Posts

Showing posts from April, 2016

Wordpress བོད་བསྒྱུར་ལས་གཞི།

Image
བོད་ཕྱི་ནང་གཉིས་སུ་བོད་ཡིག་དྲ་ཚིགས་བཟོ་ཆེད་ཀྱི་རྒྱབ་སྒྲོམ་(plateform)བེད་སྤྱོད་ཆེ་ཤོས་སུ་འགྱུར་བ་ནི་ཝོརཌི་ཕིརེསི་ (wordpress) ཡིན་པ་དང། ད་བར་ཝོརཌི་ཕིརེསི་སྤྱད་དེ་བཟོས་པའི་དྲ་ཚིགས་ནི་གྲངས་ལས་འདས། འདིར་ཝོརཌི་ཕིརེསི་བོད་བསྒྱུར་གྱི་ལས་གཞི་ནི་གནས་ཚུལ་གསར་པ་ཞིག་མ་ཡིན་ཀྱང་ལས་གཞི་འདིའི་ཐོག་ནུས་ཤུགས་མ་བྱུང་བར་ལོ་ནས་ལོ་ལྷག་ལུས་སུ་སོང་འདུག་པས་འདིར་ནན་བཤད་གཅིག་བྱེད་འདོད་བྱུང་ལ། ལས་གཞི་འདིར་གལ་ཆེ་བཙིགས་ཆེར་འཛིན་མཁན་རྣམ་པས་ཀྱང་སེམས་ཤུགས་དང་གདུང་ཞེན་རྣམས་ལག་བསྟར་ཐུབ་ཆེད་གུས་པས་དཔེ་སྟོན་ཞིག་བྱེད་ཁུལ་ལགས།

དྲ་ཐོག་ནས་བོད་པའི་གསར་འགོད་པ་དང་ལས་འགུལ་བར་འཇབ་རྒོལ། [སྒྲ་ལྡན།]

Image
བོད་པའི་གསར་འགོད་པ་དང་འགྲོ་བ་མིའི་ཐོབ་ཐང་གི་ལས་འགུལ་བའི་དྲ་རྒྱར་དྲ་འབུ་བཏང་ནས་གསང་བའི་ཐོག་གནས་ཚུལ་རྐུ་འཁྱེར་བྱེད་བཞིན་པ་བརྗོད་འདུག Your browser does not support the audio element.
ཉེ་སྔོན་མིང་གང་ཡིན་མི་གསལ་བའི་མི་ཚོགས་ཁག་ཅིག་གིས་དྲ་རྒྱ་བརྒྱུད་བོད་པའི་གསར་འགོད་པ་གཙོ་བོར་འགྱུར་པའི་ཧོང་ཀོང་དང་ཐེ་ཝན་ནང་ལ་འགྲོ་བ་མིའི་ཐོབ་ཐང་གི་གནད་དོན་ཐོག་ཕྱག་ལས་གནང་མཁན་རྣམས་ཀྱི་གློག་ཀླད་ནང་དྲ་འབུ་བཏང་ནས་གས666ང་བའི་ཐོག་གནས་ཚུལ་རྐུ་འཁྱེར་བྱས་པ་མ་ཟད། ཆེས་ཉེན་འཚབ་ཆེ་བའི་དྲ་འབུ་དེའི་བརྒྱུད་སྤྱི་ཚོགས་ཀྱི་འབྲེལ་ལམ་གཙོ་གྲས་དྲ་རྒྱ་དང་གློག་འཕྲིན་ཁག་ལ་གནོད་འཚེ་ཤུགས་ཆེ་བཟོ་བཞིན་ཡོད་པ་བརྗོད་འདུག

