ཀུ་ཤུའི་གློག་ཀླད་ནང་སྐར་ཁུང་བཅུ་པ་བཅུག་ཐབས།

ཉེ་དུས་ཀུ་ཤུ་གློག་ཀླད་ iMac 2011 ནང་སྐར་ཁུང་བཅུ་པ་བཅུག་རྒྱུའི་འདོད་པ་བྱུང་བ་དང་། དེ་མ་ཐག་དྲ་ཐོག་རྒྱུད་དེའི་སྐོར་གྱི་གནས་ཚུལ་འཚོལ་ཞིབ་དང་རྒྱུད་ལོན་བྱས། མཐར་ཀུ་ཤུའི་གློག་ཀླད་ནང་སྐར་ཁུང་བཅུག་སྟངས་ཁག་གསུམ་བཞི་ཙམ་རྙེད་བྱུང་། དེ་དག་ནི།


ཉེ་དུས་ཀུ་ཤུ་གློག་ཀླད་ iMac 2011 ནང་སྐར་ཁུང་བཅུ་པ་བཅུག་རྒྱུའི་འདོད་པ་བྱུང་བ་དང་། དེ་མ་ཐག་དྲ་ཐོག་རྒྱུད་དེའི་སྐོར་གྱི་གནས་ཚུལ་འཚོལ་ཞིབ་དང་རྒྱུད་ལོན་བྱས། མཐར་ཀུ་ཤུའི་གློག་ཀླད་ནང་སྐར་ཁུང་བཅུག་སྟངས་ཁག་གསུམ་བཞི་ཙམ་རྙེད་བྱུང་། དེ་དག་ནི།

༡༽ ཀུ་ཤུའི་གློག་ཀླད་གྱི་རྒྱུད་སྐུལ་མ་ལག་ Mac OS རང་སོར་འཇོག་ཐོག་དེའི་ནང་ངོས་སུ་སྐར་ཁུང་བཅུག་རྒྱུ་འདུག དེ་ལྟར་བྱས་ན་ཀུ་ཤུའི་རྒྱུད་ཁུང་བེད་སྤྱོད་བྱེད་པ་དུས་མཉམ་དུ་སྐར་ཁུང་སྤྱོད་ཐུབ། དེ་ནི་དགེ་མཚན་ཞིག་ཏུ་མཐོང་ལ་ཕྱོགས་གཞན་ཞིག་ལ་སྐྱོན་གྱི་ཆ་ཞིག་འདུག རྒྱུད་སྐུལ་མ་ལག་གཉིས་དུས་གཅིག་ཏུ་སྤྱོད་པའི་སྐབས་གློག་ཀླད་ཀྱི་ RAM དང་ Processing Speed བགོ་ཤ་བརྒྱག་དགོས་པར་བརྟེན་སྤྱིའི་མྱུར་ཚད་འགོར་དུ་འགྲོ་ཡི་འདུག

༢༽ ཀུ་ཤུའི་གློག་ཀླད་གྱི་རྒྱུད་སྐུལ་མ་ལག་ Mac OS རང་སོར་འཇོག་ཐོག་སྲ་སྡེར་གྱི་དུམ་བུ་གཞན་ཞིག་གི་སྒང་ལ་སྐར་ཁུང་བཅུག་རྒྱུ་འདུག ། དེ་ནི་གློག་ཀླད་གཅིག་གི་སྟེང་རྒྱུད་སྐུལ་མ་ལག་གཉིས་བླུགས་ཡོད་ཀྱང་བེད་སྤྱོད་བྱེད་སྐབས་དུས་གཅིག་ལ་རྒྱུད་སྐུལ་མ་གཅིག་ལས་སྤྱོད་མི་ཐུབ། སྐར་ཁུང་སྤྱོད་པའི་སྐབས་ཀུ་ཤུའི་རྒྱུད་ཁུང་སྤྱོད་མི་ཐུབ། དེ་བཞིན་ཀུ་ཤུའི་རྒྱུད་ཁུང་འདེམས་ན་སྐར་ཁུང་སྤྱོད་མི་ཐུབ། གློག་ཀླད་ཀྱི་སྤྱིའི་མྱུར་ཚད་ལ་དོ་ཕོག་མེད་ཀྱང་རྒྱུད་ཁུང་མ་ལག་གསར་སྣོན་ཆེད་གསོག་སྡེར་ (hard disk) གྱི་སྟོང་ཆ་མི་ཉུང་བ་ཞིག་བགོ་ཤ་རྒྱག་དགོས།

