TED གཏམ་བཤད་ལ་ལྟ་བ།

 

རྩོམ་ཡིག་ཡོང་ཁུངས། བོད་མཉེན།


TEDགཏམ་བཤད་ལ་ལྟ་བའམ་ཉན་པ་ནི་ང་ཚོའི་མི་ཚེ་གང་བོར་སློབ་སྦྱོང་བྱེད་པ་མཚུངས། དེའི་ནང་གི་སྣ་མང་གི་བརྗོད་གཞི་དང་། མཁས་དབང་གང་མང་གི་གསུངས་ཀྱི་བདུད་བརྩི་དང་ཁོང་ཚོའི་མི་ཚེའི་ཉམས་མྱོང་། མི་ཚེའི་བསླབ་བྱ་སོགས་ལས་ང་ཚོས་སྔོན་ཆད་མི་ཤེས་པའི་ཤེས་བྱ་མང་དག་ཅིག་སློབ་ཐུབ་པར་གདོན་མི་ཟ།

ཐོག་མར་ང་ཚོ་ TED གཞུང་ཕྱོགས་ཀྱི་དྲ་བར་འཛུལ་ཏེ་བལྟ་ཆོག TED ཡི་གཞུང་ཕྱོགས་ཀྱི་དྲ་ཚིགས་ནི ted.com

གལ་སྲིད་ཁྱེད་ལ་སྟེགས་འཇོག་གམ། པང་འཛིན་ནམ། ཡང་ན་པང་ལེབ་རྩིས་འཁོར་སོགས་ལས་གང་རུང་ཞིག་ཡོད་པའམ། ཡང་ན་རིག་ལྡན་ཁ་པར་གང་རུང་ཞིག་ཡོད་ན་ TED ཡི་གཞུང་ཕྱོགས་ཀྱི་དྲ་བར་འཛུལ་ཏེ་ TED གཏམ་མཤད་ལ་བལྟ་ཆོག
རྒྱལ་དབང་ཀརྨ་པ་མཆོག་གིས་ TED ནང་དུ་གསུངས་བཤད་གནངས་པ།

ཁ་པར་ནང་མཉེན་ཆས་ (app) བཅུགས་ནས་གཟིགས་ཐབས།

དེ་བཞིན་ང་ཚོའི་པང་ལེབ་རྩིས་འཁོར་དང་རིག་ལྡན་ཁ་པར་ནང་དུ་ TED ཡི་མཉེན་ཆས་ཕབ་ལེན་བྱེད་ཆོག་སྟེ། དེ་ལྟར་བྱས་ན་ང་ཚོའི་རང་རང་དགའ་སའི་གཏམ་བཤད་ཕབ་ལེན་དང་བལྟ་ཉན་བྱེད་རྒྱུར་ཧ་ཅང་སྟབས་བདེ་པོ་ཡོད། TED དྲ་གནས་འདིའི་ཐོག་འཛམ་གླིང་ཐོག་གི་སྐད་རིགས་ཡོད་དོ་ཅོག་ལ་རྒྱབ་སྐྱོར་བྱེད་ཅིང་། གཏམ་བཤད་མི་ཉུང་བ་ཞིག་གི་འོག་ཏུ་གཤམ་ཡིག་འཆར་རྒྱུའང་ཡོང། TED ནང་དུ་བོད་ཡིག་གི་བརྙན་ཡིག་ཅན་གྱི་གཏམ་བཤད་ལ་བལྟ་ན་གཤམ་ལྟར་འདེམས་ན་བོད་ཡིག་གི་བརྙན་ཡིག་ཅན་གྱི་གཏམ་བཤད་དག་རྙེད་ཐུབ།

མཉེན་ཆས་གཤམ་གྱི་ Discover > Language > Tibetan ཐོག་གནོན་དགོས།

དེ་ལྟར་བྱེད་ན། བོད་ཡིག་ཡོད་པའི་ TED གཏམ་བཤད་རྣམས་འཆར་ཐུབ།

གལ་སྲིད་ཁྱེད་རང་རང་གི་སྐད་ཡིག་ལས་གཞན་པའི་སྐད་རིགས་སློབ་མཁན་ཞིག་ཡིན་ན་ཁྱེད་ཀྱིས་ཀྱང་TEDབརྒྱུད་དེ་སྐད་རིགས་གཞན་པ་སློབ་ཐུབ།

TED གཏམ་བཤད། བསམ་བློའི་མཐུ་ཡིས་འཇིག་རྟེན་བསྒྱུར།

 

ཡོང་ཁུངས། བོད་མཉེན།

TEDངོ་སྤྲོད། 

TED [ Technology, Entertainment, Design ཚན་རྩལ། སྤྲོ་སྐྱིད། ཇུས་འགོད། ]