ལག་ཐོག་ཁ་པར་ནང་དྲ་རྒྱའི་བེད་སྤྱོད་ཚད་གཞི་ཚོད་འཛིན་བྱེད་ཐབས།

Image
དྲ་རྒྱའི་མཐུན་རྐྱེན་ཇི་བཟང་དུ་འགྱུར་བའི་ད་ལྟའི་དུས་སྐབས་སུ་ང་ཚོ་ཚང་མས་ལག་ཐོག་ཁ་པར་གྱི་བརྡ་རྟགས་ (Mobile Data) སྤྱད་ནས་དྲ་ཐོག་ཏུ་ལས་ལྷ་པོར་བཞུགས་ཐུབ་ཀྱི་ཡོད། འོན་ཀྱང་སྤྲོ་སྣང་ཆེན་པོས་དུས་ཡུན་མང་པོ་དྲ་མྱུལ་བྱེད་མཐར་བློ་ཡུལ་ལས་འདས་པའི་གནས་ཚུལ་གཅིག་ཡང་ཡང་འཕྲད་སྲིད། དེ་ནི་དྲ་རྒྱའི་ཚད་གཞི་(Data Balance)རྫོགས་པ་ཧ་མ་གོ་བ་མ་ཟད་ད་དུང་ལག་ཐོག་ཁ་པར་གྱི་མ་དངུལ་ལས་འཐེན་ཏེ་སྒོར་ཟུར་ཀླད་ཀོར་ཀླད་རྐྱང་ཆགས་པའི་གནས་སྟངས་དེ་རེད།

གནས་སྟངས་དེ་འཕྲད་མཁན་ཚང་མ་ཧུ་དང་ཧུ་ཟེར་འདང་རྒྱག་དགོས་པ་ཆགས་ཀྱི་ཡོད། ང་ཡང་དེ་སྔ་དེའི་གྲལ་གཅིག་རེད། འོན་ཀྱང་ད་ནས་བཟུང་དེ་ལྟར་འདང་བརྒྱག་མི་དགོས་ལ་སྒོར་ཟུར་སྐར་གང་ཡང་འཕྲོག་བརླག་ཏུ་མི་འགྲོ་བ་ཆགས་ཟིན། དེའི་རྒྱུ་མཚན་ནི་ངས་ལག་ཐོག་ཁ་པར་གྱི་དྲ་རྒྱའི་བེད་སྤྱོད་ཚད་གཞི་ལ་བཀོལ་འདོམས་བྱེད་ཐུབ་པའི་རྒྱུ་མཚན་ཡིན།
འགྲོ་སྟངས།ལག་ཐོག་ཁ་པར་གྱི་བཀོད་སྒྲིག་སྡེ་ཚན་ Setting ནང་ངོས་དྲ་རྒྱ་བེད་སྤྱོད་ཚད་གཞི་ Data Usage ཟེར་བ་དེ་ལ་གཅིག་གནོན། དེ་ནས་གཤམ་དཔེ་རིས་ལྟར་ཤར་ངེས།དཔེ་རིས་ལས་གལ་ཏེ་ Set mobile data limit ཟེར་བ་དེ་ཡོད་ན། དེ་འདེམས།དེ་ནས་དྲ་རྒྱའི་བེད་སྤྱོད་ཚད་གཞི་སྒྲིག་ཐུབ་པའི་དམར་ཐིག་དང་ལི་ཝང་གི་ཐིག་གཉིས་འཆར…

Adharsha དམ་ཆོས་བང་མཛོད།

Image
དྲ་གནས་ཨ་མ། http://adarsha.dharma-treasure.org
དུས་རབས་དང་མཐུན་པའི་བཀའ་བསྟན་ཡོད་དོ་ཅོག་དྲ་འཕྲིན་དང་གློག་འཕྲུལ་ཁག་ནས་ལྟ་ཐུབ་པའི་དམ་ཆོས་བང་མཛོད་ Adarsha ཟེར་བའི་ལེགས་སྦྱར་གྱི་མིང་བྱང་ཐོག་བཟོས་ཡོད། མཉེན་ཆས་ཡིག་ཆ་དེའི་འདྲ་བཤུས་ཤིག་གུས་པའི་ལག་པར་རགས་པ་དང་ལམ་སེང་ཁྱེད་རྣམ་པའི་ཆེད་འདིར་ཕབ་ལེན་དུ་འཇོག་ཡོད། མཉེན་ཆས་ཡིག་ཆ་ཆ་ཚང་ལ་ 15GB ཙམ་རེད་འདུག །དྲ་ཐོག་ནས་མཉེན་ཆས་ལྗིད་ཁོག་ཆེན་པོ་དེ་འདྲ་གཏོང་ལེན་བྱེད་རྒྱུ་ཁག་པོ་རེད། དེར་བརྟེན་མཉེན་ཆས་ནང་ལོག་གི་ཡིག་ཁུག་ /adarsha_img/ ཟེར་བ་ 12GB ཅན་ཡོད་འདུག་པ་དེ་གསུབ་སྟེ་བེད་སྤྱོད་ཡོང་བའི་ 292MB ཐོག་བཟོ་ཐུབ་པ་བྱུང་།