འདིར་རང་ཉིད་འདོད་པ་ཆེ་ཤོས་ནི་གཙོ་བོ་སྐར་ཁུང་ཁོ་ན་སྤྱོད་འདོད་ཡོད་པར་བརྟེན། ཀུ་ཤུའི་རྒྱུད་ཁུང་གཙང་གསུབ་གཏོང་ཐུབ་ན་སྙམ་པ་ཡིན། དེས་གློག་ཀླད་ཀྱི་ནུས་པ་དང་སྲ་སྡེར་གྱི་སྟོང་ཆ་ཡོངས་རྫོགས་བེད་སྤྱོད་བྱེད་ཐུབ། འོན་ཀྱང་དེ་ལྟར་ཐེངས་དང་པོ་བྱེད་སྐབས་ཉེན་ཁ་ཞིག་མཐོང་། ཀུ་ཤུ་གཙང་སུབ་གཏོང་རྗེས་སྐར་ཁུང་ངོས་ལེན་མ་བྱེད་ན་་་་་་་་་། དེར་བརྟེན་སྔོན་ལ་ངའི་ iMAC འདིས་སྐར་ཁུང་འཇུག་ཐུབ་མིན་ཀུ་ཤུའི་གཞུང་ཕྱོགས་ཀྱི་དྲ་ཚིགས་ནས་གནས་ཚུལ་མཁོ་འདུ་བྱེད་དགོས་ངེས།

གཤམ་གྱི་དྲ་གནས་འདི་ནི། ཀུ་ཤུ་ལས་ཁང་གི་དྲ་གནས་ནང་ཀུ་ཤུའི་གློག་ཀླད་གང་གི་ནང་སྐར་ཁུང་སྒྲིག་འཇུག་ཐུབ་མིན་གྱི་སྙན་ཐོ་ཞིག་རེད།
[Mac and Window Compatibility Table ##eye##]

སྙན་ཐོ་འདིའི་ནང་ངའི་ iMAC 2011 གིས་སྐར་ཁུང་བདུན་པ་ངོས་ལེན་བྱེད་ཐུབ་ཟེར་གསལ་པོ་བཀོད་འདུག །iMAC 2011འདི་སྐར་ཁུང་བཅུ་པ་བཅུག་ན་འགྲིག་མིན་གང་ཡང་བཀོད་མིན་འདུག་།དེ་ནས་དྲ་གནས་འདིའི་གླེང་སྟེགས་ནང་རོབ་ཙམ་ལྟ་སྐབས་ང་དང་ཀུ་ཤུའི་གློག་ཀླད་འདི་བེད་སྤྱོད་བྱེད་མཁན་མང་པོ་ཞིག་གིས་སྐར་ཁུང་བཅུ་པ་ལེགས་བཅུག་ཐུབ་པ་བྱུང་སྐོར་བཀོད་འདུག །
[discussions.apple.com ##eye##]

དེར་བརྟེན་སྒྲིག་བཅུག་བྱེད་པའི་སྟ་གོན་བྱས།

སྐར་ཁུང་བདུན་པ་བཅུ་པ་གཉིས་ལས་སྐར་ཁུང་བཅུ་པ་བཅུག་འདོད་བྱུང་། དེར་བརྟེན་སྐར་ཁུང་གཞུང་ཕྱོགས་དྲ་གནས་ནས་ Window 10 Pro Build 17017 ཐོན་རིམ་གསར་ཤོས་འདིའི་ ISO ཡིག་ཆ་ཕབ་ལེན་བྱས།
[ཕབ་ལེན་དྲ་གནས། ##download##]

སྐར་ཁུང་སྒྲིག་འཇུག་དུས་ཡུན་ཉུང་ཤོས་ནང་འཚར་བའི་ཆེད། window10.iso འདི་ WinToFlash ཟེར་བའི་མཉེན་ཆས་ཞིག་སྤྱད་དེ་མཐེབ་སྡེར་ནང་ Bootable བཟོས་པ་ཡིན། [WinToFlash ##eye##] གལ་ཏེ་གཉེན་ཆས་འདི་བེད་སྤྱོད་གཏོང་མ་ཐུབ་ཚེ་ DVD ནང་བཟོས་ཏེ་དུས་རྒྱུན་ལྟར་སྐར་ཁུང་བཅུག་ནའང་འགྲིག

