེན་ཆས་རྣམས་ལ་ Crack དང་ Keygen ཟེར་བ་སོགས་ཅི་ཕྱིར་དགོས་སམ་ཞུ། ཀླུ་འཁྱིལ་བས།
ཤོས་ཡོན་ཁྱབ་སྤེལ་ཆེད་དུ་བཟོས་པའི་མཉེན་ཆས་མ་གཏོགས། གཞན་མཉེན་ཆས་རྣམས་ནི་ཚོང་ཟོག་དང་གཅིག་པ་རེད། མཉེན་ཆས་ཞིག་བེད་སྤྱོད་བྱེད་པར་མཉེན་ཆས་དེ་བཟོ་མཁན་གྱི་སྒྲིག་སྲོལ་ལྟར་རིན་པ་སྤྲོད་ནས་སྤྱོད་དགོས། ནུབ་ཕྱོགས་ལ་ཁྲིམས་ལུགས་དམ་པོ་ཡོད་པ་བརྟེན། མཉེན་ཆས་བཟོ་མཁན་གྱི་མཁེ་དབང་སླད་རིན་པ་མ་སྤྲད་པར་མཉེན་ཆས་བེད་སྤྱོད་བྱེད་ན་ཁྲིམས་འགལ་དུ་བརྩི།

འོན་ཀྱང་ཤེས་ཡོན་པའི་སྡེ་ཁག་གཞན་ཞིག་གི་བལྟ་ཚུལ་ནི། མཉེན་ཆས་བཟོ་མཁན་གྱིས་རིན་པ་ཚད་ལས་འགལ་གྱི་ཡོད་པ་དང་། ཁྲིམས་ལུགས་ཀྱི་དབང་ཆ་སྤྱད་དེ་ཚོང་མཉེར་བས་སྒེར་གྱི་མཁེ་ཕན་གཅིག་པོ་སྲུང་བ་ནི་མི་འགྲིག་པའི་བསམ་ཚུལ་ཞིག་སླེབས་ཀྱི་ཡོད། དེར་བརྟེན་མི་མང་པོ་ཞིག་གིས་མཉེན་ཆས་ལ་རིན་པ་སྤྲོད་མི་དགོས་པར་གསང་བའི་ཐོག་ནས་བེད་སྤྱོད་གཏོང་ཐུབ་རྒྱུ་དང་འཇུ་བཟུང་མི་ཐུབ་པའི་ Crack དང་ Serial No., Patch ,KeyGen ཟེར་བ་སོགས་བཟོས་ཏེ། དྲ་ཐོག་ནས་ཕབ་བཤུ་བྱེད་རྒྱུ་ཡོད་པ་བཟོ་གི་ཡོད།

མཉེན་ཆས་བཟོ་མཁན་གྱི་ཚོང་སྡེ་ཞིག་ལ་ཆ་མཚོན་ན་ Crack དེ་དག་གིས་མཉེན་ཆས་ཚོང་འགྲེམས་ལ་དོ་ཕོག་ཆེན་པོ་བཟོ་གི་ཡོད། ཕྱོགས་གཞན་ཞིག་ལ་མཉེན་ཆས་ཉོ་མི་ཐུབ་མཁན་སྐྱེ་བོ་མང་པོ་ཞིག་ལ་མཁེ་ཕན་བསྐྲུན་གྱི་ཡོད། Crack དང་ Keygen ཡོད་པའི་མཉེན་ཆས་དེ་དག་བེད་སྤྱོད་གཏོང་སྐབས་འགྲིག་མིན་བསམ་ཚུལ་མི་འདྲ་བའི་རྩོད་གླེང་མང་པོ་ཡོང་གི་ཡོད་ལ། ཕྱོགས་རེ་རེའི་བསམ་ཚུལ་ལ་གཞིགས་ན། འདི་འགྲིགས་དང་འདི་ནོར་ཟེར་ཁག་པོ་རེད།