མཉེན་ཆས་ཁ་འབྱེད་སྟངས། སྐར་ཁུང་བེད་སྤྱོད་གནང་མཁན་ཚོས་ཡིག་ཁུག་ཁ་ཕྱེ་སྟེ་ adarsha2016.exe ཐོག་ཉིས་སྡེབས་གནང་རོགས།
ཀུ་ཤུ་གློག་ཀླད་སྤྱོད་མཁན་ཚོས་ཡིག་ཁུག་ཁ་ཕྱེ་སྟེ་ adarsha2016.command ཐོག་ཉིས་སྡེབས་གནང་རོགས།
མཉེན་ཆས་དེའི་ཁྱད་ཆོས། མཉེན་ཆས་དེ་སྐར་ཁུང་དང་ཀུ་ཤུ་གློག་ཀླད་གཉིས་ཀ་ནང་ནས་ཐད་ཀར་ཁ་ཕྱེ་ནས་ལྟ་ཐུབ། དེར་སྒྲིག་འཇུག་འགོ་རིམ་གང་ཡང་འགྲོ་མི་དགོས། ཀུ་ཤུའི་ལག་འཕྲུལ་སྤྱད་མཁན་ཚོས་ལག་འཕྲལ་གྱི་ཆེད་AppStore རྒྱུད་ནས་སོ་སོའི་ ipad དང་ iphone ནང་སྒྲིག་འཇུག་བྱེད་རྒྱུ…

ཕོ་གསར་ཞིག [རི་མོ]

Image
ཕྱི་ལོ་ ༢༠༡༦ ཟླ་ ༤ ཚེས་ ༡༥ ཉིན་བྲིས་པའི་རི་མོ་ཞིག

ཁ་པར་ཨང་སྤོ་བཤུ་བྱེད་སྟངས།

Image
ང་ཚོས་ཁ་པར་གསར་པ་ཉོས་པའི་སྐབས་ཁ་པར་རྙིང་པའི་ནང་ཡོད་པའི་ཁ་པར་ཨང་གྲངས་རྣམས་ཚུར་ལེན་དགོས་ཀྱི་ཡོད། མི་མང་པོས་ཁ་པར་ཨང་གྲངས་དེ་དག་རེ་རེ་བྱས་ནས་བསྐྱར་ཏུ་བརྒྱག་ནས་ཉར་བའི་རྒྱུད་རིམ་རིང་པོ་ཞིག་རྒྱུད་ནས་འགྲོ་སྲིད། འདིར་སྐུ་ཞབས་ཚེ་རིང་ཆོས་རྒྱལ་ལགས་ཀྱིས་ཉེ་ཆར་བཟོས་པའི་བརྙན་ཟློས་འདིའི་ནང་ཁ་པར་ཨང་གྲངས་རྣམས་ཁ་པར་གཅིག་ནས་ཁ་པར་གཞན་ཞིག་གི་ཐོག་དུས་གཅིག་ལ་ལེན་ཐུབ་པའི་དཔེ་སྟོན་བྱེད་ལུགས་གསལ་བར་འགྲེལ་བརྗོད་བྱེད་འདུག་ངེས་པར་གཟིགས་དགོས་པ་ཞིག་མཐོང་།

ཁོང་གིས་ཁ་པར་མི་འདྲ་པ་གཉིས་སྤྱད་ཡོད་པ་ལས། ཁ་པར་དང་པོ་ཁ་བསྔོགས་ནས་ཁ་པར་ཨང་གྲངས་རྣམས་ Contacts.cvf ཡིག་ཆའི་རྣམ་པའི་ཐོག་གསོག་ཆས་ SDcard ནང་ཕབ་ཡོད། འགྲོ་ལུགས་ནི་ཁ་པར་ཨང་གྲངས་འཆར་སའི་སྟེང་ནས་འདེམས་ག་ཚགས་གསུམ་བྱེད་པ་ ⋮ དེ་གནོན་ནས་ Contact > Import/Export Contacts >Export to SDcard ཐོག་གཞུས།