སྒྲིག་འཇུག་དངོས་སུ་བྱེད་སྐབས་ཧ་ཅང་སྟབས་བདེ་པོ་རེད། Bootable Pendrive (མཐེབ་སྡེར་)འདི་གློག་ཀླད་དང་མཐུད། དེ་ནས་གློག་ཀླད་བསྐྱར་དུ་སྤར། གློག་ཀླད་སྤར་མ་ཐག་དུ་མཐེབ་གཞོང་ནས་ [ALT] ལ་གནོན་ནས་སྡོད་དགོས། དུས་ཡུན་སྐར་ཆ་ཁ་ཤས་ནང་ཁྱེད་ཀྱི་མཐེབ་སྡེར་( ཡང་ན་ DVD བཅུག་ཡོད་ན་) དེ་འཆར་ངོས་ཀྱི་དཀྱིལ་དུ་འདེམས་གའི་རྣམ་པར་འཆར་འོང་། དེ་འཆར་བ་དང་ bootable མཐེབ་སྡེར་ཐོག་གནོན་ནས་རྒྱུན་གཏན་སྐར་ཁུང་སྒྲིག་འཇུག་བྱེད་པ་ནང་བཞིན་བྱེད་ན་འགྲིག།

སྐར་ཁུང་སྒྲིག་འཇུག་ལ་བར་ཆད་མི་ཡོང་བའི་ཆེད། གློག་གསོག་ Battery/UPS ལྡན་དགོས། དེ་བཞིན་སྒྲིག་འཇུག་དུས་ཡུན་མི་འགོར་ཆེད་དྲ་རྒྱ་སྔོན་ཚུད་ནས་བཀག་ན་བཟང་། དེ་མིན་དྲ་ཐོག་ནས་རིམ་སྤར་(update)བྱེད་དགོས་རིགས་རྣམས་ཀྱང་ཕབ་ངེས་རེད།

སྐར་ཁུང་ཡོངས་སུ་སྒྲིག་འཇུག་ཟིན་པ་དང། Device Manager ནང་དུ་ལྟས་ནས་ driver མི་ཚང་བ་རྣམས་སྒྲིག་འཇུག་བྱེད་དགོས། སྐར་ཁུང་གྱི་རྒྱུད་ཁུངས་མ་ལག་ཀུ་ཤུའི་གློག་ཀླད་ནང་ལེགས་པོ་ཡོང་ཆེད་ཀུ་ཤུ་ཚང་གིས་དགོས་ངེས་ཀྱི་ Driver ཆ་ཚང་དྲ་ཐོག་ནས་ཕབ་ལེན་དུ་བྱེད་རྒྱུ་ཡོད། Driver དེ་དག་ལ་ཐོན་རིམ་མི་འདྲ་བ་རེ་ཡོད། ངས་ཐོན་རིམ་གསར་ཤོས་ Boot Camp Support Software 5.1.5722 དེ་ལེན་ཏེ་སྒྲིག་འཇུག་བྱས་པ་ཡིན། ཡིག་ཆ་ཆ་ཚང་ལ་ 1.25GB ཙམ་རེད་འདུག །དེར་བརྟེན་ཡིག་ཆ་འདི་སྐར་ཁུང་སྒྲིག་འཇུག་མ་བྱས་སྔ་རོལ་གྲ་སྒྲིག་བྱེད་ཡོད་ན་ལེགས། གཤམ་འདིར་ Boot Camp Driver ཕབ་ལེན་བྱེད་གནས་ཡིན།
[Boot Camp Driver Support ཕབ་ལེན། ##download##]

