ལོ་གྲངས་ 25 ནང་སྐར་ཁུང་གི་འཕེལ་རིམ། [1]

 

ཕྱི་ལོ་ 1985 ལོར་ཕྲ་མཉེན་ཚང་ (Microsoft) གིས་ Window1.0 ཟེར་བའི་རྩིས་འཁོར་མ་ལག་ཐོན་རིམ་དང་པོ་དེ་བཟོས། དེའི་རྗེས་ཀྱི་ལོ་གྲངས་ཉི་ཤུ་རྩ་ལྔའི་ནང་སྐར་ཁུང་གི་རྒྱུད་ཁུང་མ་ལག་ཐོན་རིམ་གནད་ཀ་ཅན་བཅུ་དྲུག་བྱུང་ཡོད། ལོ་ངོ་དེ་དག་ནང་ཕྲ་མཉེན་ཚང་གིས་ངལ་བ་ཁྱད་གསད་ཀྱིས་སྤྱི་ཚོགས་ལ་ལེགས་སྐྱེས་ཕུལ་བ་དེ་དག་ལ་ཕྱི་ལྟས་ཤིག་བྱེད།

Window 1.01 (ཕྱི་ལོ་ 1985)

གདོད་མའི་སྐར་ཁུང་མ་ལག་དེ་བཟོ་བསྐྲུན་བྱེད་པའི་སྐབས་ཀུ་ཤུ་ཚང་གི་ Mac Os དང་འདྲ་པོ་ཡོད། དེར་བརྟེན་ཀུ་ཤུ་ཚང་གི་ཁྲིམས་ཐོག་ཉེས་འཛུགས་མི་ཡོང་བའི་སླད་སྐར་ཁུང་གི་ཅོག་ངོས་(Desktop) གཤམ་དེར་ taskbar ཟེར་བ་ཡོད་པ་ལས་ཅོག་ངོས་སྟེང་སྙིག་སྣོད་ དེ་མཐོང་རྒྱུ་མེད།

Windows 2.0 (1987)

སྐར་ཁུང་གཉིས་པ་དེ་ Mac OS དང་ཧ་ཅང་འདྲ་པོ་ཡོད་པའི་ཐོག་ཅོག་ངོས་ཀྱི་དཔར་རིས་ལེགས་བཅོས་བྱས་ཡོད། སྐར་ཁུང་མ་ལག་དེའི་སྟེང་མྱོང་འདྲིས་ཡོད་པའི་མཉེན་ཆས་འགའ་ཡོད། དཔེར་ན། Paint དང་ Terminal, ཆུ་ཚོད།, ཡིག་ཆ་བསྔོག་བྱེད་ MS-DOS Executive ཟེར་བ་དེ་དག་ཡོད། སྐར་ཁུང་ལ་ལག་དེ་ཐོན་པའི་རྗེས་ཕྲ་མཉེན་ཚང་གིས་ Word དང་ Excel གི་མཉེན་ཐོག་མ་དེ་བྱུང་བ་རེད།

Windows 3.0 (1990)

སྐར་ཁུང་ཐོན་རིམ་གསུམ་པའི་ནང་ཁྱད་ཆོས་གསར་པ་མང་པོ་གནོན་ཡོད། དཔེར་ན། མཉེན་ཆས་བཏང་འཛིན་སྟེགས་བུ་ (Program Manager) དང་ ཏག་སེའི་རྩེད་མོ་ Solitaire, འཆར་ཆས་ VGA, སྣང་འཆར་དྲན་ཤེས་ Virtual Memory, 3D གི་སྒེའུ་ཁུང་ཡོད། སྐར་ཁུང་མ་ལག་དེའི་སྟེང་ཕྱི་ཕྱོགས་ཀྱི་མཉེན་ཆས་ (Third-Party-Software) གཞན་སྒྲིག་འཇུག་བྱེད་རྒྱུ་ཡོད་པར་བརྟེན་སྐར་ཁུང་ཐོན་རིམ་འདི་བེད་སྤྱོད་བྱེད་མཁན་རྒྱ་ཁྱབ་འགྲོ་ཐུབ་པ་བྱུང་ཡོད།

Windows 3.1 (1992)

སྐར་ཁུང་ཐོན་རིམ་ 3.1 ནང་སྔར་ལས་ཀྱང་ཡར་རྒྱས་བཏང་ཡོད་ཁར་ TrueType ཡིག་གཟུགས་ཅི་རིགས་ལ་རྒྱབ་སྐྱོར་ཐོབ་པ་དང་། སྐར་ཁུང་དེ་དཔེ་དེབ་དཔར་སྐྲུན་བྱེད་པའི་མ་ལག་ཏུ་འགྱུར་ཐུབ་པ་བྱུང་ཡོད། སྐར་ཁུང་གི་ཐོན་རིམ་འདིའི་ནང་ཡིག་ཆ་ཞིག་ཡར་བསྐྱགས་ཏེ་ཡིག་ཁུག་གཞན་ཞིག་ཐོག་གཡུག་རྒྱུའི་ drag-and-drop ཟེར་བའི་ཁྱད་ཆོས་ཐོག་མ་བྱུང་ཡོད་ལ་སྒྲ་དང་བརྙན་རིས་ལ་བལྟ་ཉན་ཐུབ་པ་བྱུང་ཡོད། མི་ཚོས་དགའ་མོས་བྱེད་སའི་གློག་ཀླད་ཀྱི་རྩེད་མོ་ Minesweeper དེ་ཡང་དེ་དུས་བྱུང་བ་རེད།

Windows for Workgroups 3.1 (1992)

ཐོན་རིམ་འདིའི་ཐོག་གཙོ་བོ་ས་ཁུལ་སོ་སོའི་ནང་ཡོད་པའི་གློག་ཀླད་གློག་དང་ཀླད་དབར་འབྲེལ་མཐུད་བྱེད་ཐུབ་པའི་དྲ་རྒྱའམ་དབྱིན་ཡིག་ཐོག LAN Network མཐུན་རྐྱེན་བཟོ་ཐུབ་པ་བྱུང་ཡོད། ཚོང་ལས་སྡེ་ཚན་ནམ་ཀམ་པ་ཎི་(Company) མང་པོའི་བསྔགས་བརྗོད་ཐོབ་ཡོད།

Windows NT 3.1 (1993)

སྐར་ཁུང་ཨན་ཊི་ནི་རྒྱུད་ཁུང་མ་ལག་ OS/2 ཟེར་བ་ལས་གསར་སྒྲིག་བྱས་པ་ཞིག་ཡིན། ཕྱིའི་རྣམ་པ་དེ་སྐར་ཁུང་3.1 དང་འདྲ་པོ་ཡོད་ཀྱང་། MS-DOS བཀའ་བརྡ་ (command)རྒྱུད་ནས་འགྲོ་མི་དགོས། མ་ཟད་རྒྱུད་ཁུང་མ་ལག་གི་སྒྲིག་བཀོད་ནི་གསར་རྐྱང་ཞིག་ཡིན་ཁར་ 32bit ཡིན་པའི་རྩིས་འཁོར་ཆེད་དུ་བཟོ་འགོ་བཙུགས་པ་རེད།

Windows 95 (1995)

སྐར་ཁུང་རྒྱུད་ཁུང་མ་ལག་གསར་པ་དེ་སླེབས་ཉིན་ནས་ MS-Dos ཤེས་མི་དགོས་པ་དང་ཙི་ཙི་གཡས་རྡེབ་གཡོན་རྡེབ་རེ་བྱས་ནས་གློག་ཀླད་ལ་བཀོད་འདོམ་བྱེད་ཐུབ་པ་དེ་ཆགས་ཡོད། འོན་ཀྱང་དེ་སྔའི་ DOS ལ་གོམས་འདྲིས་སུ་སོང་བ་རྣམས་ཀྱི་ཆེད་དུ་ DOS བཀའ་བརྡ་རྒྱག་ས་ཡང་རང་སྒྲིག་ཡོད། སྐར་ཁུང་དེའི་ཐོག་ Taskbar དང་ Start ཟེར་བ་གཉིས་གསར་གནོན་བྱས་ཁར་སྤྱིའི་ཅོག་ངོས་ཀྱི་རྣམ་པ་དང་མཉེན་ཆས་ལ་ཡར་རྒྱས་ཆེན་པོ་བཏང་ཡོད་པར་བརྟེན། སྐར་ཁུང་ 85 དེ་ཁྲོམ་རྭའི་ཐོག་ཧ་ཅང་རྒྱུགས་པོ་བྱུང་ན་ཕྲ་མཉེན་ཚང་ལ་ཚོང་རའི་འགྲན་བརྩོད་ཁྲོད་རྐང་པ་སྲ་བཙུགས་ཐུབ་པ་བྱུང་བ་རེད།

Windows NT 4.0 (1996)

སྐར་ཁུང་ཨན་ཊི་ 4.0 ནང་སྐར་ཁུང་ 95 ཡི་ཅོག་ངོས་ཀྱི་རྣམ་པ་སྤྲས་པའི་སྟེང་སྐར་ཁུང་ཨན་ཊི་ཀྱི་ལྟེ་བའི་མ་ལག་(kernel)བརྟན་པོ་བཟོས་ཐོག་ལོ་འགའི་རྗེས་ཚོང་ལས་ཆེད་སྤྱོད་ཀྱི་སྐར་ཁུང་མ་ལག་ཅིག་ཏུ་འགྱུར་འགོ་བཙུགས།

Windows CE 1.0 (1996)

ཕྱི་ལོ་ 1990 ཡས་མས་སུ་ལག་ཐོག་རྩིས་འཕྲུལ་ (PocketPC / Handheld Device) ཆུང་ཆུང་དར་འགོ་བཙུགས་པ་དང་། ལག་ཐོག་རྩིས་འཕྲུལ་ཆུང་ཆུང་དེ་དག་གི་ཆེད་དུ་བཟོས་པའི་སྐར་ཁུང་མ་ལག་དང་པོ་དེ་ནི་ Window CE 1.0 དེ་ཆགས་ཡོད། སྐར་ཁུང་མ་ལག་གསར་པ་དེ་ནི་ད་ལྟའང་ལག་ཐོག་རྩིས་འཕྲུལ་འགའི་ནང་བེད་སྤྱོད་བྱེད་ཀྱི་ཡོད།

Windows 98 (1998)

ཕྲ་མཉེན་ཚང་གི་སྐར་ཁུང་ 98 དེའི་སྟེང་དྲ་མྱུལ་མཉེན་ཆས་ Internet Explorer  ཟེར་བ་ཞིག་གསར་སྣོན་བྱས་པ་རེད། དྲ་མྱུལ་མཉེན་ཆས་དེའི་རྒྱུད་དྲ་ཐོག་ཀྱི་ཞབས་ཞུ་ཅི་རིགས་ལ་ལྟ་མྱུལ་དང་། མི་ཕན་ཚུན་བར་གློག་འཕྲིན་གཏོང་རེས། དྲ་ཐོག་གླེང་མོལ་སོགས་གནང་ཐུབ་པའི་མཐུན་རྐྱེན་བསྐྲུན་པ་རེད། དྲ་རྒྱ་དང་དྲ་ཚིགས་ཟེར་བ་དེ་ནས་རྒྱ་ཁྱབ་ཏུ་དར་འགོ་བཙུགས། ཕྱི་ཕྱོགས་ཀྱི་གློག་ཆས་འདྲ་མིན་གློག་ཀླད་དང་མཐུད་སྦྱོར་ཐུབ་པའི་ USB མཐུད་ཁ་ཡང་སྦྱར་ཡོད། སྐར་ཁུང་གི་ལོ་རྒྱུས་ནང་སྐད་གྲགས་བཞག་མཁན་གཅིག་ཡིན།