TEDནི་༼Technologyཏེ། ཚན་རྩལ་དང་། Entertainmentཏེ། སྤྲོ་སྐྱིད། Designསྟེ། ཇུས་འགོད་བཅས་ཀྱི་དབྱིན་ཡིག་གི་སྐུང་ཡིག་དོན་ཡིན།༽དེ་ནི་ཨ་རིའི་ཁེ་ཕན་མི་གཉེར་བའི་སྒེར་གྱི་ལས་ཁུངས་ཤིག་ཡིན་ལ། རྩ་འཛུགས་འདི་གའིTEDཚོགས་ཆེན་ལས་ཁུངས་ཀྱི་མིང་དུ་ཐོགས་པ་རེད། འདུ་ཚོགས་འདིའི་དགོངས་དོན་ནི་བསམ་བློའི་མཐུ་ཡིས་འཇིག་རྟེན་བསྒྱུར་བྱ་བ་དེ་ག་ཡིན། TEDནི1984ལོར་ཚུགས། འཛུགས་མཁན(Richard Saul Wurman)ཡིན། 2002ལོ་ནས་བཟུང་། Chris AndersonགྱིསTEDགྱི་གཙོ་འགན་བཞེས་ཏེ། མྱུ་གུ་ཐེབས་རྩ་ཚོགས་པ་The Sapling Foundationབཙུགས་པ་མ་ཟད། TEDཚོགས་ཆེན་ཡང་བསྐོངས། ལོ་རེའི་ཟླ3པར། TEDཚོགས་ཆེན་གྱིས་ཨ་རི་ནས་ཚན་རིག་དང་ལག་རྩལ། རྩོམ་རིག རོལ་དབྱངས་སོགས་ཀྱི་ཁྱབ་ཁོངས་ཀྱི་སྐྱེས་ཆེན་གང་མང་ཞིག་གདན་ཞུ་བགྱིས་ཏེ། ཁོང་ཚོའི་ལག་རྩལ་དང་སྤྱི་ཚོགས། མིའི་བསམ་གཞིགས་དང་འཚོལ་ཞིབ་སྐོར་གྱི་ལྟ་དགོངས་ཚན་ཁ་མ་ཉམས་དག་ཀུན་གྱི་བདུད་རྩིར་འཇོ་བར་བྱེད། TEDགཏམ་བཤད་ཀྱི་ཁྱད་ཆོས་ནི། ལྟ་བ་དམིགས་སུ་ཐོན་པ། ཁ་རི་ཐུག་གིས་བརྗོད་བྱར་འཇུག་པ། རྣམ་གྲངས་མང་བ། དགོངས་ཚུལ་གསར་པ་ཡིན་པ་བཅས་སོ། །

ལོ་རྒྱུས།

TEDནི1984ལོར་Richard Saul Wurmanགྱིས་གསར་དུ་བཙུགས། 1990ལོ་ནས་བཟུང་ཨ་རིའི་ཁ་ལེ་ཧྥོར་ཉི་ཡའི་གྲོང་ཁྱེར་མོན་ཐི་རེར་ལོ་རེར་ཐེངས་རེ་བསྡུས་ཤིང་། དེང་སང་འཛམ་གླིང་གི་གྲོང་ཁྱེར་གཞན་ནས་ཀྱང་ལོ་ཕྱེད་ལ་ཐེངས་རེ་སྤེལ་བཞིན་ཡོད། ཁོ་ཅག་གིས་འཛམ་བུའི་གླིང་གི་བསམ་བློའི་དེད་དཔོན་དང་ཕྱག་ལེན་ལ་མཁས་པ་དག་གདན་དྲངས་ཏེ་ཁོང་ཅག་གི་བྱ་གཞག་སྐོར་གསུང་དུ་འཇུག་གི་ཡོད། TEDསྟེ། ཚན་རྩལ་དང་། སྤྲོ་སྐྱིད། ཇུས་འགོད་བཅས་ཐ་སྙད་གསུམ་གྱི་མིང་མགོས་གྲུབ་ཅིང་། རྒྱ་ཆེ་བའི་ཁྱབ་ཁོངས་འདི་གསུམ་གྱིས་འུ་ཅག་གི་མ་འོངས་པ་བསྐྲུན་ཅིང་སྐྲུན་བཞིན་ཡོད།

 དོན་དངོས་ཐོག་ནས་འདུ་ཚོགས་འདིར་གླེང་བྱའི་ཁྱབ་ཁོངས་ཀྱང་རྒྱ་ཇེ་ཆེ་སྟེ་འདིའི་ཁོངས་སུ་ཕལ་ཆེར་ལྟ་བ་མ་འདུས་པ་མེད་ལ། ཚོགས་ཞུགས་གཟིགས་མཁན་ཡང་ཁེ་ལས་ཀྱིCEOདང་། ཚན་རིག་པ། གསར་གཏོད་པ། དགེ་ལས་པ་སོགས་ཏེ་གཏམ་བཤད་པ་དག་དང་ཨ་མཉམ་ཆ་མཉམ་ལྟ་བུ་ཡོད། ཁུ་ལིན་ཐོན། (Clinton) པེལ་ཀེ་ཚི། (Bill Gates) ཨིན་ཇིའི་སྲོག་ཆགས་རིག་པ་བ་ཇན་གྷོ་ཌོལ (Jane Goodall) ཨ་རིའི་བཟོ་སྐྲུན་འཆར་འགོད་མཁན་པོ(FrankOwenGehry)། གཞས་པ་ཕོལ་སེ་མོན(Paul Simon)། ཝིར་རྗིན་ཚོང་རྟགས་གསར་འཛུགས་མཁན་རི་ཆར་ཌི་བྷི་རན་སོན(Richard Branson)སོགས་དེ་སྔོན་གདན་ཞུའི་སྐུ་མགྲོན་དུ་ཕེབས་མྱོང་།