མཐར་སྐར་ཁུང་ཡོངས་སུ་སྒྲིག་འཇུག་ཟིན་པ་དང་། རྒྱུན་པར་མཁོ་བའི་མཉེན་ཆས་ཅི་རིགས་སྒྲིག་འཇུག་བྱེད་ན་འགྲིག
  • [message]
    • ངས་གཤམ་གྱི་མཉེན་ཆས་དེ་དག་ངེས་པར་དུ་བཅུག་གི་ཡོད།
      • Microsoft Office 2016 [Word, Excel, PowerPoint, OneNote, Access, Publisher]
        Adobe CC 2018 (Photoshop, Indesign, Illustrator, Animate, AfterEffect, Muse)
        མཉེན་ཆས་ཆུང་བ། (VLC, 7zip, CDburnerXP, Monlam3, Chrome, uTorrent, Snagit, Camtasia, IDM )
མཐའ་མ་མཐའ་མ་དེར། ཁྱེད་ཀྱི་གསར་དུ་བཅུག་པའི་སྐར་ཁུང་དང་མཉེན་ཆས་དེ་དག་གི་དུས་བཀག་ཕྱིར་ལོག་བྱེད་པའི་སྲ་སྡེར་ C:\ གཅིག་པོ་ལ་ Restore Point གཅིག་བཟོ་ཐུབ་ན་ཧ་ཅང་ཡག་པོ་ཡོད། མ་འོངས་སྐར་ཁུང་ལ་སྐྱོན་ཆགས་བྱུང་ན་ད་ལྟའི་གནས་སྐབས་སུ་བསྐྱར་ལོག་བྱེད་རྒྱུ་ཡོང་བ་ཆགས་ཐུབ་བོ།
  • [message]
    • སྐྱོན་ཆ།
      • ཀུ་ཤུའི་གཞུང་ཕྱོགས་དྲ་བའི་ཐོག་ངའི་ཀུ་ཤུའི་གློག་ཀླད་ iMac 2011 mid གིས་སྐར་ཁུང་བདུན་པ་སྒྲིག་འཇུག་བྱེད་ཐུབ་པ་ལས་སྐར་ཁུང་བཅུ་པ་སྒྲིག་འཇུག་ཐུབ་མིན་གྱིས་གནས་ཚུལ་གང་ཡང་མིན་འདུག །འོན་ཀྱང་གླེང་སྟེགས་ནང་དྲ་གྲོགས་མང་པོ་སྐར་ཁུང་བཅུ་པ་ཚོད་ལྟ་བྱེད་པ་དང་། སྒྲིག་འཇུག་བྱེད་ཐུབ་པའི་གནས་ཚུལ་འདུག་ལ། ཟུར་དུ་སྒྲ་མེད་པ་ཆགས་འགྲོ་བའི་གནས་ཚུལ་གསལ་བཤད་ཀྱང་བྱས་འདུག །ངས་དེ་དོན་ཤེས་ཀྱི་ཡོད་ཐོག་སྐར་ཁུང་བཅུ་པ་སྒྲིག་འཇུག་བྱས་པ་ཡིན། བྱས་ཙང་ད་ལྟའི་ཆར་ངའི་གློག་ཀླད་ནས་གཞས་སོགས་ཉན་པའི་སྐབས་སྒྲ་མི་འདོན། འོན་ཀྱང་ Boot Camp ཐོན་རིམ་གསར་པ་ v6.0 ཐོན་ལ་ངེས་པས། དེ་དུས་སྒྲའི་གནད་དོན་དེ་དེ་མུར་སེལ་ངེས་རེད། སྐབས་ཕྲལ་ཇུས་འགོད་དང་བཟོ་སྒྲིག་གཙོ་བོར་དམིགས་ཡོད་པས། ང་ལ་སྒྲ་མེད་ཀྱང་སྐྱོན་མིན་འདུག

མཆན།

ཉེ་ཆར་གསར་དུ་ཉོས་པའི་གློག་ཀླད་ཀྱི་འཆར་ངོས། རྒྱ་གར་སྒོར་ 16974/- ཐོག་ཚོང་འགྱུར་བྱེད་ཀྱི་འདུག