དགོས་མཁོ་དང་རིག་རྩལ་ལས་གྲུབ་པའི་ InfiniteUSB

 

གློག་ཀླད་ཀྱི་ USB མཐུད་ཁ་ནས་ཕྱི་ཕྱོགས་གློག་ཆས་ཧ་ཅང་མང་པོ་ཞིག་དང་སྦྱོར་ཏེ་ལས་ཀ་བྱེད་དགོས་ཀྱི་ཡོད། གློག་ཀླད་མང་ཆེ་བ་ལ་ USB གི་མཐུད་ཁ་གཉིས་གསུམ་ཙམ་ཡོད། འོན་ཀྱང་ད་དུང་མི་གདང་བའི་སྣང་བ་ཞིག་བསྟེར་གྱིན་ཡོད། དེར་བརྟེན་མི་རྣམས་ཀྱི་དགོས་མཁོར་གཞིགས་ཏེ་ཆེད་ལས་པས་རིག་རྩལ་ལས་ InfiniteUSB ཞེས་པའི་ཏར་སྐུད་ཞིག་བཟོས་ཡོད། InfiniteUSB དེས་ཕྱི་ཕྱོགས་ཀྱི་ USB གློག་ཆས་གྲངས་མེད་ལྷན་དུ་མཐུད་སྦྱོར་བྱེད་ཐུབ་ཀྱི་ཡོད་ལ་མ་འོངས་ཀྱི་དཀའ་ཚེགས་དེ་རིགས་ལས་ཡོངས་སུ་གྲོལ་བ་ཆགས་ཡོད། དྲ་ཐོག་ཚོང་འགྲེམས་བྱེད་ས་ Ebay ནས་ཏར་སྐུད་དེ་ཉོ་ན་རྒྱ་གར་སྒོར་ Rs. 149/- ཡིན་འདུག




USB གཅིག་ལས་མེད་པའི་MacBookགསར་པ།

 

ཀུ་ཤུ་ཚང་གིས་ཉེ་ཆར་གསར་སྐྲུན་བྱས་པའི་ MacBook གསར་པ་དེ་ལ་ USB Type-C གི་མཐུད་ཁ་གཅིག་ལས་མེད་པ་བཟོས་ཡོད་པ་དང་། དེ་སྔའི་ VGA-port དང་ HDMI-port ཟེར་བ་དེ་དག་ཀྱང་མེད་པ་བཟོས་ཡོད། USB གཅིག་དེ་ནས་མཐེབ་སྡེར་དང་དེ་མིན་གྱི་གློག་ཆས་གཞན་དང་སྦྱོར་དགོས་པ་དང་། USB གཅིག་དེ་ནས་གློག་མེ་མཐུད་ས་ཡང་ཆགས་ཡོད། བཟོ་རྩལ་གསར་པ་དེས་གློག་ཀླད་ལ་སྔར་མེད་ཀྱི་སྒྲིག་རིམ་གསར་པ་ཞིག་ལ་ཁ་ཕྱོགས་སྟོན་ཡོད།

MacBook གསར་པ་དེའི་ནང་ཁྲོལ་གྱི་ཚད་གཞི་དང་ཁྱད་ཆོས་གསར་ལྡན།

  • ཀུ་ཤུའི་གློག་ཀླད་ཡང་ཤོས་དེ་ཆགས་ཡོད། ལྗིད་ཚད་ལ་ 0.9Kg
  • ཀུ་ཤུའི་གློག་ཀླད་ཕྲ་ཤོས་དེ་ཆགས་ཡོད། མཐུག་ཚད་ 13.1mm
  • གློག་ཀླད་ཀྱི་གདོང་ངོས་ཀྱི་ཞེང་ཚད་ནི་ 12 inches ཡིན་པ་དང་ཤེལ་ནི་  Surface Pro 3 Retina display དང་ Pixel ཚད་གཞི་ 2340x1440 ལས་སྒྲུབ་པ་ཞིག་ཡིན་པར་བརྟེན་བརྙན་དཔར་རྣམས་སྤུས་ཚད་མཐོ་པོ་སྟོན་ཐུབ་ཀྱི་ཡོད།
  • Intel's 14nm Core M chips ཟེར་བ་དེ་བཅུག་ཡོད་པར་བརྟེན་ནང་ཁྲོལ་གྱི་རླུང་འཁོར་མི་དགོས་པ་དང། གློག་ཀླད་བེད་སྤྱོད་བྱེད་པའི་སྐབས་གྲགས་འགུལ་གང་ཡང་མེད་པ་ཁུ་སིམ་པོ་ཆགས་ཡོད།
  • ང་ཚོས་ཚོད་དཔག་ཐུབ་པ་ལྟར་ཀུ་ཤུ་ཚང་གིས་ཡིག་བཏགས་ཀྱི་མཐེབ་གཞོང་ལ་བསྐྱར་བཅོས་ཡང་བྱས་ཡོད། མཐེབ་གཞོང་ཐོག་མཛུབ་མོ་གནོན་སྐབས་བདེ་སྣང་ཡོང་རྒྱུ་མ་ཟད་ཡི་གེ་གནད་དུ་འཁེལ་བའི་བཟོ་རྩལ་གསར་པ་སྤྱད་ཡོད།
  • གློག་ཀླད་དེའི་ཐོག་གློག་མེ་ཆེ་ཤོས་དེ་བཅུག་ཡོད། ཕལ་ཆེར་ཆུ་ཚོད་བཅུ་ལྷག་འདང་གི་ཡོད་འདུག
  • RAM ལ་ 8GB
  • གསོག་སྡེར་ SSD ཡིན་པ་དང་གཤོང་ཚད་ལ་ 256GB
  • གློག་ཀླད་གསར་པ་དེའི་ནང་ཀུ་ཤུ་ཚང་གི་ OS X Yosemite ཐོན་གསར་ཤོས་དེ་བཅུག་ཡོད།
MacBook གསར་པ་དེའི་གོང་ཚད་ནི་དབྱིན་སྒོར་ £1,049 ནས་ £1,299 བར་ཡིན་འདུག

འགྲེལ་བཤད་ཀྱི་བརྙན་ཐུང་དེར་གཟིགས་པར་ཞུ།

ངེས་པར་དུ་མཁྱེན་དགོས་པའི་སྐར་ཁུང་གི་མྱུར་མཐེབ་ཉི་ཤུ།

 

སྐར་ཁུང་བཅུ་པ་གསར་དུ་ཐོན་པ་དང་དེ་དང་མཉམ་དུ་མཐེབ་གཞོང་གི་མྱུར་མཐེབ་ (Keyboard shortcuts) མང་པོ་ཞིག་ཁ་སྣོན་བྱས་ཡོད། དེར་ང་ཚོས་སྐར་ཁུང་གི་མྱུར་མཐེབ་ལེགས་ཤོས་དང་ཤེས་བདེ་ཤོས་འགའ་ཁྱེད་ལ་ངོ་སྤྲོད་ཞུ་རྒྱུ་ཁུལ་བྱས། སྐུ་ཉིད་ནས་རྩོམ་ཡིག་འདིར་ལྟ་ཀློག་བྱེད་ཞོར་མཛུབ་མོ་མཐེང་གཞོང་ཐོག་བཀལ་ཏེ་ཚོད་ལྟ་ཐེངས་ཁ་ཤས་ཤིག་གནང་ཐུབ་ན་ད་བཟོད་བློ་ངོར་ཆུད་ཐུབ་ངེས།

ང་ཚོ་ཕལ་ཆེ་བས་མཐེབ་གཞོང་ལས་ Ctrl+C དང་ Ctrl+V, Alt+F, Ctrl+Alt+G ཟེར་བ་སོགས་བཀོལ་སྤྱོད་བྱེད་མྱོང་ཡང་སྐར་ཁུང་ གི་ལས་རྟགས་ཡོད་པའི་མཐེབ་གནོན་དེ་ཙམ་སྤྱོད་ཀྱི་མེད། གང་ལྟར་མི་ཞིག་གིས་མྱུར་མཐེབ་ཇི་ཙམ་མང་བ་ཤེས་པ་དེ་ཙམ་གྱིས་གློག་ཀླད་ཐོག་འཇུག་བདེ་བ་དང་ལས་དོན་མྱུར་པོ་གྲུབ་ཐུབ་པའི་ཁྱད་པར་ཡོད་པ་བརྟེན། གཤམ་དུ་མཐེབ་གཞོང་ངོས་ཀྱི་སྐར་ཁུང་ གི་ལས་རྟགས་ཡོད་པ་དེ་བཀོལ་སྤྱོད་བྱེད་སྟངས་གཙོ་ཆེར་ཆད་པ་ཡིན།

སྐར་ཁུང་ 10 མྱུར་མཐེབ་གསར་པ།

  • + A : བཀའ་གཏོང་ས། Action Center 
  • + C :  Cortana སྒོ་ཕྱེ་ནས་ཁྱེད་ཀྱི་བཀའ་ལ་སྒུག་ནས་བསྡད་ཀྱི་རེད།
  • + I : སྒྲིག་བཀོད་སྟེགས་སྒྲོམ་ (Settings) ཁ་ཕྱེ།
  • + S : Cortana མཉེན་ཆས་དངོས་ཁ་ཕྱེ།
  • + Tab : ཁ་བསྔོག་བཞག་པའི་མཉེན་ཆས་དང་ལས་ཀ་ (Task View)  ལ་བལྟ།
  • + Ctrl + D : ངོས་གཙང་བའི་ཅོག་ངོས་ (desktop) གཞན་ཞིག་བཟོ།
  • + Ctrl + F4 : མིག་སྔར་འཆར་བའི་ཅོག་ངོས་ (desktop) དེ་ཁ་རྒྱོབ།
  • + Ctrl + ཡང་ན་ : ཁ་ཕྱེ་བཞག་པའི་ཅོག་ངོས་ (desktops) ཕན་ཚུན་བར་མྱུལ་བ།