ད་ལྟའི་དུས་སུ་མཉེན་ཆས་ཡོད་དོ་ཅོག་ལ་ Crack རེ་བཟོས་ཡོད་ཟེར་ན་ངས་ཧམ་པ་མི་ཆེ་བསམ། ཉེ་ཆར་ Adobe ཚོང་རྭས་ Creative Cloud ཟེར་བའི་ Adobe གི་མཉེན་ཆས་སྤར་མ་གསར་ཤོས་བཟོས་ཡོད། ཁོང་ཚོས་འུར་སྒྲ་ཆེན་པོས་ད་ནས་བཟུང་ Adobe ཚོས་ལས་སྡེ་ཚན་གྱིས་བཟོས་པའི་མཉེན་ཆས་རྣམས་གཞན་གྱི་བརྐུ་འཁྱེར་དང་འགྲེམས་སྤེལ་བྱེད་མི་ཐུབ་པ་བཟོས་ཡོད་པ་གྲགས་ཀྱང་། ཉིན་ཁ་ཤས་རྗེས་ Adobe གི་མཉེན་ཆས་ཡོད་དོ་ཅོག་དང་ Crack རེ་བཟོས་ཡོད་ལ་དྲ་ཐོག་ཕབ་ལེན་ཁྲི་ཚོ་འགལ་ཟིན་ཡོད།

Crack བཟོ་མཁན་དེ་དག་ནི་སྐབས་རེ་ཁྲིམས་ལུགས་ངོས་ནས་བརྐུ་མ་དང་ཇག་པར་ངོས་འཛིན་གྱི་ཡོད། འོན་ཀྱང་མི་མང་མང་པོ་ཞིག་གིས་ཁོང་ཚོ་ནི་སེམས་ནང་གི་ཛཱོ་ལོ་ ( Zolo ཟེར་བ་ནི་དབྱིན་ཇིའི་གློག་བརྙན་གཅིག་གི་ནང་གི་གཞུང་དྲག་དང་ཚོང་པ་ཆེན་པོར་རྒོལ་ལན་དང་མི་མང་ལ་ཕན་གྲོགས་བྱེད་མཁན་གྱི་དཔའ་བོ་ཞིག་གི་མིང།) འདྲ་པོ་ཆགས་རེད།

ངའི་བསམ་པར་རིན་པ་མ་སྤྲད་པར་མཉེན་ཆས་ཕབ་བཤུ་བྱེད་པ་དེ་དག་ཤེས་ཡོན་དང་སྒེར་གྱི་ཆེད་དུ་ལས། མཉེན་ཆས་དེ་འདྲ་བཤུས་ཀྱིས་འོད་སྡེར་བཟོས་སྟེ་ཚོང་འགྲེམས་རིགས་བྱེད་མི་ངན་སེམས། དེ་བས་ཀྱང་གལ་ཆེ་བ་ནི། ཨ་རི་དང་ཡོ་རོབ། དེ་བཞིན་ཁྲིམས་ལུགས་བཙན་པའི་རྒྱལ་ཁབ་དེ་དག་ནང་ Crack དང་ Keygen ཡོད་པའི་མཉེན་ཆས་རིགས་མ་སྤྱད་ན་ལེགས། རྒྱལ་ཁབ་དེ་དག་ནང་ཚོང་མཉེར་བར་ཁྲིམས་ཀྱི་རྒྱབ་རྩ་ཡོད་ཙང་གལ་ཏེ་ཁྱེད་ཀྱིས་རིན་པ་མ་སྤྲད་པའི་མཉེན་ཆས་བེད་སྤྱོད་བྱེད་ཀྱི་ཡོད་པ་ཤེས་སྲིད། ཤེས་ཕྲལ་ཁྲིམས་ལུགས་ལྟར་དངུལ་གྱི་ཉེས་ཆས་དང་ཉེས་མིང་འཕོག་སྲིད། དེར་བརྟེན་དེ་དོན་དགོངས་པར་བཞག་དགོས་པ་གལ་ཆེ།

གང་ལྟར་དེང་གི་དུས་སུ་ང་ཚོར་སྣང་བའི་ནག་པོ་ནི་ནག་པོ་རང་མིན་པ་དང། དཀར་པོ་ནི་དཀར་རྐྱང་མིན་པའི་རྙོགས་ཟིང་གི་འཇིག་རྟེན་དེའི་ཐོག་སྒེར་གྱི་བསམ་ཚུལ་ཞིག་གནད་དོན་ཞིག་ཐག་བཅད་མི་ཐུབ་ལ། ཐག་བཅད་པའི་འདོད་ཚུལ་ལ་ང་ཚོས་ངེས་ལེན་བྱེད་ཁག་པོ་ཆགས་ཡོད། དེར་བརྟེན་མཉེན་ཆས་ལ་རིན་པ་མ་སྤྲད་པར་བེད་སྤྱོད་བྱེད་ན་འགྲིགས་མིན་ནི་མི་རེ་ལ་བསམ་ཚུལ་རེ་ཡོད་ངེས་དེར་བརྟེན་ང་ཡང་ཁྱེད་ཀྱི་བསམ་ཚུལ་ལ་ཉན་འདོད་འདུག །