Contacts.cvf ཡིག་ཆ་དེ་ཁ་པར་གཉིས་པར་(ཁ་པར་གསར་པ་ཡིན་ཁུལ་)བཏང་ནས་ཁ་ཕྱེད་དགོས། འགྲོ་སྟངས་ནི་ཁ་པར་ཨང་གྲངས་འཆར་སའི་སྟེང་ནས་འདེམས་ཚགས་གསུམ་ ⋮ ཡོད་པ་དེའི་ཐོག་གནོན་པའམ་ཡང་ན་ཁ་པར་འོག་དེ་ནས་འདེམས་གར་≡  གནོན་ནས་ Contact > Import/Export Contacts >Import from SDcard ཐོག་གཞུས་དང། ཁ་པར་…

Wise Folder Hider Free ཡིག་ཁུག་ལ་སྒོ་ལྕགས་རྒྱོབ།

Image
དེ་རིང་ངོ་སྤྲོད་བྱེད་རྒྱུའི་མཉེན་ཆས་ནི་ Wise Floder Hider ཟེར་བ་དེ་ཡིན། མཉེན་ཆས་ཀྱི་མིང་ནས་ཧ་གོ་ཐུབ་པ་ལྟར། མཉེན་ཆས་དེས་རྩིས་འཁོར་ནང་ཡོད་པའི་ཡིག་ཆ་དང་ཡིག་ཁུག་ (File and Folder) གནད་འགག་ཡོད་པ་དེ་དག་བཙན་པོ་བྱས་ནས་ཉར་ཐུབ་ཆེད་ཅིག་ཡིན། སོ་སོའི་གསང་ཨང་མེད་ན་ཡིག་ཆ་དང་ཡིག་ཁུག་དེ་དག་མི་སུ་གང་གིས་ཀྱང་ལྟ་མི་ཐུབ་པ་ལྟ་བུ་ཡིན། མཉེན་ཆས་དེ་བེད་སྤྱོད་བྱེད་མཁན་མང་པོ་ཡོད་པ་དང་ཁོང་ཚོའི་དགའ་མོས་ཐོབ་ཡོད་པའི་མཉེན་ཆས་ལེགས་གྲས་ཤིག་ཡིན། དེ་བས་ལེགས་པའི་ཆ་ཞིག་ནི་མཉེན་ཆས་དེ་རིན་མེད་ཐོག་སུས་ཀྱང་ཕབ་ལེན་བེད་སྤྱོད་བྱེད་ཆོག

མཉེན་ཆས་ཐོག་མར་ཁ་ཕྱེ་སྐབས་དེའི་ཐོག་ཁྱེད་ཀྱིས་གསང་ཨང་ཞིག་བཀོད་དགོས། གསང་ཨང་དེ་ཧ་ཅང་གལ་ཆེན་པོ་ཡིན་པ་དང་། གཏན་པོ་བྱེད་དགོས། དེ་མིན་གསང་ཨང་དེ་དྲན་པ་བརྗེད་ན་མཉེན་ཆས་དེ་བེད་མེད་དུ་འགྲོ་སྲིད་པ་དང་། ཐབས་སྡུག་ན་མཉེན་ཆས་དེའི་ནང་སྦས་ཡོད་པའི་དེ་སྔའི་ཡིག་ཆ་རྣམས་ཀྱང་ལེན་མི་ཐུབ་པ་ཆགས་སྲིད། དེར་བརྟེན་སོ་སོས་བཀོད་པའི་གསང་ཨང་དེ་མ་བརྗེད་པ་བྱས་དགོས།

གློག་ཀླད་ནང་གི་ཡིག་ཁུག་དང་ཡིག་ཆ་གང་རུང་ཞིག་མཉེན་ཆས་དེའི་ཐོག་གཡུག་ན་ཡིག་ཁུག་དང་ཡིག་ཆ་དེ་གློག་ཀླད་ཀྱི་ངོས་ནས་ཡལ་བ་ལྟ་བུ་ཆགས་སྲིད། དོན་དངོས་ཐོག་ཡིག་ཆ་དེ་ཡལ་བ་མ་རེད། ཡིག་ཆ་དེ་…