སྐར་ཁུང་སྤྱིའི་མྱུར་མཐེབ།

  • (སྐར་ཁུང་བདུན་པ་ཡན་ལ་): Start གི་འདེམས་བྱང་ཁ་ཕྱེ་བ་དང་བསད་པ།
  • + X (སྐར་ཁུང་ 8.1 དང་ 10): Start གི་སྟེང་ཙི་ཙི་གཡས་རྡེབ་ (right-click) བྱས་པ་དང་མཚུངས།
  • + ཡང་ན་ (སྐར་ཁུང་བདུན་པ་ཡན་ལ་): ཁ་ཕྱེ་ཡོད་པའི་མཉེན་ཆས་དེ་གློག་ཀླད་ཀྱི་གདོང་ངོས་གཡས་གཡོན་གང་རུང་དུ་འཇོག་པ།
  • + E (སྐར་ཁུང་བདུན་པ་ཡན་ལ་): File Explorer ཁ་ཕྱེ།
  • + L (སྐར་ཁུང་བདུན་པ་ཡན་ལ་): ཅོག་ངོས་ཟྭ་རྒྱག་པ། (Lock Desktop)
  • Alt + PrtScn (སྐར་ཁུང་བདུན་པ་ཡན་ལ་): མིག་སྔར་འཆར་བའི་མཉེན་ཆས་སམ་ཡིག་ཆའི་སྒེའུ་ཁུང་དེ་དཔར་བཏབས་ནས་གློག་ཀླད་ཀྱི་དྲས་སྦྱར་པང་(clipboard)དུ་ཉར་བ།
  • + PrtScn (སྐར་ཁུང་ 8.1 དང་ 10): མིག་སྔར་འཆར་བའི་ཅོག་ངོས་དེ་དཔར་བཏབས་ནས་གློག་ཀླད་ཀྱི་དྲས་སྦྱར་པང་(clipboard)དུ་ཉར་བ།

དྲ་མྱུལ་མཉེན་ཆས་སྤྱིའི་མྱུར་མཐེབ།

  • Ctrl + T : དྲ་ཚིགས་ཤར་ངོས་ tab གསར་པ་ཁ་ཕྱེ།
  • Ctrl + D : དྲ་ཚིགས་ཁ་བྱང་དཔེ་འཛར་ (Bookmark) ནང་ཉར་བ།
  • Ctrl + L : མིག་སྔར་འཆར་བའི་དྲ་ཚིགས་དེའི་དྲ་བྱང་འདེམས་པ།
  • Ctrl + Tab : ཁ་ཕྱེ་བཞག་པའི་ tab དེ་དག་རེས་མོས་ཀྱི་བལྟ་བ།
  • Ctrl + Enter : དྲ་ཚིགས་ཀྱི་མིང་གི་རྗེས་ལ་ “.com” སྣོན་པ། (དཔེར་ན། དྲ་ཚིགས་ཁ་བྱང་བྲིས་སའི་སྟེང་ 'sonamdawa' བཀོད་རྗེས་མཐེབ་གཞོང་ནས་ Ctrl+ENTER གནོན་དང་ sonamdawa.com ཆགས་ཀྱི་རེད།)

ཟུར་བཀོད་མིང་ཚིག

རྩོམ་ཡིག་ནང་བཀོད་པའི་མིང་ཚིག་རྣམས་བོད་རྒྱ་དབྱིན་གསུམ་ཆ་འཕྲིན་ལག་རྩལ་ཚིག་མཛོད་ལ་གཞི་བཅོལ་བ་ཡིན།

Setting : སྒྲིག་བཀོད།
Right-Click: གཡས་རྡེབ།
Desktop : ཅོག་ངོས།
Lock Desktop : ཅོག་ངོས་ཟྭ་རྒྱག་པ།
Clipboard : དྲས་སྦྱར་པང་། [དེ་ནི་གློག་ཀླད་ཀྱི་དྲན་པའི་ནང་ཡིག་འབྲུ་དང་དཔར་སོགས་ཅི་རིགས་སྐབས་ཕྲལ་རིང་ཉར་གསོག་བྱེད་གནས་དམིགས་བསལ་ཞིག་ཡིན།]
Window: སྒེའུ་ཁུང་།
Bookmark : དཔེ་འཛར།

བོན་གྱི་དྲིས་ལན་དྲ་མཛོད།

 

དྲ་ཚིགས་ཀྱི་མིང་། བོན་གྱི་དྲིས་ལན་དྲ་མཛོད།
དྲ་གནས། www.askbon.net

དྲ་ཚིགས་ཀྱི་མིང་ནས་གསལ་བ་ལྟར་དྲ་ཚིགས་འདི་ནི་ང་ཚོའི་ཕ་མེས་ནས་དར་བའི་བོན་གྱི་ཤེས་རིག་སྐོར་གྱི་དྲི་བ་དྲིས་ལན་གནང་སའི་ཞབས་ཞུ་ལེགས་གྲས་ཞིག་རེད་འདུག དྲ་ཚིགས་དེའི་ཐོག་མངོན་གསལ་དུ་མཐོང་བ་ནི། ཞང་ཞུང་གནའ་རབས་དང། རྒྱལ་རབས་ལོ་རྒྱུས། གཡུང་དྲུང་བོན། རིག་པའི་གནས་ལྔ། གལ་ཆེའི་མི་སྣ། ཆོ་ག་རྒྱུན་སྤྱོད། གསུང་རབ། གནས་རྟེན་གསས་ཁང། གར་ཤོན་ཕྱག་མཚན། ཀུན་བཏུས་ཤེས་བྱ།  སོགས་སྡེ་ཚན་ཆེ་ཁག་དང་ནང་གསེས་སྡེ་ཚེན་ལེགས་པོ་དབྱེ་ཡོད་པ་དེ་ཡིན། དེ་ནི་མ་འོངས་དྲི་བ་དྲིས་ལན་གྱི་ཡིག་མཛོད་ཕལ་རྒྱལ་འགྲོ་བ་དང་བསྟུན་འཚོལ་བཤེར་ལེགས་པོ་དང་མྱུར་པོ་ཡོང་ཆེད་ཕུགས་འདུན་བཅངས་ཡོད་པ་ཤེས་ཐུབ། དྲ་ཚིགས་ཀྱི་བཟོ་བཀོད་ཁམས་གཙང་བའི་ཁར་དྲ་མི་ཚོས་དྲི་བ་འདོན་ས་དང་ལན་སློག་སའི་སྟེགས་བུ་དེའང་ཧ་ཅང་ལས་ལྷ་པོ་འདུག །བོན་གྱི་དྲིས་ལན་དྲ་མཛོད་བདག་ཉར་བ་སྐུ་ཞབས་འོད་ཟེར་ལགས་ནས་དྲ་ཚིགས་འདིའི་སྐོར་ངོ་སྤྲོད་གནང་བ་གཤམ་གསལ།

དྲ་ཚིགས་འདིའི་ངོ་སྤྲོད་ཐུང་ངུ་ཞིག་ཞུ་ན། 

སྤྱིར་རྒྱལ་སྤྱིའི་བོད་རིག་པའི་མི་སྣ་ཚོས་གནའ་བོའི་ཞང་བོད་ཀྱི་ཆོས་དང་རིག་གཞུང་ལ་ཐུགས་ཁུལ་ཉམས་ཞིབ་གནང་རྒྱུ་ནི། གལ་ཆེའི་ནང་གི་དོན་ཆེན་ཞིག་ཏུ་བརྩི་བཞིན་ཡོད་པ་དང་། སྒོས་སུ་དེང་ཆ་འཕྲིན་གྱི་དུས་རབས་དང་བསྟུན་ཏེ་སོ་སོའི་ཕ་མེས་ཀྱི་ཆོས་དང་རིག་གཞུང་རྣམས་རང་རིགས་གཞོན་སྐྱེས་རྣམས་ལ་ངོ་སྤྲོད་དང་འཆད་ཁྲིད་དགོས་པ་ནི། ཕ་ཤུལ་བུས་འཛིན་དང་། མེས་པོ་གོང་མ་ཚོའི་བཀའ་དྲིན་ལ་རྗེས་དྲན་རླབས་ཆེན་ཞིག་ཡིན། རྒྱུ་མཚན་དེ་དག་ལ་བསྟེན་ཏེ་རྒྱལ་ཁབ་འདྲ་མིན་ནང་བཞུགས་པའི་མཁས་དབང་དགེ་བཤེས་དང་བསམ་བློ་བ་འགས་མཉམ་རུབ་ཀྱིས་གོང་ཞུས་ཀྱི་གོ་སྐབས་དང་འགན་འཁྲི་དེ་དག་དོན་ལེན་ཆེད་(བོན་གྱི་དྲིས་ལན་དྲ་མཛོད་)ཅེས་པ་འདི་གཉེར་བཞིན་ཡོད། དྲ་བ་འདིར་གཙོ་བོ་ཞང་བོད་ཀྱི་ལོ་རྒྱུས་རིག་གཞུང་དང་། གཡུང་དྲུང་བོན་གྱི་རྒྱུན་ཤེས་སྐོར་སོགས་མདོར་ན་མཐོ་བོད་རིག་པའི་ཉམས་ཞིབ་པ་ནས་ཆུང་དཔེ་ཁུག་ཁུར་བའི་སློབ་ཆུང་བྱིས་པ་ཡན་གྱིས་ཞང་བོད་ཀྱི་སྐོར་བཀའ་དྲི་གང་ཞིག་ཡོད་ཀྱང་གནང་ཆོག

ཡིན་ནའང་དྲ་བ་འདི་རིག་གཞུང་སློབ་ཁྲིད་དང་ཉམས་ཞིབ་ཆེད་ཁོན་ཡིན་པ་ལས་ཡུལ་དུས་དང་མི་འཚམས་པའི་ཆབ་སྲིད་དང་། ཞི་བདེའི་འཁོར་ཡུག་དཀྲོག་པའི་ཆོས་ལུགས་འཐེན་ཁྱེར་རིགས་ཀྱི་དྲི་བ་དང་རྩོམ་ཡིག་རིགས་ནི་ནམ་ཡང་ང་ཚོས་དགའ་བསུ་མི་ཞུ།།