གལ་ཏེ་བསམ་ཚུལ་གསུངས་འདོད་ན། གཤམ་འོག་གི་མཆན་བཀོད་སའི་ནང་མཆན་བཀོད་རྒྱུ་མ་བརྗེད་རོགས།


4 མཆན་གྲངས།:


  1. ཇུས་བཀོད་སློབ་སྟོན་པ་ལགས་དྲི་ལན་དང་སློབ་སྟོན་གསལ་བཤད་སོགས་གནང་བར་ཐུགས་རྗེ་ཆེ། འདི་དང་འབྲེལ་ཡོད་ཀྱི་བསམ་ཚུལ་ཞིག་ཞུ་ན་དྲན་བྱུང་། མ་གཞི་ཉིན་ཤས་གོང་དུ་ཞུ་དགོས་བསམ་ཡང་ཁོམ་པ་མ་བྱུང་། སྤྱིར་འཛམ་གླིང་ནང་གཉེན་ཆས་ཙམ་མིན་པའི་ཅ་ལག་སོགས་མང་པོ་ཞིག་ཀྱང་ཚོང་རྫས་སུ་གྱུར་ནས་མི་དམངས་དཀྱུས་མ་དང་སྐྱོ་བོ་མང་པོར་དཀའ་ངལ་འཕྲད་བཞིན་ཡོད་པ་ནི་ཟློག་ཐབས་མེད་པ་ཞིག་ཆགས་ཡོད། དེ་དག་གི་ནང་ཟས་གོས་མལ་གསུམ་གཙོས་པའི་སྨན་བཅོས་སོགས་ཀྱང་ཚུད་ཡོད། བྱེ་བྲག་ཏུ་གཉེན་ཆས་དང་འབྲེལ་བའི་གནས་ཚུལ་ནི་གོང་དུ་སྐུ་ཉིད་ནས་གསུང་བ་བཞིན་གཅིག་ལས་གཅིག་གོང་ཚད་མཐོ་བ་དང་བདག་སོགས་མི་དཀྱུས་མ་རྣམས་ཀྱིས་ཉོ་ཐུབ་ཐབས་བྲལ་བ་ཞིག་རེད། དེ་འདྲའི་སྐབས་སུ་ crack བཟོ་མཁན་རྣམས་ནི་བཀའ་དྲིན་ཆེན་པོ་ཞིག་ཏུ་སེམས། གཉེན་ཆས་བསྐྲུན་མཁན་ཚོས་གོང་ཧ་ཅང་མཐོ་བོ་ལེན་པ་དེ་ནི་མི་ཆོས་དང་མི་མཐུན་པའི་ཚོང་ཞིག་ཆགས་ཡོད། སྤྱིར་བདག་ལྟ་བུར་མཚོན་ན་གཉེན་ཆས་ལ་གོང་ཚད་མི་སྤྲད་ཟེར་རྒྱུ་མིན་ཡང་ཅང་མཐོ་བོ་ནི་སྤྲོད་ཐུབས་ཐབས་བྲལ་བས་སྤྲད་དགོས་དོན་ཡང་མ་མཐོང་། ཞོར་དུ་དེང་སང་བོད་ཀྱི་སྤྱི་ཚོགས་ནང་ལ་ཡང་མི་ཁག་གཅིག་གཉེན་ཆས་ཀྱི་སྐྱོན་སེལ་རྒྱུ་དང་བླུགས་རྒྱུ་སོགས་ལ་ཁ་ཡར་ནས་མི་ཤེས་མཁན་ཀུན་ལ་མགོ་སྐོར་དང་། མ་ཟད་བདག་པོའི་ཁ་པར་ནང་གི་བརྡ་རྟགས་དེ་བེད་སྤྱོད་བཏང་ནས་གཉེན་ཆས་རེ་ཕབ་ལེན་བྱས་པ་ལ་ཡང་དངུལ་ག་རོ་ཞིག་ལེན་བཞིན་ཡོད་པ་གོ་བྱུང་བས་དེ་དག་ལ་གཟབ་དགོས་འདུག་ཞུ།