TEDཡི་གཏམ་བཤད་དམ་འཆད་ཁྲིད་ཆེད་ལས་ཡིན་པ། གཏམ་ཉོག་མེད་པ། ལྟ་བ་གསལ་པ། རྣམ་གྲངས་མང་བ། ལྟ་དགོངས་གསར་པ་བཅས་ཡིན་པའི་མི་ཚད། TEDགཏམ་བཤད་རེའི་དུས་ཚོད་ཀྱང་སྤྱིར་བཏང་བྱས་ན་སྐར་མ18ལས་མི་མང་ངོ་། ། སྐབས་རེར་ཁྱེད་ཀྱིས་གོ་དཀའ་བ་འབྱུང་ནའང་། བསམ་བློའི་བརྗེ་རེས་དང་གཙུབ་བརྡར་ལས་ངེས་པར་སྲིད་པ་ནི། ideas Worth Spreadingསྟེ། བསམ་བློའི་མཐུ་ཡིས་འཇིག་རྟེན་བསྒྱུར་ཅེས་པ་དེའོ། །

2006ལོ་ནས་བཟུང་། TEDགཏམ་བཤད་ཀྱི་བརྙན་ཟློས་དག་དྲ་ཐོག་ཏུ་འཇོག་མགོ་བརྩམས་ཤིང་། 2010ལོའི་ཟླ4པར། TEDགཞུང་ཕྱོགས་དྲ་བར་བསྡུས་པའིTEDགཏམ་བཤད་བརྙན་ཟློས་ཀྱི་གྲངས650ལ་སླེབས།

TEDངོ་སྤྲོད་དང་བོད་འགྱུར་ལས་གཞི།

ད་རེས་སློབ་སྐབས་འདིར་བོད་བརྙན་གྱི་ལས་གཞི་དག་ལས་ཆེ་ཤོས་གཅིག་ནི“TEDབོད་འགྱུར་ལས་གཞི”འདི་ཉིད་ཡིན་ཏེ། TEDམུ་འབྲེལ་གྱི་གཏམ་བཤད་ཀྱི་དགེ་མཚན་ཕལ་ཆེར་གོང་གི་ངོ་སྤྲོད་དུ་བཤད་ཟིན་པ་ལྟར་ཡིན་ལ། འདི་བོད་འགྱུར་བྱེད་པའི་རྒྱུ་མཚན་གཙོ་བོ་གཅིག་ནི་རང་རེའི་བོད་སྐད་སྨྲ་བ་རྣམས་དང་འཛམ་གླིང་གི་ཆེད་མཁས་རྣམས་འཕྲད་སའི་སྟེགས་བུ་ཞིག་འདོན་སྤྲོད་བྱ་ཆེད་དང་། འཛམ་གླིང་མཁས་པ་རྣམས་ཀྱི་བློ་གྲོས་ཀྱི་ཉིང་ཁུ་འོ་སྐོལ་ཚོས་ཀྱང་དུས་ཐོག་ཏུ་མྱོང་ཐུབ་པའི་ཕྱིར་དུ་ཡིན། གཉིས་པ་ནི། དེ་སྔོན་ངེད་ཅག་གིས་གློག་བརྙན་བརྙན་ཡིག་ཇི་སྙེད་ཅིག་བསྒྱུར་ཡང་བརྙན་ཟློས་ཀྱི་བོངས་ཚད་ཆེ་དྲགས་པས་ཡར་དྲ་བར་བཞག་ནས་ཀུན་གྱི་གཟིགས་མོར་འགྲེམ་དཀའ་བས། བོངས་ཆུང་ལ་ཀུན་གྱི་བློ་སྒོ་འབྱེད་ཐུབ་པ། དྲ་བར་འཇོག་སླ་བའི་བརྙན་ཟློས་ཤིག་འཇོག་ཐུབ་ན་ཅི་མ་རུང་སྙམ་ནས་ཚོགས་མི་དག་གིས་གྲོས་བྱས་མཐར། TEDབོད་འགྱུར་བྱ་རྒྱུར་འཆམ་སྟེ་ཐག་གིས་བཅད་པ་ཡིན།