དྲ་མཛོད་ཀྱི་དམིགས་ཡུལ།

[བོན་གྱི་དྲིས་ལན་དྲ་མཛོད་ལས་བཏུས]
བོད་ཁ་བའི་ལྗོངས་འདིར་བོན་རྒྱལ་ཐོག་མ་གཉའ་ཁྲི་བཙན་པོས་དབང་བསྒྱུར་བ་ནས་བཟུང་བོད་མི་རྣམས་ཀྱི་ཤེས་རིག་གི་བློ་སྒོ་ཕྱེས་ཡོད་ཅེས་བཤད་ན་མི་འགྲིག་པ་གང་ཡང་མེད་སྙམ། བོན་རྒྱལ་གཉའ་ཁྲིའི་དུས་མཉམ་དུ་བོན་ཤེས་པ་ཅན་བཅུ་གཉིས་དར་ཏེ། དེའང་མགོན་ཤེས་ལྷ་བོན། གཡང་ཤེས་ཕྱྭ་བོན། འགྲོ་ཤེས་གླུད་གཏོང་། འདུར་ཤེས་སྲིད་གཤེན། གཙང་ཤེས་སེལ་འདེབས། སྒྲོལ་ཤེས་ལྷ་བོན། ཕན་ཤེས་སྨན་དཔྱད། སྐོས་ཤེས་རྩིས་མཁན། སྨྲ་ཤེས་གཏོ་དགུ། ལྡིང་ཤེས་ཤ་བ། འཕུར་ཤེས་ཇི་ཐིག སྒྲོལ་ཤེས་འཕྲུལ་བོན་རྣམས་ཡིན་ལ། ནམ་རྒྱུན་རྒྱལ་རབས་ཆོས་བྱུང་ང་ཆེ་ང་བཙན་དེ་ཚོའི་ནང་དུས་རབས་བདུན་པའི་ཡར་སྔོན་དུ་བོད་དང་བོད་མི་རྣམས་ནི་མུན་ནག་དང་ཀླ་ཀློ་ཡིན་པར་བཤད་ཡོད་པ་རྣམས་རང་རིགས་ཀྱི་ཕ་མེས་རྣམས་ལ་ངན་བཤད་དང་། བློ་རིག་དང་དཔའ་སྟོབས་ཆེ་བའི་བོད་རྒྱལ་སུམ་ཅུ་ལྷག་ཙམ་ཞིག་དམུས་ལོང་ཁྱུ་ཚོགས་ཞིག་ཏུ་བསྒྲུབས་ཡོད་པ་ནི་ཕྱི་རབས་ཀྱི་གངས་རིའི་བུ་ཕྲུག་རྣམས་ལ་བསུབ་ཏུ་མེད་པའི་རྨ་ཁ་ཆེན་པོ་ཞིག་བཞག་པ་ལོས་ཡིན། གོང་སྨྲས་ཀྱི་བོན་ཤེས་པ་ཅན་བཅུ་གཉིས་པོ་ནི་བོད་མི་བཅུ་གཉིས་ཙམ་མ་ཡིན་པར་ཤེས་རིག་གི་གནས་མི་འདྲ་བཅུ་གཉིས་ཡིན་སྟབས། སྐབས་དེ་ཙམ་ནས་བོད་ཁམས་སུ་སྨན་རྩིས་གཏོ་དཔྱད་དང་། དུར་འདུལ་གཡང་ལེན། གཤིན་འདྲེན་གསོན་བདེ་སོགས་ཀྱི་རིག་པའི་གནས་སྡེ་མང་པོ་ཞིག་དར་འགོ་ཚུགས་ཡོད་པ་ཟུར་ལྟས་ལེབ་མཐོང་རེད།

གང་ལྟར་རྒྱལ་ཁབ་ཅིག་གི་ལོ་རྒྱུས་དང་རིག་གཞུང་དེ་དག་སྲུང་སྐྱོབ་དང་རྒྱུད་འཛིན་བྱ་དགོས་ན། ལུང་པ་དེའི་ནང་གི་ས་སྐྱེས་རྡོ་སྐྱེས་ཀྱི་མི་རབས་ཀྱི་བྱུང་བ་དང་འཕེལ་རིམ། མི་རིགས་དེའི་ཐོག་མའི་ཤེས་རིག་གི་རྒྱབ་ལྗོངས་སོགས་འཚོལ་དགོས་པ་ལས་རྡོ་རྗེ་སྐེད་བཟུང་ལྟ་བུའི་ཆོས་ལུགས་དང་གྲུབ་མཐའི་དགའ་ཕྱོགས་ཁོ་ནས་འཚོ་སྡོད་ན་ནམ་ཞིག་ཡུལ་ལུང་དེའི་ཤེས་རིག་དང་ལོ་རྒྱུས་ཀྱི་ཕུགས་རྩ་ཡལ་དུ་འགྲོ་རྒྱུ་ལས་ཡང་དག་པའི་འཛིན་སྐྱོང་གི་གྲུབ་འབྲས་ཞིག་འཐོབ་ཐབས་དཀའ་སྙམ།

དེ་ལྟར་ཁ་བ་རི་བའི་མ་འོངས་པའི་གཞོན་སྐྱེས་རྣམས་ལ་སོ་སོའི་མེས་པོའི་ནོར་བུ་དེ་ཉིད་བདག་གཉེར་དང་ནོར་ཉམས་ཆོད་རྒྱུའི་འགན་འཁྲི་ཆེན་པོ་ཞིག་ཡོད་པ་དང་། ལྷག་དོན་བོད་ཀྱི་གཞོན་སྐྱེས་ཉམས་ཞིབ་པ་རྣམས་ཀྱིས་དམིགས་བསལ་བོད་ཕ་མེས་ཀྱི་རིག་གཞུང་ལ་ཕྱི་མིག་གཟིགས་རྒྱུ་ནི་ད་ལྟའི་གཉན་འཕྲང་གི་དུས་འདིར་གལ་ཆེའི་ནང་གི་གལ་ཆེན་ཡིན་པར་སོང་། ང་ཚོས་དམིགས་དོན་དེ་དག་ལ་བཟུང་སྟེ་དེང་ཆ་འཕྲིན་གྱི་དུས་རབས་དང་བསྟུན། རང་རེ་ཁ་བ་གངས་ཅན་པའི་ཕ་ནོར་གཡུང་དྲུང་བོན་གྱི་བྱུང་རབས་དང་ལུགས་སྲོལ། དེའི་ལྟ་སྒོམ་སྤྱོད་འབྲས་སོགས་མི་རབས་གསར་པའི་སེམས་ཁམས་དང་འགྲོག་སྟེ་གོ་བདེ་དྲིས་ལན་གྱི་ལམ་ནས་འབུལ་ཐབས་ཞུ་རྒྱུ་དམིགས་ཡུལ་གཙོ་བོ་དེ་ཡིན།

སྤྱིར་དེང་སང་བོད་ཡིག་གི་གོམ་ཁ་སྔར་ནས་རྡབ་འགྱུར་གྱིས་མགྱོགས་ཏེ་འཛམ་གླིང་ཁྱོན་ཡོངས་སུ་བོད་མིའི་འདུས་སྡོད་ཁག་ཏུ་བོད་ཡིག་གི་དུས་དེབ་དང་དྲ་གནས་སོགས་གང་མང་ཞིག་ཡོད་པ་དང་། ལྷག་དོན་བོན་པོའི་སྤྱི་ཚོགས་རང་ལ་མཚོན་ནའང་བོན་དེབ་དང་དམིགས་བསལ་བོན་པོ་ཁོ་ནའི་དྲ་ཚིགས་སོག་མང་པོ་ཞིག་མཇལ་ཡུལ་དུ་ཡོད་པ་ནི་དགའ་འོས་པའི་གནས་ཡིན། འོན་ཀྱང་དུས་ཀྱི་འགྱུར་འགྲོས་དང་འཕྲུལ་རིགས་ཀྱི་ལམ་སྒོ་ཡངས་དྲགས་ནས་གཞོན་སྐྱེས་ཚོའི་སེམས་ཁམས་སུ་དཔེ་དེབ་ཆེན་པོ་དང་རྩོམ་རིང་པོ་སོགས་བཀླག་རྒྱུར་ཉོབ་སྣང་ཡོང་གི་ཡོད་སྟབས། ང་ཚོས་ཀྱང་དེ་དང་བསྟུན་ནས་གོམ་པ་སྤོ་སྟངས་ཞིག་དགོས་པ་ནི་ཤེས་ཡོན་གྱི་སྣེ་མོར་སྡོད་བཞིན་པའི་འགན་འཁྲི་ཡང་ཡིན། དེ་ཕྱིར་འདིར་ད་ལན་(བོན་གྱི་དྲིས་ལན་དྲ་མཛོད)ཅེས་པ་འདི་ནི་གཙོ་བོར་གནའ་རབས་བོད་ཀྱི་ལོ་རྒྱུས་དང་རིག་གནས། ལྷག་དོན་བོན་དང་གཡུང་དྲུང་བོན་གྱི་སྐོར་མཁྱེན་འདོད་ཡོད་མཁན་གྱི་གཞོན་སྐྱེས་རྣམས་ལ་དམིགས་ཏེ། དྲི་བ་དྲིས་ལན་ཁོ་ནའི་དྲ་ཚིགས་ཞིག་ཡིན་པས་གཞོན་སྐྱེས་ཚོས་ངེས་སླ་བ་དང་། སོ་སོར་དོགས་འདྲི་དང་གང་མཁྱེན་འདོད་ཡོད་པ་རྣམས་ང་ཚོར་བཀའ་འདྲི་གནང་ཆོག་ལ། ང་ཚོས་ཀྱང་མཁས་དབང་བླ་སྤྲུལ་ཉམས་ཞིབ་པ་གོང་མ་རྣམ་པ་གདན་ཞུས་ཀྱིས་དྲིས་ལན་སྟབས་བདེ་རེ་འབུལ་ཐབས་ཞུ་རྒྱུ་དང་། དེ་བཞིན་གཞོན་སྐྱེས་ཚོས་ཀྱང་དེབ་རིགས་འདྲ་མིན་མང་པོ་ཞིག་ཀློག་མི་དགོས་པ་སོགས་སྒོ་གང་ནས་ཕན་ཐོག་ཕྲན་བུ་རེ་ཡོང་བའི་རེ་བ་ཡོད་ཞུ། །།

ཞེས་བོན་གྱི་དྲིས་ལན་དྲ་མཛོད་ཀྱི་རྩོམ་སྒྲིག་པས་ཕུལ།།

སེར་བྱེས་རིག་མཛོད་ཆེན་མོ་དང་བདག་གི་བསམ་ཚུལ།

 

རྩོམ་ཡོང་ཁུངས། བསོད་ནམས་དཔལ་ལྡན། tehorsonam.blogspot.com


ཆེས་གུས་པར་འོས་པའི་གྲོས་ཚོགས་འཐུས་མི་དང་ཕྱག་མཛོད་རྣམ་པ་དེ་བཞིན་རིག་མཛོད་རྩོམ་སྒྲིག་པ་ཚོས་གྲོས་གཞི་གསར་འདོན་དང་གྲོས་ཐག་ལེགས་བཅད། དེ་བཞིན་ངལ་བ་ཁྱད་གསོད་དང་རྒྱུ་དངོས་ཕོན་ཆེར་བཏང་གནང་གིས་སེར་བྱེས་རིག་མཛོད་ཆེན་མོའི་དྲ་ཚིགས་ལེགས་གྲུབ་ཀྱིས་ཤར་གཏོང་ཐུབ་པ་ནི་ཧ་ཅང་དགའ་འོས་པ་ཞིག་དང་འཚམས་འདྲིའི་ཁ་གཡང་རིང་མོ་ཅི་ནས་ཀྱང་གྱེར་དགོས་པའི་གནས་ཚུལ་ཞིག་ལགས།

ད་རེས་གུས་པས་དྲ་ཚིགས་ཁྱོན་ཡོངས་སུ་ཞིབ་ལྟ་བྱས་ལ་ཚན་པ་དགར་སྟངས་དང་རིགས་ཚན་དབྱེ་ཚུལ། ནང་དོན་འདུས་འཚབ། སྙིང་དོར་བཅུད་ལེན་བྱེད་པ་བཅས་ལ་དོ་སྣང་ལྷག་པར་བྱས་ཡོད།