Xiaomi Mi Band ཅ་དངོས་ཁ་ཕྱེ་སྟོན།

Image
ཞའོ་མྀ་ཀུང་སིའི་(company)ཐོན་རྫས་གསར་པ་ Mi Band ལག་སྒྲོག་ནི་མི་སྒེར་སོ་སའོ་གཟུགས་པོའི་ལུས་ཁམས་ཀྱི་འཕྲོད་བསྟེན་དང་འབྲེལ་བའི་གྲངས་ཐོ་ཉར་ཚགས་དང་ཚད་འཛིན་བྱེད་ཆས་ལེགས་པོ་ཞིག་ཡིན། Mi Band ལག་སྒྲོག་དེ་ནི་ཀུང་སི་གཞན་གྱིས་བཟོས་པའི་ལག་སྒྲོག་ལས་སྟབས་བདེ་བ་དང་། ལུས་དབུགས་འགུལ་སྐྱོད་ཀྱི་གྲངས་ཐོ་ལོན་བདེ་བ། རིན་གོང་ཡང་ཧ་ཅང་ཆུང་ཞིག་ཡིན།

ལག་སྒྲོག་དེའི་ནང་ཁྱེད་ཀྱི་ཉིན་རེའི་གོམ་གྲོས་རྒྱང་ཐག་ཇི་ཙམ་བཅད་ཡོད་མེད་དང། ལུས་སྦྱོང་དང་རྒྱུག་ཤར་བྱས་ཏེ་ལུས་པོའི་ Calorie ནུས་པ་ཇི་ཙམ་སྤྱད་པ། དེ་བཞིན་གཉིད་ཇི་ཙམ་དང་བདེ་ལོས་ཁུག་པ་སོགས་གྲངས་ཐོ་ཉར་ཚགས་ཐུབ་རྒྱུ་ཡོད། གྲངས་ཐོ་དེ་དག་ལྟ་བདེ་བའི་ཆེད་སོ་སོའི་ཁ་པར་ནང་ Mi མཉེན་ཆས་རྒྱུད་ད་དུང་གྲ་རྒྱས་པ་ལྟ་ཐུབ་རྒྱུ་ཡོད། སོ་སོའི་ལུས་པོའི་འཕྲོད་བསྟེན་ལ་དོ་སྣང་ཡོད་མཁན་ཀུན་ལ་མཁོ་བའི་ལག་སྒྲོག་སྙིང་རྗེ་པོ་ཞིག་རེད་འདུག

གཤམ་དེར་སྐུ་ཞབས་པ་སངས་ཀྱི་བསྐུར་བའི་ཅ་དངོས་གསར་པ་ངོ་སྤྲོད་བྱེད་པ་དེ་ལ་གཟིགས་རོགས།

ཨན་ཌོའི་མཉེན་ཆས་རྣམས་ལ་ཟྭ་ལྕགས་བརྒྱག་ཆེད།

Image
Leo Privacy - Applock ནི་ཨན་ཌོའི་མཉེན་ཆས་ཤིག་ཡིན་པ་དང་། མཉེན་ཆས་དེས་སོ་སའི་ཁ་པར་ནང་དུ་ཡོད་པའི་མཉེན་ཆས་གཞན་རྣམས་ལ་ཟྭ་ལྕགས་བརྒྱག་ཆེད་ཅིག་ཡིན།

འཕྲིན་ཕྲན་དང་། whatsApp , ངོ་དེབ་དང་ཝི་བྷོ་སོགས་སྤྱི་ཚོགས་དྲ་འབྲེལ་གྱི་མཉེན་ཆས་མི་ཉུང་བ་ཞིག་ཁྱེད་ཀྱི་ཁ་པར་ནང་བཅུག་ཡོད། གལ་ཏེ་དེ་དག་ལ་གསང་ཟྭ་མེད་ན་སྐབས་འགར་མཉེན་ཉེ་གྲོགས་པོ་དང་། དེ་བཞིན་འབྲེལ་མེད་ཀྱི་མི་གཞན་གྱིས་ཁྱེད་ཀྱི་ཁ་པར་ནང་ལས་ལྷ་པོས་ལྟ་ཐུབ། གལ་ཏེ་སྔོན་ཚུད་ནས་ Leo Privacy ལྟ་བུའི་མཉེན་ཆས་དེ་ཁྱེད་ཀྱི་ཁ་པར་ནས་བཅུག་ཏེ་སྤྱི་ཚོགས་ཀྱི་འབྲེལ་འདྲིས་མཉེན་ཆས་དེ་དག་ལ་ཟྭ་བརྒྱག་ཡོད་ན། མི་དེ་དག་གིས་ཁ་པར་ལ་ལག་པ་འཆང་བ་ལས་དེའི་ནང་ངོས་ཀྱི་ཡིག་ཆ་དང་སྐད་ཆ་རྣམས་གསང་བའི་ཐོག་གནས་ཐུབ་པ་ཡིན།