དེ་སྔོན་དྲ་བ་ལསTEDབོད་འགྱུར་ལས་གཞི་ཞེས་བརྩམས་ཆོས་གཅིག་བསྒྱུར་པ་མཐོང་ནའང་། ཕལ་ཆེར་མི་ཚེགས་ལས་ཚེགས་ཀྱིས་མ་ལྕོགས་པར་བསྐྱུར་བཞག་པ་འདྲ། དེ་བས་ཁོ་བོ་ཅག་གིས་བོད་འགྱུར་ལས་གཞི་འདི་རང་རེའི་ད་ལྟའི་སྤྱི་ཚོགས་དང་ཁོར་ཡུག་ལ་མཁོ་ཆེ་བར་མཐོང་ནས། ལས་གཞིར་ཚན་ཁག་ཆེད་བཙུགས་ཀྱིས་བསྒྱུར་མགོ་བརྩམས་པ་ཡིན་ལ། TEDལས་གཏམ་བཤད་ཧྲག་འདེམས་བྱས་ཐོག ལས་མི་རེས་གཟའ་འཁོར་གཉིས་རེར་བརྩམས་ཆོས་གཅིག་རེ་བསྒྱུར་རྒྱུ་བྱས་ཡོད།
ལས་གཞིའི་འགན་འཛིན་པ། ཟླ་བ་དགྲ་འདུལ། ཀུན་སྐྱིད།
ལས་གཞིའི་མི་སྣ་དགུ
ལས་གཞི་འདིར་འཇུག་འདོད་ན། འདི་རུ་ཡི་གེ་བྲིས་ཆོག http://www.bosubtitle.com/reading/20121014177.html

Jabong དྲ་ཚིགས་ནས་ iphone དང་ ipad སོགས་སྐྱེས་རྔན་ཐོབ་སྲིད་པ།

 

Jabong.com ནི་གྱོན་གོས་དང་ཅ་དངོས་ཅི་རིགས་དྲ་ཐོག་ནས་ཉོ་སའི་དྲ་ཚུགས་ཤིག་ཡིན་པ་དང། རྒྱ་གར་རྒྱལ་ཡོངས་སུ་འགྲོ་མགྱོགས་ཆེན་པོ་ཡོད། ཉེ་ཆར་ Jabong གི་ལས་འཚབ་འགོ་འཛིན་ནམ་ intern CEO སྐུ་ཞབས་ Nils Chrestin ལགས་ཀྱིས་ད་ལྟའི་ཡོང་རྒྱུ་ཡིན་པའི་རྒྱ་གར་ལོ་གསར་དྷི་ཝ་ལི་ (Diwali) དུས་ཆེན་ལ་དམིགས་སུ་བཀར་དེ་ Jabong དྲ་གནས་ནས་ཅ་དངོས་ཉོས་མཁན་ལ་ iphone དང་ ipad, DLSR པར་རྒྱག་འཕྲུལ་འཁོར་, ཅ་དངོས་ཕྱེད་བཅག་དང། ཅ་དངོས་རིན་མེད་དུ་ཐོབ་ཐུབ་པའི་གོ་སྐབས་ཡོད་པའི་ཁྱབ་བསྒྲགས་འདུག །དེ་མ་ཟད་རླུང་རྟ་ཅན་གྱི་སྐུ་མགྲོན་འགར་གཟའ་ཚང་མཉམ་དུ་ཡུལ་སྐོར་སྤྲོ་འཆམ་དུ་ཁྲིད་རྒྱུའི་ཊི་ཀ་ཊི་ (ticket) ཡང་ཐོབ་རྒྱུ་འདུག

ཚོང་ཟོག་ལ་ཆགས་ཡང་དང་སྐྱེས་རྔན་ཐོབ་པའི་དུས་ཡུན་ནི་ཕྱི་ལོ་ 2015 ཟླ་ 10 ཚེས་ 27 ནས་ཕྱི་ལོ་ 2010 ཟླ་ 11 ཚེས་ 8 བར་དུ་ཡིན་འདུག་པས་སོ་སོར་རླུང་རྟ་ཡོད་མེད་གཅིག་གཟིགས་མི་འདོད་དམ།

Youtube TV

 
དེང་དྲ་རྒྱ་དང་གཟུགས་མཐོང་གློག་འཕྲིན་(TV) གཉིས་འབྲེལ་མཐུད་བྱས་ནས་དྲ་ཐོག་གི་གློག་བརྙན་རྣམས་ཅི་འདོད་བཞིན་བལྟ་རྒྱུ་ཡོད་པ་ཆགས་ཡོད་པ་དང་བསྟུན་གློག་བརྙན་གྱི་དྲ་ཚིགས་སྐད་གྲགས་ཆེ་ཤོས་ཏེ་ Youtube དེ་གཟུགས་མཐོང་གློག་འཕྲིན་གྱི་འཆར་ངོས་ལ་གཞིག་ཏེ་དྲ་ཚིགས་ཀྱི་རྣམ་པ་མི་འདྲ་ཞིག་བཟོས་ཡོད།