སྤྱི་ན་དེ་རིང་ཁ་སང་བོད་ཡིག་གི་དྲ་ཚིགས་མང་ལ་རང་རང་ལ་ཐུན་མིན་གྱི་ཁྱད་ཆོས་འཛོམས་པའི་གཞུང་སྒེར་དྲ་ཚིགས་ཀྱང་ཉུང་ཉུང་མིན། དེས་སྟབས་ཀྱིས་དྲ་ཚིགས་མང་པོ་ཞིག་བསྐྱར་ཟློས་དང་ལད་ཟློས། རྣམ་པ་གཅིག་རྐྱང་ཅན་དུ་གྱུར་ཏེ་ཀློག་པ་པོ་ལ་དྲ་ཚིགས་མང་པོ་ཞིག་ལ་དྲ་ཉུལ་བྱེད་པའི་འདོད་བློ་མེད་པར་གྱུར་ཅིང་། རྒྱུན་དུ་ལྟ་ཀློག་དགོས་པའི་དྲ་ཚིགས་ལྔ་ཙམ་ལས་མེད་པར་གྱུར་ཡོད་ལ་ལྔ་པོ་དེར་བལྟས་ན་གཞན་ཐམས་ཅད་ལ་བལྟས་པ་དང་གཅིག་ཏུ་སོང་བ་འདྲ་ཞིག་ཆགས་ཡོད། དེར་བརྟེན་དྲ་ཚིགས་བཟོ་བའི་འཆར་འགོད་ནི་ཐུན་མིན་གྱི་ཁྱད་ཆོས་དང་གསར་སྤེལ་གྱི་ནུས་པ་དགོས་རྒྱུ་ནི་ཧ་ཅང་གལ་ཆེ་ལ། རྒྱུན་གནས་དང་དར་སྤེལ། འཕེལ་རྒྱས་དང་གནད་འདུས་ཡོད་དགོས་པའང་འདོར་ཐབས་མེད་པ་ཞིག་ཡིན།

གོང་གི་གནད་དོན་འདི་དག་གཞི་བཞག་ཐོག་ནས་གླེང་ན་སེར་བྱེས་རིག་མཛོད་ཆེན་མོ་ལ་འདོར་ལེན་བྱེད་དགོས་པའི་གནད་དོན་རེ་གཉིས་འདུག

དྲ་ཚིགས་འདིའི་ཁྱད་ཆོས་དམིགས་བསལ་བ་ནི་འཕྲུལ་དེབ་ཕབ་ལེན་དང་འཆད་ཁྲིད་ཉན་ཕབ་བྱེད་ཐུབ་པ་འདི་གཉིས་ཡིན་འདུག་པ་མཐོང་ལ། ད་དུང་གཅིག་འཇོག་དགོས་ན་རང་རེའི་གྲྭ་ཚང་གི་སྣོད་བཅུད་གཉིས་ཀ་ངོ་སྤྲོད་བྱེད་ཐབས་དེ་ཡིན་འདུག ཕྱོགས་གཅིག་ནས་འཕྲུལ་དེབ་ཕབ་ལེན་བྱ་སའི་དྲ་ཚིགས་ཡག་པོ་རེ་གཉིས་དེ་སྔ་ནས་ཡོད་ལ་དེ་དག་དང་མཚུངས་བསྡུར་བྱེད་ན་རིག་མཛོད་འདི་ཉིད་ཀྱིས་ཆེད་དུ་གཉེར་ས་དེ་ནི་གཞུང་ཆེན་དང་བཀའ་བསྟན་འཕྲུལ་དེབ་ཏུ་བསྒྲིགས་ནས་མཁོ་འདོན་བྱ་ས་ཞིག་གི་འཆར་གཞི་ཡོད་འདུག་བསམ་པ་ཞིག་གདའ། གང་ལྟར་ཡང་གཞན་ཞིག་གི་དྲ་ངོས་སུ་ཡོད་པའི་དེང་རྩོམ་ཟེར་བ་དེ་ཚོ་ནི་འཕྲུལ་དེབ་ཏུ་སྒྲིག་པ་ནི་ངལ་བ་དང་དུས་ཚོད་འགྲོ་བའི་རྒྱུ་ཙམ་ལས་དགོས་པ་དེ་ཙམ་མེད་ལ། དྲ་ཚིགས་ཀྱི་ཁ་དོག་ལའང་མི་མཛའ་བསམ། གདན་ས་ཆེན་པོ་ཞིག་གི་དྲ་ཚིགས་ཡིན་ན་དེ་མཚུངས་ཀྱི་ཁ་དོག་ཅིག་ཡོད་དགོས་ལ་<འདོད་པའི་བསྟན་བཅོས>དང་<བརྩེ་དུང་གི་མིག་ཆུ།> <ཆུ་ངོགས་གཏམ་རྒྱུད།>ལྟ་བུ་འཇིག་རྟེན་འཚོ་བ་སྙིང་དུ་བཟུང་བའི་དེབ་གཟུགས་དེ་དག་དྲ་ངོས་སུ་འཇོག་ན་འོས་འཚམ་ཞིག་གཏན་ནས་མིན་སྙམ་དང་། མདོར་ན་རང་རེའི་གྲྭ་ཚང་དང་རང་རེའི་ནང་བསྟན་ལ་འབྲེལ་གཏན་ནས་མེད་པའི་གནས་ཚུལ་དག་གསར་འབྲི་དང་བརྒྱུད་འགོད་གཏན་ནས་མ་གནང་རོགས། གདན་སའི་ཁ་དོག་གཙང་མ་ཞིག་གི་རྣམ་པ་གསལ་པོ་ཞིག་ཐོན་ཐབས་གནང་རོགས། མང་པོ་ཞིག་གིས་སྣ་འཛོམས་ཟེར་བཞིན་དགོས་མི་དགོས་དང་རང་རེ་གྲྭ་བཙུན་དག་ལ་འབྲེལ་མེད་པའམ་ནམ་ཡང་མི་རན་པའི་གནས་ཚུལ་འགོད་ཐབས་དང་རྒྱུ་ཆ་འཚོལ་སྒྲུབ་བྱས་ཏེ་ཡ་མ་གཟུགས་ཀྱི་རྣམ་འགྱུར་མཚར་པོ་རེ་སྟོན་བཞིན་པའང་ཆེས་མང་བས་ངས་ནི་འདི་དག་ལ་དོན་སྙིང་ཅི་ཡང་མི་འདུག་སྙམ།

འཆད་ཁྲིད་ཉན་ཕབ་བྱེད་ཐུབ་པའི་ཚན་པ་འདི་ནི་ཆེས་དམིགས་བསལ་གྱི་ཚན་པ་ཧ་ཅང་ཡག་པོ་བཟོས་འདུག་ལ་འདིས་སྤྱི་ཚོགས་སུ་ཕན་ཐོགས་མི་ཉུང་བ་ཞིག་སྐྲུན་ཐུབ་པའི་ཡིད་ཆེས་དང་རེ་བ་བྱེད་ཆོག་པ་འདུག

འོན་ཀྱང་གནད་དོན་ཞིག་ཡོད་པ་ནི་རང་རེའི་དཔེ་ཁྲིད་དགེ་རྒན་དག་གི་འཆད་ཁྲིད་རེ་གཉིས་ཙམ་མ་གཏོགས་རྒན་ཕྲུག་དག་གི་མོས་ཁམས་དང་བསྟུན་ནས་འཐད་ཀ་འཐད་ཀའི་ཚིག་དོན་གཞི་བཟུང་གིས་ཁྲིད་པ་ལས་མཁས་པའི་འཆད་ཁྲིད་བྱེད་ཐབས་གནང་མེད་སྟབས། ཆ་མི་ཚང་བ་དང་འཆད་ཐབས་མི་ལེགས་པ། བསྐྱར་ཟློས་མང་ཞིང་འཕྲོས་བཤད་རྒྱས་པ། གནད་མི་ཟིན་ཞིང་གཞུང་ཁོགས་ལེན་དཀའ་བ་སོགས་ཀྱི་སྐྱོན་ཆ་ཡོད། སྔ་ལོ་སྔ་ལོ་ཞིག་ཏུ་ཝཱ་ཎ་མཐོ་སློབ་གྱི་སློབ་ཕྲུག་ཚོས་རང་རེའི་འཆད་ཁྲིད་དག་ཉན་ཀྱི་ཡོད་ཚོད་འདུག་པས་ཁོ་ཚོས་གདན་སའི་འཆད་ཁྲིད་དག་ཆོ་མི་འདུག གདན་ས་ན་དཔེ་ཁྲིད་དགེ་རྒན་ཡག་པོ་མེད་འདུག་ཅེས་བཤད་འདུག་པ་ཐོས་རྒྱུ་འདུག འདིའི་མཚོན་ནས་འཆད་ཁྲིད་ཚད་ལྡན་མ་བྱས་པར་དེ་སྔ་བཞིན་འོད་སྡེར་ནང་བཅུག་པ་དང་དྲ་ངོས་སུ་བཞག་ན་བོད་ཕྱི་ནང་གི་སློབ་གཉེར་མང་པོ་ཞིག་གི་མིང་ནང་དུ་རང་རེའི་གདན་ས་དང་དཔེ་ཁྲིད་དགེ་རྒན་དག་གི་རིན་ཐང་ཇེ་ཆུང་དང་གླེང་རྙོག་སྐྱོ་པོ་རེ་བྱུང་ན་ཡག་པོ་མེད། དེར་བརྟེན། རྣམ་པ་ཚོས་འཆར་གཞི་གསར་འདོན་དང་བྱེད་ཐབས་གསར་པ་བཀོལ་ཏེ་འཆད་ཁྲིད་ཚད་ལྡན་ཞིག་ཏུ་འགྱུར་ཐབས་གནང་རྗེས་དྲ་ངོས་སུ་འཇོག་ན་སྤྱི་སྒེར་ཀུན་ལ་ཕན་ངེས་སྙམ།

དྲ་ཚིགས་པར་གཞི་ནི་ཅུང་གུ་དོག་པའི་རྣམ་པ་ཞིག་འདུག་ལ་ཁ་པར་ནང་དུ་གྲ་མཉམ་མིན་པ་དང་ཚིག་བཅད་བཏུབ་སོང་བ་སོགས་ཀྱི་སྐྱོན་ཆ་རེ་གཉིས་འདུག་པས་དེ་དག་རིམ་བཞིན་ལེགས་སྒྲིག་བྱེད་རྒྱུ་དང་། དྲ་ངོས་ཀྱི་པར་གཞི་ཡང་དུ་གཏོང་བ། ཁ་འབྱེད་རྒྱུ་སྟབས་བདེ་བྱེད་པ། དྲ་ཚིགས་ཅུང་སྐད་དུ་གྲགས་པ་དག་གི་ངོས་སུ་མཛའ་འབྲེལ་འཇོག་ཐབས་དང་། ངོ་དེབ་སོགས་སུ་བརྒྱུད་འགོད་ཀྱིས་དྲ་ཚིགས་ལྟ་ཀློག་དང་འཁོར་རྒྱུག་གི་ཁྱབ་ཁོངས་ཇེ་ཆེར་གཏོང་ཐབས། རང་རེའི་གྲྭ་མང་ཚོས་རྒྱུན་དུ་གྲྭ་ཚང་གི་བྱེད་སྒོ་དང་གསལ་བསྒྲགས། གྲྭ་ཚང་འབྲེལ་བའི་གསར་འགྱུར་རིགས་དགོས་མཁོ་བྱུང་དུས་དྲ་ཚིགས་འདི་ནས་རྙེད་ཐབས་ཡོང་བ་དང་། གྲྭ་མང་ཚོས་རྩོམ་ཡིག་གསར་དུ་སྤེལ་ས་ཚན་པ་གསར་པ་རེ་བཟོ་ཐུབ་པ་སོགས་ཐབས་ཇུས་རེ་གཉིས་ཁ་སྣོན་བྱེད་ཐུབ་ན་དགེ་མཚན་མི་ཉུང་བ་ཞིག་ཡོད། ལྷག་པར་དུ་དྲ་བའི་དོ་དམ་པ་གཏན་འཇག་ཅིག་ཡོད་ཐོག་བོད་ཀྱི་སྐད་ཡིག་ལ་མཁྱེན་རྒྱ་ལྡན་ཞིང་རྩོམ་རིག་ལ་མི་རྨོངས་པ་ཞིག་ངེས་པར་དགོས་གལ་ཆེའོ།།