གཤམ་འདིར་སྐུ་ཞབས་ཚེ་རིང་ཆོས་རྒྱལ་ལགས་ཀྱིས་མཉེན་ཟློས་ལམ་ནས་མཉེན་ཆས་འདི་ཁ་པར་ནང་སྒྲིག་བཅུག་བྱེད་སྟངས་གསལ་པོ་སྟོན་ཡོད།

མཆར་ངོས་འོད་མདངས་གནད་དོན་སེལ་བ།

Image
སྐར་ཁུང་བདུན་པ་དང། བརྒྱད་པ། དེ་བཞིན་སྐར་ཁུང་བཅུ་པའི་མ་ལག་རིམ་སྤར་བྱེད་པའི་སྐབས་དང། རིམ་སྤར་མ་བྱས་པའི་ཐོག་མའི་སྐབས་སུ་གློག་ཀླད་ཀྱི་འཆར་ངོས་འོད་མདངས་དེ་ཆེ་ཆུང་གཏོང་མི་ཐུབ་པ་འགྱུར་བའི་གནད་དོན་ཡང་ཡང་འཕྲད་ཀྱི་ཡོད། དྲ་གྲོགས་ཚོས་གནད་དོན་དེ་དང་འབྲེལ་བའི་བརྙན་ཟློས་ཤིག་བཟོ་བའི་རེ་བསྐུལ་བྱས་པ་ལྟར་གཤམ་དེར་གནད་དོན་དེ་སེལ་བའི་འགྲོ་ལུགས་གཤམ་གྱི་བརྙན་ཟློས་ལ་གཟིགས་པར་འཚལ།

སྐར་ཁུང་གི་ Control Panel ནས་ Device Manage འཚོལ་ཏེ་ཁ་ཕྱེ་དགོས། དེ་ནས་ Display Adapter  དེ་ནས་ Intle HD Graphics ལ་གནོན་དགོས།
དེའི་རྗེས་དེའི་ཐོག་ཙི་ཙི་གཡས་པ་གནོན་ནས་འདེམས་ཀ་ནས་ Update Drive Software གནོན་དགོས།
དེ་ནས་ "Browse my computer for driver software"
དེ་རྗེས་ "Let me pick from a list of device drivers on my computer"
དེ་ནས་ "Microsoft Basic Display Adapter" འདེམས་ན། གློག་ཀླད་ཀྱི་འཆར་མདངས་དེ་ཆེ་ཆུང་གཏོང་རྒྱུ་ཡོད་པ་ཆགས་ཐུབ་བོ།

ཁ་པར་ནང་འཕྲིན་ཕྲན་ཁ་བྱང་གཉིས་སྤྱོད་ཐབས། [བརྙན་ཟློས།]

Image
གཤམ་འདིར་སྐུ་ཞབས་ཚེ་རིང་ཆོས་རྒྱལ་ལགས་ནས་ཨན་ཌོའི་ཁ་པར་ནང་འཕྲིན་ཕྲན་གཉིས་སྤྱོད་ཐུབ་པའི་ཐབས་ཇུས་ལེགས་པོ་ཞིག་བརྙན་ཟློས་ལམ་ནས་ངོ་སྤྲོད་བྱས་འདུག །འཕྲིན་ཕྲན་ནི་མེད་ཐབས་མེད་པའི་དགོས་མཁོའི་མཉེན་ཆས་གལ་འགང་ཆེ་ཤོས་གཅིག་ཆགས་ཡོད། དེ་བས་ཀྱང་སྒེར་ལས་དང་། ཚོགས་པ། ཡང་ན་ཚོང་ལས་སོགས་འབྲེལ་ལམ་བཙུགས་སའི་ཁ་བྱང་ཚང་མ་འཕྲིན་ཕྲན་གཅིག་གིས་ནང་ཉར་རྒྱུ་ནི་སྐབས་རེ་ཡག་པོ་ཞིག་མེད། འཕྲིན་ཕྲན་གཉིས་དགོས་པ་དང། འཕྲིན་ཕྲན་གཉིས་ཀྱི་གནད་འགག་ཧ་གོ་མཁན་དང། འཕྲན་ཕྲིན་གཉིས་སྤྱོད་འདོད་ཡོད་མཁན་ཚོས་གལ་ཏེ་སྤྱོད་སྟངས་ཤེས་འདོད། གཤམ་གྱི་བརྙན་ཟློས་འདི་ལས་ལེགས་པར་མཁྱེན་ཐུབ།