གློག་ཀླད་སྤྱོད་མཁན་ཚོས་ཀྱང་ youtube TV གི་རྣམ་པ་དེ་ཚོད་ལྟ་ཞིག་བྱེད་འདོད་ན། དྲ་གནས་ཁ་བྱང་ www.youtube.com/tv དེ་བསྐྱོན་དགོས།

ཐོག་མར་ཁ་བྱང་དེ་བཀོད་པའི་སྐབས་ youtube TV གི་མཐུན་རྐྱེན་དེ་ Activate བྱེད་བཅུག་ངེས། ལམ་སྟོན་ལྟར་བྱེད་ན། གོང་གི་དཔེ་མཚོན་ལྟར་ཡུ་ཊུབ་བལྟ་ཉན་བྱེད་སའི་བཀོད་པ་གསར་པ་དེ་སྣང་ངེས།

HTC One A9

 

རྩོམ་ཡིག་ཡོང་ཁུངས། བོད་མཉེན།


HTCཡི་ལག་ཐོག་ཁ་པར་གསར་བ། 
HTC One A9ནི་དགོས་རྒུའི་ཁ་པར་དག་མ་ཡིན་པའི་ཨན་ཌོ་མ་ལག་གསར་ཤོས་༦་༠སྐྱོད་པའི་ཁ་པར་ཐོག་མ་རེད།


ཇུས་འགོད་དང་ཕྱི་ལྟོས། 
ཇུས་འགོད་ཀྱི་ཕྱོགས་ནས་HTC One A9ནི་iPhone 6 དང་ཅུང་འདྲ་ན་ཡང་གོང་དུ་གསལ་བ་བཞིན་དེ་གཉིས་ཞིབ་སྡུར་བྱས་ན་ཁ་ཁ་སོ་སོ་རེད།


HTC One A9དེ་ཨན་ཌོ་ཁ་པར་གཞན་དང་མི་འདྲ་བར་མཐེབ་གནོན་གཅིག་ལས་མེད་པ་དང། དེ་ཉིས་རྡེབ་བྱས་ན་མཛུབ་ཐེལ་གྱི་བྱེད་ནུས་ཀྱང་ཡོད་དོ།།


HTC One A9ནི་དགོས་རྒུའི་Nexusཁ་པར་གསར་བ་དག་ཕུད་མིག་སྔར་དགོས་རྒུའི་ཨན་ཌོ་མ་ལག་པར་གཞི་ཆེས་གསར་བ་སྟེ། ཨན་ཌོ་༦་༠སྐྱོད་པའི་ཁ་པར་དེ་རེད།


བྱེད་ནུས་གསར་བ། 
HTC One A9ཐོག་ལ་བྱེད་ནུས་གསར་བ་Android Doze སྟེ། གློག་རྫས་ཀྱི་ཚེ་ཚད་ཇེ་རིང་བསྲིངས་ཐུབ་པ་ཞིག་དང་། Android Payདང་། Now On Topསོགས་འགའ་ཞིག་ཡོད་འདུག དེ་དག་གི་གནས་ཚུལ་ཞིབ་ཕྲ་འདི་ལ་གཟིགས།

བོད་ཡིག་རྒྱབ་སྐྱོར་ཐོབ་པའི་ Android 6.0 Marshellow

 

གུ་གུལ་ཚང་གིས་ཨན་ཌོའི་མ་ལག་ཨང་ 6.0 མིང་ལ་མཱར་ཞི་མཱེ་ལོ་ (Marshmellow) ཟེར་བ་དེ་འདི་ལོའི་ཕྱི་ཟླ་ 9 ཚེས་ 29 ཉིན་འགྲེམས་བསྒྲགས་དང་འབྲེལ་གུ་གུལ་ཚང་རང་ཉིད་ཀྱིས་བཟོས་པའི་ལག་ཐོག་ཁ་པར་ Nexus 5X དང་ Nexus 6P གཉིས་ཡང་འགྲེམས་ཚོང་བྱེད་སྒོ་བཙུགས་ཡོད།