མདང་ནུབ་དྲ་ཚིགས་ལ་བསྐྱར་བལྟ་ཞིག་བྱེད་དགོས་བསམ་བཞིན་དྲ་ཚིགས་ལ་འཇུག་མོད་གཏན་ནས་ཁ་འབྱེད་མ་ཐུབ། ད་ནང་ཡང་སྔ་བཞིན་རེད་འདུག་པས་གཞན་ལ་སྐད་ཆ་དྲིས་སྐབས་ཁོ་ཚོའི་ཁ་པར་ལས་ཀྱང་ཁ་འབྱེད་ཐུབ་ཀྱི་མི་འདུག་ཟེར། དྲ་བའི་ཤུགས་ཚད3Gཐོག་ནས་ཁ་འབྱེད་མ་ཐུབ་ན་ནི་དྲ་ཚིགས་ལྟ་ཀློག་ལ་ཚད་བཀག་ཆེ་པོར་ཐེབས་རྒྱུ་ཡིན་པ་ནི་བཤད་མི་དགོས་ལ། དེང་སྐབས་ཁ་པར་ལས་གློག་ཀླད་དང་དྲ་སྐུད་འཐེན་མཁན་རེ་གཉིས་ཙམ་ལས་མེད་པས་དྲ་ཚིགས་འདི་ལ་འཇུག་པའི་ཐབས་ལམ་ནི་ཧ་ཅང་མགོ་རྙོག་ཏུ་སོང་ཡོད། རིག་མཛོད་གྱི་དྲ་ངོས་ཀྱི་ཁ་འབྱེད་མགྱོག་ཚད་ Google Pege Speed ནས་ཚོད་ལྟ་བྱས་པའི་འབྲས་བུ་ཧང་སོང་དགོས་པ་བྱུང་སྟེ། གློག་ཀླད་ལས18/100%ཁ་པར་ལས22/100%ཙམ་ལས་ལོན་མི་འདུག འདི་ནི་དྲ་ཚིགས་ཤིག་གི་སྐྱོན་ཆ་ཆེ་ཤོས་དེ་ཡིན་ལ་ཟྭ་བཙན་པོ་རྒྱག་པའི་སྒོ་ཆེན་ཞིག་ནས་ནང་དུ་འགྲོ་རྒྱུ་ནི་ཆེས་དཀའ་བ་མ་ཡིན་ནམ།

ང་ཚོས་དྲ་ཚིགས་རེ་གཉིས་ཀྱི་ཁ་འབྱེད་མགྱོག་ཚད་ལ་ཐེངས་གཅིག་བལྟ། དུས་བབ། ཁ་པར།70/100% གློག་ཀླད།80/100% བོད་མིའི་སྒྲིག་འཛུགས། ཁ་པར།50/100% གློག་ཀླད།59/100% གློག་རྡུལ་འཕྲུལ་དེབ། ཁ་པར།51/100% གློག་ཀླད།65/100% ཨ་རི་རླུང་འཕྲིན། ཁ་པར།57/100% གློག་ཀླད།69/100 དྲ་ཚིགས་འདི་དག་ལ་བལྟས་ནས་སེར་བྱེས་རིག་མཛོད་ཁ་འབྱེད་དཀའ་བའམ་ཁ་པར་ནས་ཁ་འབྱེད་མི་ཐུབ་པའི་གནད་དོན་གསལ་པོ་ཆགས་ཡོད། ཁྱེད་ཚོས་ཞིབ་འཇུག་གིས་དྲ་ངོས་ཡང་དུ་གཏོང་དགོས།

ད་དུང་དྲ་ངོས་མཛའ་འབྲེལ་དུ་གྲྭ་ཚང་གི་འབྲེལ་ཡོད་དྲ་ཚིགས་དང་གྲྭ་མང་སྒེར་གྱི་དྲ་ཚིགས་དང་ཟིན་བྲིས་དག་འཇོག་ཐུབ་ན་ཕན་ཚུན་རོགས་རམ་དང་དྲ་ཚིགས་འདི་ཉིད་དུའང་འཇུག་མཁན་མང་དུ་འགྲོ་བའི་ཕན་པ་ཡོད། ཁྱེད་ཚོའི་དྲ་ངོས་མཛའ་འབྲེལ་ཐོག་ཏུ་<ཁ་བརྡ>སོགས་གཏམ་ཉོག་གླེང་རེས་བྱེད་སའི་དྲ་བ་རེ་གཉིས་འཇོག་པ་འདི་ཞིབ་ཏུ་བསམ་གཞིགས་བྱེད་དགོས། རིག་མཛོད་དང་འབྲེལ་ཆེ་བ་དག་འཇོག་ན་ཕན་ཚུན་ཁ་བསྐང་དང་ཀློག་པ་པོ་དག་ལ་ཕན་ཐོགས་སྐྲུན་ཐུབ་པའི་དགེ་མཚན་ཡོད་པར་སྙམ་ཞིང་གཙོ་བོ་ནི་ཁྱེད་ཚོའི་ལག་ཏུ་ཡོད་པས་གང་བདེ་ཅི་འགབ་ཐུགས་ལྷོད་མེད་པ་ཞུ།
༢༠༡༥-༨-༢༠

ཇུས་འགོད་ཟིན་པའི་དྲ་ཚིགས། chodungkarpo.com

 
དྲ་ཚིགས་འདི་ནི་ས་སྐྱའི་རྩོམ་རིག་ཚོགས་ཆུང་གི་དྲ་གནས་ཞིག་ཡིན་པ་དང། ད་བར་འདོན་སྤེལ་ཟིན་པའི་དུས་དེབ་དང་རྩོམ་ཡིག་རྣམས་འདི་བཀོད་རྒྱུ་ཡིན་འདུག
www.chodungkarpo.com 

སེར་བྱེས་རིག་མཛོད་ཆེན་མོ་དངོས་སུ་དབུ་འབྱེད་གནང་།

 

གནས་ཚུལ་ཡོང་ཁུངས། སེར་བྱེས་རིག་མཛོད་ཆེན་མོ།


དྲ་ཚིགས་ཀྱི་མིང་། བོན་གྱི་དྲིས་ལན་དྲ་མཛོད།
དྲ་གནས། www.serajeyrigzodchenmo.org

དེ་རིང་སྔ་དྲོར་སེར་བྱེས་གྲྭ་ཚང་གི་ཆོས་རའི་ནང་དུ་གནད་ཡོད་སྐྱ་སེར་གང་མང་ཞིག་འཛོམས་ཏེ་སེར་བྱེས་རིག་མཛོད་ཆེན་མོའི་དྲ་ཚིགས་དངོས་སུ་དབུ་འབྱེད་གནང་སོང་།

ཕྱི་ལོ་ ༢༠༡༥ ལོའི་ཟླ་ ༨ པའི་ཚེས་ ༡༩ ཉིན་གྱི་སྔ་དྲོའི་ཆུ་ཚོད་དགུ་པའི་སྟེང་། སྐུ་མགྲོན་གཙོ་བོ་སེ་ར་བྱེས་སྨད་གཉིས་ཀྱི་མཁན་རིན་པོ་ཆེའི་གཙོས། ཆོས་རིག་བཀའ་ཟུར་མཆོག་དང་། ཆོས་བརྒྱུད་ཁག་གི་མཁན་པོ་དང་སྐུ་ཚབ། ལུགས་བདེ་གཉིས་ཀྱི་གཞིས་འགོ་རྣམ་པ་གཉིས། འཕགས་བོད་མཛའ་འབྲེལ་ཚོགས་པའི་སྐུ་ཚབ་སོགས་འཐུས་མི་ལྔ་བཅུ་ལྷག་སེར་བྱེས་གྲྭ་ཚང་གི་ཆོས་རར་འཛོམས་ཏེ། སྐུ་མགྲོན་གཙོ་བོ་གཉིས་ཀྱིས་སྣང་གསལ་ཞལ་འབྱེད་དང་། སེར་བྱེས་གྲྭ་ཚང་གི་མཁན་རིན་པོ་ཆེས་གསུང་བཤད་བཀའ་སློབ་གྲུབ་རྗེས། སེར་བྱེས་རིག་མཛོད་ཆེན་མོའི་དྲ་ཚིགས་དངོས་སུ་དབུ་འབྱེད་གནང་ཞིང་། དྲ་ཚིགས་བཟོ་སྐྲུན་པ་རྒན་ཀརྨ་ལགས་ཀྱིས་དྲ་ཚིགས་ངོ་སྤྲོད་མདོར་བསྡུས་ཤིག་གནང་སོང་།

སེར་བྱེས་རིག་མཛོད་ཆེན་མོ་ནི། རང་རིགས་ཀྱི་སྐད་ཡིག་དང་རིག་གཞུང་སྲུང་སྐྱོབ། མི་ཉམས་གོང་འཕེལ། སྤྱི་ཚོགས་ཞབས་ཞུ་སོགས་ལ་དམིགས་ཤིང་། བརྡ་འཕྲིན་གྱི་དུས་རབས་འདིར་དུས་དང་བསྟུན་པའི་ཡར་རྒྱས་སོགས་གལ་ཆེ་བར་མཐོང་སྟེ། སེར་བྱེས་གྲྭ་ཚང་གིས་སེར་བྱེས་རིག་མཛོད་ཆེན་མོའི་རྩོམ་སྒྲིག་ཁང་གསར་འཛུགས་གནང་བ་ལྟར། རྩོམ་སྒྲིག་ཁང་གིས་ཀྱང་ལོ་གཅིག་ལྷག་གི་རིང་ལ་རྒྱུ་ཆ་འཚོལ་སྡུད་ཀྱིས་གསར་བཟོ་བྱས་ཤིང་། གསུང་རབ་དཔེ་ཚོགས་དང་། ཚན་རིག །རིག་གནས། སྣ་མང་དཔྱད་བརྗོད་དང་སྒྱུ་རྩལ་རྩོམ་རིག་གི་བརྩམས་ཆོས་སོགས་གྱི་འཕྲུལ་དེབ། དཔེ་ཁྲིད་སོགས་ཀྱི་སྒྲ་མཛོད། རྒྱལ་བའི་མཛད་རྣམ་སོགས་ཀྱི་གློག་བརྙན་དང་འཕྲིན་གསར་སོགས་ལས་གྲུབ་པའི་སྣ་འཛོམས་རང་བཞིན་ཅན་གྱི་དྲ་ཚིགས་ཤིག་ཡིན།