    ReplyDelete
    Replies
    1. ཁྱེད་ཀྱིས་གསུངས་པ་ནི་དངོས་བདེན་ཞིག་ཏུ་མཐོང་། མི་འགའ་ཞིག་གིས་མི་སྤྱོད་དང་མི་མཐུན་པའི་མགོ་སྐོར་གྱི་ལས་དེ་འདྲ་བྱེད་པ་ནི་ཧ་ཅང་ཐབས་སྐྱོ་པོ་རེད་དྲན།

      Delete
  2. དྲ་ཚིགས་ཾ་ཇུས་འགོད་པ་ཆེན་མོ་བསོད་ནམས་ཟླ་བ་ལགས། ང་ཚོ་གློག་ཀླད་དེ་ཙམ་མི་ཤེས་མཁན་གཅིག་ལ་མཉེས་ཆས་དངོས་གནས་དེ་ཙམ་དགོས་མཁོ་མ་མཐོང་། དེ་སང་ཙམ། crack་བཟོ་ཡོད་པའི་མཉེས་ཆས་དེ་དག་རན་པོ་འདུག་ན་crack་ག་འདྲ་བཟོ་དགོས་མིན་སྐོར་བཀའ་སློབ་གཅིག་གནང་རོགས། དེ་བཟོ་སྟངས་ཤེས་མ་སོང་།

    ReplyDelete
    Replies
    1. མཉེན་ཆས་རེ་རེར་གསང་ཟ་(crack)གཏོར་སྟངས་ཐབས་ཇུས་འདྲ་མིན་སྤྱད་དགོས་ཀྱི་ཡོད་པར་བརྟེན། གཅིག་འགྱུར་ཞིག་བཤད་རྒྱུ་མེད། འོན་ཀྱང་མང་ཆེ་བས་གསང་ཟ་གཏོར་སྟངས་ནི། མཉེན་ཆས་ཚོད་ལྟའི་དུས་ཡུན་འགྱང་པའམ་དུས་ངེས་མེད་བཟོ་རྒྱུ་དང། མཉེན་ཆས་ཉོས་ཟིན་པའམ་དེབ་སྐྱེལ་ཟིན་པའི་མིང་གཞུང་དང་གསང་ཨང་བརྐུ་བཤུས་ཀྱིས་མཉེན་ཆས་སྤྱོད་པ། དེ་མིན་མཉེན་ཆས་ཀྱི་ Registery ཡིག་ཆའར་འགྱུར་བ་གཏོང་བ། Firewall དང་མཉེན་ཆས་བཟོ་ཚོང་ཁང་གི་དྲ་གནས་བཀག་ཏེ་མཉེན་ཆས་སྤྱོད་རྒྱུ་སོགས་ཐབས་ལམ་སྣ་ཚོགས་ཤིག་སྤྱད་ཀྱི་ཡོད།

      དྲང་པོ་བཤད་ན། མཉེན་ཆས་དེ་དག་ལ་གསང་ཟ་ཇི་ལྟར་གཏོར་བ་དང་བཟོ་དགོས་མིན་ངས་ཀྱང་མི་ཤེས། དེར་བརྟེན་ཁྱེད་ལ་སློབ་སྟོན་ཞིག་ཡོང་ཐབས་བྲལ། འོན་ཀྱང་དོ་སྣང་དབྱིངས་ཡོད་ན། སྔོན་ལ་གློག་ཀླད་ཀྱི་ཡིག་བཏགས་(Programming Language)སྐད་ཡིག visual basic , C++, Java , PERL, Python ཟེར་བ་དེ་དག་ཤེས་དགོས་པ་མ་ཟད། རིག་རྩལ་ཡང་རྩེར་གསོན་མཚམས་ད་བཟོད་གཞི་ནས་སོ་སོའི་རིག་རྩལ་ངོམས་ཆོག་པ་ཞིག་ཆགས་ཐུབ།

      Delete

\\ ཡིག་ཆ་འཚོལ་བཤེར་གནང་།

\\ དྲ་ཚིགས་ཞིག་དགོས་སམ།

weChat: sonamdava
Phone: +91 9805941078
Email: iphoeniz@gmail.com
  • རྒྱལ་སྤྱིའི་བོད་ཀྱི་པེན་ཚོགས་པ།

  • འབྲས་སྤུངས་བློ་གསལ་གླིང་།

  • ཆོས་དུང་དཀར་པོ།

  • སྒོ་མང་དཔེ་མཛོད་ཁང་།

  • ཨ་ནུ་དྲ་བ།

\\ ཡིག་འབྲེལ།

Name

Email *

Message *