ཨན་ཌོའི་ཐོན་རིམ་གསར་པ་དེའི་ནང་དམིགས་བསལ་ཁྱད་ཆོས་གསར་པ་མང་པོ་ཁ་སྣོན་བྱས་ཡོད། དཔེར་ན།
  • App Permission (མཉེན་ཆས་དབང་ཚད་འདེམས་ག )
  • Web experience (དྲ་ཚིགས་མྱུལ་བདེ། )
  • Fingerprint support ( མཛུབ་བཤེར། )
  • Mobile payments ( ཁ་པར་རྒྱུད་རིན་སྤྲོད། )
  • App links ( ཡིག་ཆ་དང་མཉེན་ཆས་ངོ་འཕྲོད། )
  • Power and charging ( གློག་མེ་གྲོན་ཆུང་། )
  • Improved cut, copy and paste ( བྲེག་སྦྱོར་བདེ་རུ་སོང་བ། )
  • Auto app data backup ( ཁ་པར་གྱི་མཉེན་ཆས་དང་ཡིག་ཆ་འདྲ་བཤུས། ) སོགས་དེ་དང་དེ་མིན་དམིགས་བསལ་ཁྱད་ཆོས་མང་པོ་སྣོན་བྱས་ཡོད།
འདིར་ངས་ཆད་འདོད་པའི་གཏམ་བཟང་ལེགས་ཤོས་ནི། ཨན་ཌོའི་མ་ལག་གསར་པ་དེས་བོད་ཡིག་ལ་རྒྱབ་སྐྱོར་ཡོངས་སུ་ཐོབ་ཡོད་པའི་སྐོར་ཡིན། གལ་ཏེ་ཁྱེད་ཀྱི་ཁ་པར་དེ་ཨན་ཌོའི་མ་ལག་རྙིང་པའི་ཐོག་ཡོད་ན། ཨན་ཌོའི་མ་ལག་ཨང་ 6.0 ཐོག་རིམ་སྤར་ (update) ཞིག་གནང་དང། ད་ནས་བཟུང་དྲ་ཚིགས་དང་ཁ་པར་གྱི་མཉེན་ཆས་ཚང་མའི་ནང་བོད་ཡིག་དཀའ་ཚིགས་གང་ཡང་མེད་པར་ཤར་ཐུབ་པས་སོ། འདིར་དམིགས་བསལ་བོད་ཡིག་ཡིག་གཟུགས་བླུགས་མི་དགོས་ལ། རུ་ཊིང་(Rooting) སོགས་མགོ་རྙོག་གི་ལས་རིགས་གང་ལ་ཡང་སྣང་འཇོག་བྱེད་མི་དགོས་པ་ཆགས་ཟིན།

ཨན་ཌོའི་མ་ལག་དྲུག་པ་དེ་གུ་གུལ་གྱིས་བཟོས་པའི་ Nexus ཁ་པར་དང་གློག་ཆས་ཚང་མར་ཕབ་ལེན་དུ་འཇོག་ཡོད། དེར་བརྟེན་སོ་སོའི་ཁ་པར་ལས་ Settings > About Phone > System update > check for the update ཐོག་གནོན་ཏེ་ཕབ་ལེན་སྒྲིག་འཇུག་བྱེད་དགོས། སྒྲིག་འཇུག་ཟིན་པ་དང་བོད་ཡིག་དྲ་ཚིགས་དང་། སྐད་འཕྲིན་སོགས་ལ་གཟིགས་ན་བོད་ཡིག་དཀའ་ངལ་མེད་པར་འཆར་ངེས་རེད།

Nexus ཁ་པར་མ་ཡིན་པའི་ Samsung དང་ HTC, Motorola, Huawei, LG, Sony Xperia, Gionee བཅས་ལ་བཟོ་གྲའི་ཀམ་པ་ཎི་སོ་སོས་ཨན་ཌོའི་ཐོན་རིམ་དྲུག་པ་དེ་འགྲེམས་སྤེལ་རིང་མིན་བྱེད་ངེས་ཡིན། ཨན་ཌོའི་མ་ལག་དྲུག་པའི་ཐོག་རིམ་སྤར་ག་དུས་ཡོང་མིན་གསར་འགྱུར་གཞན་ཁག་ནས་བརྩད་འཚོལ་བྱས་ནས་གཤམ་འདིར་བཀོད་ཡོད།

ཨན་ཌོ་ v6.0 : Motorola

མོ་ཊོ་རོ་ལཱ་ཁ་པར་ནི་ཨན་ཌོའི་མ་ལག་གསར་བརྗེ་མྱུར་ཤོས་བྱེད་མཁན་ཞིག་ཡིན་པ་དང་། ཉེ་ཆར་གསར་དུ་ཐོན་པའི་ཁ་པར་དང་ཨན་ཌོའི་ཁ་པར་རྙིང་པར་རྣམས་ལ་ Marshmellow སྒྲིག་འཇུག་ཕབ་ལེན་ཡོད།
  • 2015 Moto X Pure Edition (third-gen)
  • 2015 Moto X Style (third-gen)
  • 2015 Moto X Play
  • 2015 Moto G (third-gen)
  • 2014 Moto X Pure Edition in the US (second-gen)
  • 2014 Moto X in Latin America, Europe and Asia (second-gen)
  • 2014 Moto G and Moto G with 4G LTE2 (second-gen)
  • 2014 Moto Maxx
  • 2014 Moto Turbo