ཨ་རིས་རྒྱ་ནག་ལ་འཁོན་ལན་སློག་རྒྱུ་རེད། 



 

རྩོམ་ཡིག་ཁུངས། འབྲོག་མྱིའི་ཟིན་བྲིས།


རྒྱ་ནག་གཞུང་དམག་གཉིས་ཀས་ཚད་བཀག་མེད་པར་གཞི་རྒྱ་ཆེན་པོས་ཨ་རིའི་གཞུང་སྒེར་གཉིས་ཀའི་དྲྭ་རྒྱར་འཇབ་རྒོལ་བྱས་པར་ཨ་མེ་རི་ཀས་འཁོན་ལན་སློག་རྒྱུར་བློ་ཐག་བཅད་འདུག

དེ་ཡང་ཨ་རིའི་སྙན་གྲགས་ཆེ་བའི༼ ནིའུ་ཡོག་དུས་བབ༽ ཀྱིས་སྤེལ་བའི་གནས་ཚུལ་ལ་གཞིགས་ན། རྒྱ་ནག་གཞུང་དམག་གཉིས་ཀས་ཚད་བཀག་མེད་པར་གཞི་རྒྱ་ཆེན་པོས་ཨ་རིའི་གཞུང་དང་། དམག་ཁུལ། བདེ་སྲུང་ལས་རིགས། ཁེ་གཉེར་ཚོང་ལས། མི་སྒེར་སོགས་ཀྱི་དྲྭ་རྒྱར་གང་བྱུང་འཇབ་རྒོལ་བྱེས་ཏེ་གསང་བ་ཡིན་མིན་གཉིས་ཀ་བསྟུད་མར་རྐུ་འཁྱེར་བྱས་པར་བརྟེན། ཨོ་བྷ་མ་གཞུང་གིས་དགོས་ངེས་ཅན་གྱིས་འཁོན་ལན་སློག་རྒྱུ་རེད། ཡིན་ན་ཡང་། འཁོན་ལན་སློག་ཤུགས་ཆེ་ཆུང་དང་གཞི་རྒྱར་བཏང་འཛིན་བྱེད་ཕྱོགས་ཐད་གཅིག་གྱུར་གྱི་ཚད་གཞི་ཞིག་ད་དུང་གཏན་འབེབ་བྱས་མེད་པ་དང་། ཨ་རི་གཞུང་གིས་རྒྱ་ནག་གཞུང་དམག་གཉིས་ཀས་མུ་མཐུད་ནས་དྲྭ་རྒྱར་འཇབ་རྒོལ་བྱེད་རྒྱུའི་ལས་གཞི་མཚམས་གཅོད་རྒྱུའི་དམིགས་ཡུལ་དེ་འགྲུབ་ཐུབ་པ་ཞིག་དང་། ཡང་དེ་དང་ཆབས་ཅིག་དྲྭ་རྒྱའི་འགལ་ཟླ་ཇེ་ཆེར་མི་འགྲོ་བ་ཞིག་སྟེ་རྟ་ལ་འཇམ་པ་དང་སྒ་ལ་བཟོ་བའི་གཅིག་བསྒྲུབས་གཉིས་ཕན་གྱི་ཐབས་ལམ་ཞིག་འཚོལ་གྲུབ་བྱེད་ཀྱིན་པ་འདྲ།

གནས་ཚུལ་ལྟར་ན། ཨོ་བྷ་མ་གཞུང་གིས་གསང་བའི་ཚོགས་འདུ་རབ་དང་རིམ་པ་བསྐོངས་ནས་ཕྲ་ཞིང་ཞིབ་པའི་ཞིབ་འཇུག་དང་ལྷུག་པོར་བརྗོད་པའི་བགྲོ་གླེང་བརྒྱུད། མཐར་ཐུན་མོང་གི་ལྟ་ཚུལ་ཞིག་བྱུང་བ་ནི། རྒྱ་ནག་གཞུང་དམག་གཉིས་ཀས་བརྩམས་པའི་དྲྭ་རྒྱར་འཇབ་རྒོལ་གྱི་ལས་གཞི་དེ་གཞི་རྒྱ་ཆེ་ཞིང་ནུས་ཤུགས་ཆེ་བས། སྲོལ་རྒྱུན་གྱི་གསང་མྱུལ་ལ་རྒོལ་བའི་ཐབས་ལམ་གྱིས་ཁ་གཏད་མི་ཆོག་པ་དེ་རེད།

འོན་ཀྱང་། ཚོགས་ཞུགས་དཔོན་རིགས་ཚོས་འཁོན་ལན་སློག་པའི་དམ་ལྷོད་ཚད་གཞི་དེ་ག་འདྲ་ཞིག་འཛིན་དགོས་མིན་མི་ཤེས་ཤིང་། གལ་ཏེ་ཕྱི་འབྲེལ་ངོ་རྒོལ་ཙམ་གླེང་བ་དང་ཡང་ན་ཨ་རི་ན་ཡོད་པའི་རྒྱ་ནག་གི་གསང་མྱུལ་བ་འགའ་ཕྱིར་ཕུད་བཏང་ཚེ། དེ་ནི་མཚོད་བྱེད་ཀྱི་རྣམ་པ་ཙམ་ཡིན་པས་དོན་ངོ་མའི་དོན་སྙིང་ཆེར་མི་ལྡན། ཡང་གལ་ཏེ་ཁ་ཡོད་ལག་ཡོད་ཀྱི་ཐབས་ལམ་ལ་བརྟེན་ཚེ། ཡང་དེའི་སྟབས་ཀྱིས་ཨ་རི་དང་རྒྱ་ནག་བར་དྲྭ་རྒྱའི་འགལ་ཟླའི་རིམ་པ་ཇེ་མཐོར་འགྲོ་སྲིད་པར་དཔོན་རིགས་སྐོར་ཞིག་ལ་བློ་འཚབ་ཡོད་པ་རེད།

བགྲོ་གླེང་གནས་ཚུལ་ལ་རྒྱུས་མངའ་ཆེ་བའི་འབྲེལ་ཡོད་དཔོན་རིགས་གཉིས་ཀྱིས། གསར་གཏོད་རིང་བཞིན་དང་ལྡན་པའི་འཁོན་ལན་སློག་པའི་ཐབས་ལམ་ཞིག་ནི། བློ་ཐབས་གང་དྲག་ཅི་དྲག་བཀོལ་ནས་རྒྱ་ནག་གཞུང་གི་བསམ་བློ་ཐ་དད་པའི་སྐད་ངག་འགོག་བྱད་འགོག་སྲུང་རྩིག་གྱང་ཟེར་བ་གཏོར་རྒྱུ་དེ་རེད།  གལ་སྲིད་རྒྱ་ནག་གཞུང་དམག་གཉིས་ཀས་ད་དུང་ཡང་ཨ་རིའི་དྲྭ་རྒྱར་འཇབ་རྒོལ་གྱི་ལས་འཆར་རིགས་མཚམས་མི་འཇོག་ན། ཁོང་ཚོའི་རྒྱ་ནག་ནང་ཁུལ་གྱི་ཆབ་སྲིད་སྨྲ་བརྗོད་ཐད་ཀྱི་བལྟོས་མེད་ཀྱི་བཏང་འཛིན་དེ་གཏོར་ནུས་པ་དང་གཏོར་ཡང་ཐུབ་པ་རྒྱ་གཞུང་ལ་ཤེས་པར་འཇུག་རྒྱུ་དེ་ཡིན་ཟེར།

ཉེ་ལམ་ཨ་རིའི་མི་དོན་དོ་དམ་ཁང་གི་དྲྭ་རྒྱར་འཇབ་རྒོལ་ཐེབས་ནས་ལས་བྱེད་པ་བྱེ་བ་གཉིས་ལྷག་གི་ཡིག་ཆ་རྐུན་ལ་ཤོར་བ་རེད། ཡིན་ན་ཡང་། ཨོ་བྷ་མ་གཞུང་གིས་འཇབ་རྒོལ་རྐུན་མ་རྒྱ་ནག་ཡིན་པ་ཤེས་བཞིན་དུ་མིང་བཏོན་མེད།

ཨ་རིའི་གསང་བའི་ལས་བྱེད་སི་ནོ་ཌེན་གྱིས་ཨ་རིའི་གསང་བ་མོད་པོ་ཞིག་ཕྱིར་བཏོན་པའི་རྗེས་སུ། རྒྱ་ནག་གཞུང་དང་དམག་གིས་ཨ་རིའི་དྲྭ་རྒྱར་འཇབ་རྒོལ་གྱི་བྱ་འགུལ་ཇེ་མང་དུ་སོང་བའི་མ་ཚད། གསང་བ་མང་པོ་ཞིག་རྐུ་ཡང་ཐུབ་ཡོད་པར་གཞིགས་ན། སི་ཁོ་ཌེན་ཨུ་རུ་སུར་རྩིས་མ་སྤྲད་གོང་ཧོང་ཀོང་དུ་ཟླ་འགར་བསྡད་པའི་རིང་། རྒྱ་ནག་གིས་སི་ནོ་ཌེན་གྱི་ལག་ནས་ཨ་རིའི་གསང་བ་དག་ལོན་ཡོད་པར་ཡིད་ཆེས་བྱས་ཆོག

ཨ་རི་ལ་མཚོན་ན་ལག་རྩལ་གྱི་ཆ་ནས་ཨ་རི་ལ་དོ་ཡ་ཞིག་ད་དུང་མེད་མོད། ཀུན་སྤྱོད་ཀྱི་ཆ་ནས་བཤད་ན། གསང་མྱུལ་གྱི་ལས་ཡིན་ཡང་དེ་ལ་མ་མཐའི་ཚད་ཐིག་ཅིག་ཡོད་པས། དཔེར་ན་ཚོང་ལས་གསང་བ་། མི་སྒེར་གྱི་གསང་བ་སོགས་བླངས་མི་ཆོག་ལ། དེ་མིན་དྲྭ་རྒྱའི་གསང་བའི་ལས་དོན་ཐད་ཁྲིམས་ལུགས་ཤིག་གཏན་འབེབ་བྱས་མེད་སྟབས། ད་བར་དུ་རང་སྲུང་ལས་ཕར་རྒོལ་གྱི་ལས་ལ་ཞུགས་མེད། ཡིན་ན་ཡང་། འདས་པའི་ལོ་ཤས་སུ་རྒྱ་ནག་གི་བྱེད་སྟངས་ཀྱིས་ཨ་རི་ཡང་ཐབས་ཟད་ཨུ་ཐུག་ནས་རྒྱ་ནག་ལ་མདོག་ཅིག་སྟོན་དགོས་པར་ཐུག་པ་རེད། རྒྱ་ནག་ལ་མཚོན་ན་སྐྲག་ས་འཇིགས་ས། སྲུང་དགོས་པ་སོགས་ཅི་ཡང་མེད་པར་རྐུ་ཐུབ་ཐུབ་ཚང་མ་བླངས་ཆོག་ཆོག་བྱས་དང་བྱེད་ཀྱིན་ཡོད། དེ་ནི་ཁྲིམས་ཀྱིས་སྐྱོང་བའི་རྒྱལ་ཁབ་དང་མིས་སྐྱོང་བའི་རྒྱལ་ཁབ་ཀྱི་ཁྱད་པར་ཡིན།