བརྙན་ཟློས་འདིའི་ནང་ཁོང་གིས་སྤྱད་པའི་མཉེན་ཆས་དེའི་མིང་ལ་ Parallel Space ཟེར་གྱི་འདུག

གསོག་སྡེར་ནང་མི་མཐོང་བར་འགྱུར་བའི་ཡིག་ཆ་རྣམས་རགས་ཐབས། [བརྙན་ཟློས།]

Image
ང་ཚོས་མཐེབ་སྡེར་(pendrive)དང་གསོག་སྡེར་(storage device) དེ་དག་གློག་ཀླད་དྲ་མིན་ནང་སྣང་མེད་ངང་བཅུག་རྒྱུའི་གོམས་གཤིས་ཞིག་ཡོད་ལ། གནས་སྟངས་ཁ་ཤས་ཞིག་གི་ནང་ཐབས་ཤེས་མེད་པར་གཞན་གྱི་གློག་ཀླད་ནང་སོ་སོའི་གསོག་སྡེར་བཅུག་ཏེ་དོན་དག་གྲུབ་དགོས་པ་ཡོང་གི་ཡོད། སྟབས་ལེགས་ན་སྐབས་ཕྲལ་སོ་སོའི་དོན་དག་དེ་དག་སྒྲུབ་ཐུབ་པ་ཡོང་གི་ཡོད། འོན་ཀྱང་སྐབས་རེ་སྟབས་མ་ལེགས་པའི་གནས་ཚུལ་ཕྲད་ངེས་གཞན་ཞིག་ནི་གསོག་སྡེར་ནང་དུག་འཕོག་པའི་གནས་སྟངས་དེ་ཆགས་ཡོད།

གསོག་སྡེར་ལ་དུག་རིགས་འདྲ་མིན་དང་། ཤུགས་ཆེ་ཆུང་འདྲ་མིན་འཕོག་རྒྱུ་ཡོད། དེ་དག་ལས་ད་རེས་གུས་པས་ཁྱེད་ལ་སློབ་སྟོན་བྱེད་རྒྱུ་གཅིག་ནི། གསོག་སྡེར་ཁག་གི་ནང་དུག་ཡང་ཡང་འཕོག་མཁན་ "Hidden File Virus" དང་ "Shortcut Virus" དེ་ཡིན། དུག་དེའི་མིང་ནས་གོ་ཐུབ་པ་ལྟར་དུག་འདི་གསོག་སྡེར་ནང་སླེབས་ན། གསོག་སྡེར་ནང་གི་ཡིག་ཆ་རྣམས་མི་མངོན་པ་ཆགས་ཕའམ་ཡིག་ཆ་རྣམས་ shortcut ཀྱི་རྣམ་པ་ཅན་དུ་འགྱུར་གྱི་ཡོད།

གཤམ་དེར་དྲ་དུག་འཕོག་པའི་མཐེབ་སྡེར་ནང་གི་ཡིག་ཆ་དེ་དག་ཚུར་ཤར་ཐུབ་པ་བཟོ་སྟངས་ཀྱི་བརྙན་ཟློས་ཤིག་ཡིན། ཐབས་ཇུས་དེ་ནི་ཧ་ཅང་སྟབས་བདེ་པོ་དང་མི་མང་པོས་ཤེས་ཀྱི་ཡོད། འདིར་གུས་པས་བོད་སྐད་ཐོག་བོད་རིགས་གྲོགས་པ…