ཨན་ཌོ་ v.6.0 : HTC

HTC ཚང་གིས་འདི་ལོའི་སྤྱི་ཟླ་ 10 ཚེས་ 20 ཉིན་ཨན་ཌོ་ v6 ཅན་གྱི་ཁ་པར་གསར་པ་ཞིག་འགྲེམས་སྤེལ་བྱེད་འཆར་ཡོད་པ་དང་། HTC ཡིན་པའི་ཁ་པར་གཞན་རྣམས་ལ་འདི་ལོའི་ལོ་འཇུག་ཏུ་ཨན་ཌོ་ v6 ཕབ་ལེན་གྱི་མཐུན་རྐྱེན་སྦྱོར་རྒྱུའི་གནས་ཚུལ་འདུག
  • HTC One M9+
  • HTC One E9+
  • HTC One M8
  • HTC One E9
  • HTC One ME
  • HTC One E8
  • HTC One M8 Eye
  • HTC Butterfly 3
  • HTC Desire 826
  • HTC Desire 820
  • HTC Desire 816

ཨན་ཌོ་ v.6.0 : LG

LG ཁ་པར་གྱིས་ཨན་ཌའི་ཐོན་རིམ་དྲུག་པ་དེ་དང་འབྲེལ་བའི་གསར་འཕྲིན་གསལ་པོ་གང་ཡང་སྤེལ་མེད་ཀྱང་། ཉེ་ཆར་བཟོས་པའི་ LG G3 དང་ LG G4 གི་ཁ་པར་ནང་ཨན་ཌོ་ v6 དེ་བཅུག་ཡོད་པ་མཐོང་སྐབས་ LG ཀམ་པ་ཎི་ཡང་ཨན་ཌོ་ཐོན་རིམ་གསར་ཤོས་དེའི་ཐོག་གོམ་པ་སྤོ་རྒྱུ་ཡིན་པ་གསལ་པོ་རྟོགས་ཐུབ།

ཨན་ཌོ་ v.6.0 : Samsung

བོད་པའི་སྤྱི་ཚོགས་ནང་ཁ་པར་མང་ཤོས་ཁྱེར་མཁན་ནི་ Samsung ཁ་པར་ཡིན་པ་དང། Samsung ཁ་པར་ཡོད་མཁན་ཚོས་ཀྱང་གཏམ་བཟང་དེར་དོ་སྣང་བྱེད་ངེས་ཡིན། Samsung ཀམ་པ་ཎི་ངོས་ནས་ཨན་ཌོའི་ཐོན་རིམ་གསར་པའི་ཐོག་ལས་གཞི་འགོ་བཙུགས་ཟིན་པ་དང་། རིང་མིན་ཕབ་ལེན་དུ་འཇོག་ངེས་ཡིན་པ་གསལ་ཡོད། YouMobile ཟེར་བའི་དྲ་གནས་ཞིག་གི་ནང་གཤམ་གྱི་ཁ་པར་དེ་དག་ལ་སྔོན་ཚུད་ནས་ཨན་ཌོ་མ་ལག་དྲུག་པ་དེ་ཕབ་ལེན་དུ་རག་རྒྱུ་གསལ་བཀོད་བྱས་འདུག
  • Samsung Galaxy Note 5
  • Samsung Galaxy S6 edge+
  • Samsung Galaxy S6
  • Samsung Galaxy S6 Duos
  • Samsung Galaxy S6 edge
  • Samsung Galaxy Note 4
  • Samsung Galaxy Note 4 Duos
  • Samsung Galaxy Note Edge
  • Samsung Galaxy Alpha
  • Samsung Galaxy Tab A

ཨན་ཌོ་ v.6.0 : Sony Xperia

Sony ཀམ་པ་ཎི་གིས་གཤམ་གྱི་ཁ་པར་དེ་དག་ལ་ཨན་ཌོ་ v6 པའི་ཕབ་ལེན་མགྱོགས་པོ་སྤེལ་ངེས་ཡིན་ཟེར་ཡང་དམིགས་གསལ་དུས་ཚོད་གཏན་འཁེལ་བྱས་མེད། འོན་ཀྱང་འདི་ལོའི་མཇུག་སྔོན་དུ་རག་ཐུབ་པའི་རེ་བ་ཡོད།
  • Xperia Z5,
  • Xperia Z5 Compact
  • Xperia Z5 Premium
  • Xperia Z4 Tablet
  • Xperia Z3+
  • Xperia Z3
  • Xperia Z3 Compact
  • Xperia Z3 Tablet Compact
  • Xperia Z2
  • Xperia Z2 Tablet
  • Xperia M5
  • Xperia C5 Ultra
  • Xperia M4 Aqua
  • Xperia C4

ཨན་ཌོ་ v.6.0 : Gionee


Gionee ཀམ་པ་ཎི་གིས་ཨན་ཌོ་ v6 དེ་རྗེས་ལོ་ 2016 གི་ཟླ་བ་གསུམ་པའི་ནང་ཕབ་ལེན་དུ་འཇོག་རྒྱུ་ཡིན་འདུག