གུ་གུལ་གསོག་སྡེར་ནང་ཡོད་པའི་ mp3 དྲ་ཚིགས་སུ་སྤེལ་ཐབས།

 

གུ་གུལ་གསོག་སྡེར་ [google Drive] སྟེང་ Microsoft Word དང་ Excel ,PowerPoint རིགས་དང་འདྲ་བའི་སྟབས་བདེའི་ཡིག་ཆ་བཟོ་སྒྲིག་བྱེད་རྒྱུའི་མཐུན་རྐྱེན་ཡོད་པ་མ་ཟད། དྲ་ཐོག་གི་ཞབས་ཞུ་དེའི་སྟེང་ཁྱེད་ཀྱི་ཡིག་ཆ་ཅི་རིགས་གསོག་ཉར་བྱེད་སའི་ 15GB ཅན་གྱི་ས་ཆ་སྟོང་པ་ཞིག་ཡོད། Gmail གློག་འཕྲིན་ཁ་བྱང་ཡོད་མཁན་སུས་ཀྱང་ཞབས་ཞུ་དེ་སྤྱོད་མཆོག་པ་ཞིག་ཡིན།

ཉིན་ཤས་རིང་ངས་ཚོད་ལྟ་འདྲ་མིན་བྱས་པའི་རྒྱུད། GoogleDrive ནང་བཞག་པའི་ mp3 ཅན་གྱི་ཡིག་ཆ་ཞིག་དྲ་ཚིགས་ངོས་སུ་གཏོང་ཐུབ་པ་བཟོ་ཤེས་བྱུང། དེའི་རྗེས་ Google Drive རྒྱུད་གཞས་སྡེབས་(playlist) ཆ་ཚང་གཅིག་རང་རང་གི་དྲ་ཚིགས་ཀྱི་ངོས་སུ་ཇི་ལྟར་འཇོག་ཐུབ་ཐབས་སྐོར་ཤེས་པ་བྱ་རྒྱུ་དེ་རེད་འདུག སྤྱིར་བཏང་ mp3 ཡིག་ཆ་འཇོག་སའི་ཞབས་ཞུ་སྤུས་དག་དེ་འདྲ་དྲ་ཐོག་ཏུ་ཡོད་ཀྱང་། དེ་དག་ལ་རིན་མེད་(Free)དང་རིན་སྤྲོད་(Premium)ཟེར་བའི་སྡེ་ཚན་གཉིས་སུ་འཇོག་ཡོད། རིན་མེད་ཀྱི་ཞབས་ཞུ་དེ་དག་ལ་ཚད་བཀག་འདྲ་མིན་ཡོད། རིན་སྤྲོད་ཀྱི་ཞབས་ཞུ་དེ་དག་ལ་མཐུན་རྐྱེན་འཛོམ་པོ་ཡོད་ཀྱང་ཟླ་རེ་དང་ལོ་རེ་བྱས་ནས་ཞབས་ཞུའི་རིན་པ་མི་ཉུང་བ་ཞིག་སྤྲོད་དགོས་ཀྱི་ཡོད།

ངའི་དམིགས་ཡུལ་ནི། གུ་གུལ་གསོག་སྡེར་ལ་ 15GB གི་ས་ཆ་སྟོང་པ་ནི་ཧ་ཅང་ཆེན་པོ་རེད། དེའི་ནང་ mp3 གྱི་ཡིག་ཆ་མང་པོ་འཇོག་ཐུབ་པ་དང་། གཞས་སྡེབས་དང་སྒྲ་བཅུག་རྣམས་གསོག་ཉར་བྱེད་ས་ཡག་པོ་ཡོད་པ་མ་ཟད། སོ་སོའི་དྲ་ཚིགས་ནང་གཞས་དང་སྒྲ་བཅུག་རིགས་བདེ་བླགས་ངང་སྤེལ་ཐུབ་པ་བྱེད་རྒྱུ་དེ་ཡིན། གཤམ་དེར་དཔེ་མཚོན་དུ་གཞས་གཅིག་དྲ་ཚིགས་སུ་འཇོག་ཐུབ་པ་དེ་རེད། བཟོ་ལུགས་བཟོ་སྟངས་རྗེས་མའི་རྩོམ་ཡིག་ཞིག་ནང་བཀོད་ཀྱི་ཡིན།



གཞས་ཚིག

མཇལ་བས་མིག་གི་བདུད་རྩི།
རྩ་བའི་བླ་མའི་ཞལ་རས།
བླ་མའི་ཞལ་རས་མཇལ་བས།
སྔོན་བསགས་བསོད་ནམས་བཟང་བྱུང།
ཐོས་བས་རྣ་བའི་བདུད་རྩི།
རྩ་བའི་བླ་མའི་གསུང་དབྱངས།
བླ་མའི་གསུང་དབྱངས་ཐོས་པས།
ལས་དང་སྨོན་ལམ་བཟང་བྱུང།
ཨ་ལ་རེ། ཡ་ལ། ཡ་ལ། ཡ་ལ་རེ།
བླ་མའི་གསུང་དབྱངས་ཐོས་པས།
ལས་དང་སྨོན་ལམ་བཟང་བྱུང་་་་བྱུང་ཡ་ལ་རེ།
དྲན་ནས་ཡིད་ཀྱི་བདུད་རྩི།
རྩ་བའི་བླ་མའི་ཐུགས་མཆོག
བླ་མས་རྗེས་སུ་འཛིན་པའི།
གསོལ་བ་སྙིང་ནས་བཏབ་ཡོད།
བླ་མའི་སྐུ་ཚེ་བརྟན་པའི།
མཆོག་གསུམ་དད་འདུན་སྨོན་ལམ།
ཁྱེད་ཀྱི་བཀའ་དྲིན་རྗེས་དྲན།
བོད་མི་ང་ཚོས་ཞུས་མཆོག
ཨ་ལ་རེ། ཡ་ལ། ཡ་ལ། ཡ་ལ་རེ།
ཁྱེད་ཀྱི་བཀའ་དྲིན་རྗེས་དྲན།
བོད་མི་ང་ཚོས་ཞུས་མཆོག་་་་་མཆོག་ཡ་ལ་རེ།

གསེར་ལྡན་མིང་མཛོད་[GoldenDict]སྒྲིག་འཇུག་བྱེད་སྟངས།

 

མཉེན་ཆས་ངོ་སྤྲོད་མདོར་བསྡུས།

གསེར་ལྡན་མིང་མཛོད་[GoldendDict]ཅེས་པ་འདི་ནི་ཕྱི་ལོ་ ༢༠༡༢ ཟླ་ ༡༠ ཡས་མས་སུ་བོད་བརྙན་དྲ་བས་སྒྲུབ་པའི་ལས་འཆར་ཞིག་ཡིན། གསེར་ལྡན་མིང་མཛོད་ཀྱི་མཉེན་ཆས་དེ་སྐད་ཡིག་འདྲ་མིང་གི་ཚིག་མཛོད་སྤྱོད་ཐུབ་པ་མ་ཟད་མིག་སྔར་བོད་ཀྱི་རིག་གནས་དང་ལོ་རྒྱུས་ཀུན་འདུས་ཀྱི་ཚིག་མཛོད་ཆེ་ཤོས་《དུང་དཀར་ཚིག་མཛོད་ཆེན་མོ》ཆ་ཚང་གཞི་བྱས། ཚིག་མཛོད་གཞན་དག་ཀྱང་བོད་འགྱུར་མིང་མཛོད་འདིར་བཅུག་ཡོད། བོད་བརྙན་དྲ་བས་ཟེར་དོན་རྗེས་ཕྱོགས་བོད་ཡིག་དང་བོད་རྒྱ་དབྱིན་གསུམ་གྱི་ཚིག་མཛོད་དམ་མིང་མཛོད། གནས་ཡིག་སོགས་གསེར་ལྡན་མིང་མཛོད་འདིའི་རྒྱུ་ཆར་རུང་བ་གང་ཞིག་ལ་Wordཡིག་ཆ་ཅན་ཡོད་ན། ཁོང་རྣམ་པར་སྐུར་དང་མིང་མཛོད་འདིར་གསར་སྣོན་གྱིས་སྤྱི་ཚོགས་སྟེང་རིན་མེད་དུ་འགྲེམ་སྤེལ་ཞུ་རྒྱུ་ཡིན་ཟེར་བཀོད་ཡོད།

བེད་སྤྱོད་ཁྱབ་ཁོངས།

མིང་མཛོད་འདི་རྩིས་འཁོར་དུ་སྤྱད་ཆོག་པ་མ་ཟད། ཨན་དྲོར་མ་ལག་Androidཅན་གྱི་ཁ་པར་དང་། ཀུ་ཤུ་ཁ་པར་དང་སྙོམས་ངོས་རྩིས་འཁོར་iPadསོགས་སུའང་སྤྱད་ཆོག་པ་བཟོས་ཡོད། གཤམ་འདིར་བརྙན་ཟློས་ནང་སྐར་ཁུང་རྒྱུད་ཁུངས་མ་ལག་གཞི་བྱས་ཏེ་གསེར་ལྡན་མིང་མཛོད་དེ་སྒྲིག་འཇུག་བྱེད་སྟངས་གསལ་པོ་སྟོན་ཡོད། གལ་ཏེ་ཨན་ཌོ་དང་ཀུ་ཤུ་ཁ་པར་སོགས་ཀྱི་ནང་གསེར་ལྡན་མིང་མཛོད་དེ་བཅུག་འདོད་ན། ཐོག་མར་གསེར་ལྡན་མིང་མཛོད་[GoldendDict]ཀྱི་ཨེཔ་སི་ [app] དེ་ Playstore འམ་ AppStore ནས་ཕབ་ལེན་སྒྲིག་འཇུག་བྱེད་དགོས། དེ་རྗེས་ཚིག་མཛོད་ཀྱི་ཡིག་ཆ་རྣམས་མཉེན་ཆས་དེ་གའི་ /content/ ཟེར་བའི་ཡིག་ཁུག་ནང་བཅུག་དགོས། content ནང་ངོས་ཡོད་པའི་ཚིག་མཛོད་དེ་དག་སྐར་ཁུང་གི་མཉེན་ཆས་ནང་ཡོད་པའི་/content/ཚིག་མཛོད་དེ་རང་རེད། སྒྲིག་འཇུག་བྱེད་སྟངས་གཤམ་གྱི་བརྙན་ཟློས་ལྟར་བྱེད་ན་འགྲིག

མཉེན་ཆས་སྒྲིག་འཇུག་བྱེད་སྟངས།


མཉེན་ཆས་ཕབ་ལེན།

ཡིག་ཆ་ཆེ་ཆུང། 41mb
GoldenDict-Tibetan-BO.zip