འདི་ལོའི་ཕྱི་ཟླ་ 9 ནང་བཟོས་པའི་ཁ་པར་གསར་པ་ Elife E8 འགྲེམས་སྟོན་གསལ་བསྒྲགས་སྐབས་ Gionee འགོ་འཛིན་སྐུ་ཞབས་ William Lu གིས་ད་ནས་གསར་དུ་བཟོས་པའི་ཁ་པར་ཚང་མའི་ནང་ཨན་ཌོ་ v6 རང་སྒྲིག་ཡོད་པ་དང་། སྔར་ཚོང་འགྲེམས་ཟིན་པའི་ཁ་པར་གཞན་རྣམས་ལ་ཡང་ཨན་ཌོ་ v6 ཕབ་ལེན་གྱི་ལས་གཞི་གང་མྱུལ་སྤེལ་གྱི་ཡིན་གསུངས་ཡོད།

Gionee ཁ་པར་ཡོད་མཁན་ཚོས་རང་ཉིད་ཀྱི་ཁ་པར་ནང་བོད་ཡིག་ཡོང་ཆེད་རྗེས་ལོའི་ཕྱི་ཟླ་གསུམ་པ་བར་བསྒུག་མི་དགོས་པར། ཕྱི་ཟླ་ 8 ཚེས་ 5 ལ་སྤེལ་བའི་ཨན་ཌོ་ v4.4.2 དེ་རང་ཉིད་ཀྱི་ཁ་པར་ནང་གསར་བརྗེ་གནང་ཐུབ་ན། དེའི་ནང་བོད་ཡིག་ཡིག་གཟུགས་ཀྱི་འདེམས་ག་ཡོད། བོད་ཡིག་འདེམས་ག་འདི་སྒྲིག་པ་དང་། དྲ་ཚིགས་དང་གཉེན་ཆས་ཚང་མའི་ནང་བོད་ཡིག་བཀོད་སྤྱོད་ཐུབ་པ་ཆགས་ཀྱི་འདུག །དེར་བརྟེན་ཨན་ཌོ་མ་ལག་དྲུག་པ་མ་རག་པའི་སྔོན་ཨན་ཌོ་མ་ལག་ཨང་ v4.4.2 ཐོག་རིམ་སྤར་གནང་ནའང་འགྲིགས་ཀྱི་འདུག །དེའི་བྱེད་ལུགས་བྱེད་སྟངས་ངས་རྗེས་པའི་རྩོམ་ཡིག་ནང་བཀོད་ཆོག

ཨན་ཌོ་ v.6.0 : Micromax

ཨན་ཌོ་ v.6 དེ་ Micromax Canvas A1 ལ་ཕབ་ལེན་དུ་ཡོད་འདུག Micromax གི་ཁ་པར་གཞན་དེ་དག་ལ་ཨན་ཌོ་གསར་པ་ལོན་རྒྱུ་ཡོད་མེད་ཁ་གསལ་ཞིག་མིག་འདུག །གལ་ཏེ་ཁྱེད་ལ་ Micromax ཁ་པར་ཡོད་ན་ Settings > About Phone > System update > check for the update ནང་ལ་ཚོད་ལྟ་ཞིག་གནང་དང་།

ཇུས་འགོད་ཟིན་པའི་དྲ་ཚིགས་གསར་པ།

 

དྲ་ཚིགས་ཁ་བྱང་། www.picturewonder.com
དྲ་ཚིགས་རིགས། འདྲ་དཔར་འགྲེམས་སྟོན།
བཟོ་ཚེས། ཕྱི་ལོ་ 2015 ཟླ་ 10 ཚེས་ 5 ཉིན།

དྲ་ཚིགས་འདི་ནི་འདྲ་དཔར་འགྲེམས་སྟོན་དང་། འདྲ་དཔར་དང་འབྲེལ་བའི་བགྲོ་གླེང་བྱེད་སའི་ས་ཚུགས་ཞིག་ཡིན། དཔར་རྣམས་ནང་གསེས་སྡེ་ཚན་མང་པོར་དབྱེ་ཡོད་པ་དང་། དྲ་མང་གི་བློ་འདོད་ལྟར་བལྟ་བ་དང་ཕབ་ལེན་བྱེད་རྒྱུ་ཡོད། བགྲོ་གླེང་ངམ་མཆན་སྤེལ་ས་འདི་ནི་ DISQUS ཞེས་པའི་མཉེན་ཆས་དེ་སྤྱད་ཡོད་པས་དྲ་གྲོགས་ཚོས་རང་རང་གི་གུ་གུལ་ཁ་བྱང་དང་། ངོ་དེབ་ཁ་བྱང་སོགས་ཅི་རིགས་བཀོད་དེ་མཆན་འདེབས་ཆོག

དྲ་ཚིགས་འདིའི་ནང་ཡོད་པའི་ད་ལྟའི་དཔར་དེ་དག་ནི་གུས་པས་ཚོད་ལྟའི་ཐོག་བཞག་པ་ཞིག་ཡིན། ཉིན་ཤས་རྗེས་དྲ་ཚིགས་བདག་པོས་འགན་ལེན་བྱས་རྗེས་འདྲ་པར་སྣ་འཛོམས་ཁྱེད་རྣམ་པའི་སྤྱན་ལམ་དུ་བཤམ་ངེས་ལགས།