Name

Android,41,Aphone,6,APK,12,Blogger,1,eBook,3,Freeware,1,Game,1,iPad,7,iphone,11,iPod,3,itune,1,Linux,3,Mac,6,Mobile,12,MS Excel,1,MS Word,2,Office,10,Photoshop,2,PowerPoint,8,PPT Draw,2,Wallpaper,1,wechat,9,Window,24,Wordpress,1,YouTube,1,གཞན་རྩོམ།,42,གླུ་གཞས།,5,གློག་ཀླད་ཀྱི་ལམ་འཕྲང།,32,གློག་བརྙན།,17,གསར་འཕྲིན།,74,གསལ་བསྒྲགས།,2,གུ་གུལ་ལམ་གྲོལ།,43,གུས་པའི་བཟོ་བཀོད།,42,ངོ་དེབ།,9,ཐབས་ཇུས་ཟབ་མོ་,93,ཐོན་ཟོག་གསར་པ།,11,དཔྱད་རྩོམ་གྱི་ལ་མོ།,15,དམིགས་བསལ།,8,དྲ་ཚིགས་ངོ་སྤྲོད་,40,དྲ་ཚིགས་མཚམས་སྦྱོར།,37,དྲི་བ་དྲིས་ལན།,15,ཕབ་ལེན།,1,ཕབས་ལེན།,65,བཅར་འདྲིའི་ལེ་ཚན།,1,བརྙན་ཟློས་ཀྱི་རྨུ་ཐག,52,བརྩམས་སྒྲུང་གི་རང་འཐག,5,བསྒྱུར་རྩོམ་གྱི་རྩ་ཐང།,3,མཉེན་ཆས་ངོ་སྤྲོད་,64,མི་ཚེ་ཡི་འཕོ་འགྱུར།,5,ཚོང་སྒྱུར།,5,ཟབ་སྦྱོང་།,7,ཟིན་བྲིས་བཟོ་བཀོད་,16,འཕྲུལ་དེབ།,4,ལྷུག་རྩོམ་གྱི་རི་ཕྲེང།,17,སྙན་ངག་གི་གླིང་ག,2,
ltr
item
གློག་ཀླད་དང་ཁ་པར།: ཀུ་ཤུའི་གློག་ཀླད་ནང་སྐར་ཁུང་བཅུ་པ་བཅུག་ཐབས།
ཀུ་ཤུའི་གློག་ཀླད་ནང་སྐར་ཁུང་བཅུ་པ་བཅུག་ཐབས།
ཉེ་དུས་ཀུ་ཤུ་གློག་ཀླད་ iMac 2011 ནང་སྐར་ཁུང་བཅུ་པ་བཅུག་རྒྱུའི་འདོད་པ་བྱུང་བ་དང་། དེ་མ་ཐག་དྲ་ཐོག་རྒྱུད་དེའི་སྐོར་གྱི་གནས་ཚུལ་འཚོལ་ཞིབ་དང་རྒྱུད་ལོན་བྱས། མཐར་ཀུ་ཤུའི་གློག་ཀླད་ནང་སྐར་ཁུང་བཅུག་སྟངས་ཁག་གསུམ་བཞི་ཙམ་རྙེད་བྱུང་། དེ་དག་ནི།
https://4.bp.blogspot.com/-FsuFDrRhYZs/WpT9LAM5afI/AAAAAAAACWU/_I0ql_Z0IdQietWo5sAvc6OFFBbiwo53gCK4BGAYYCw/s1600/window%2B10%2Bon%2Bimac.jpg
https://4.bp.blogspot.com/-FsuFDrRhYZs/WpT9LAM5afI/AAAAAAAACWU/_I0ql_Z0IdQietWo5sAvc6OFFBbiwo53gCK4BGAYYCw/s72-c/window%2B10%2Bon%2Bimac.jpg
གློག་ཀླད་དང་ཁ་པར།
http://www.sonamdawa.com/2018/02/installing-window-on-mac.html
http://www.sonamdawa.com/
http://www.sonamdawa.com/
http://www.sonamdawa.com/2018/02/installing-window-on-mac.html
true
8975001132631270234
UTF-8
རྩོམ་ུཡིག་ཡོངས་འཆར་ཟིན། རྩོམ་ཡིག་གང་ཡང་རྙེད་མ་སོང་། ཆ་ཚང་ལྟ། འཕྲོ་ཀློགས། ལན་སློགས། ལན་ཕྱིར་འཐེན་བྱེད། སུབ། སྤེལ་མཁན། གཙོ་ངོས། ཤོག་ངོས། རྩོམ་ཡིག ཆ་ཚང་ལ་ལྟ། འབྲེལ་ཡོད་རྩོམ་ཡིག་གཞན། སྡེ་ཚན། ཡིག་ཚགས། འཚོལ་བཤེར། རྩོམ་ཡོངས། ཁྱེད་ཀྱིས་འཚོལ་བཞིན་པའི་རྩོམ་ཡིག་འདི་མིན་འདུག གཙོ་ངོས་སུ་ལོག གཟའ་ཉི་མ། གཟའ་ཟླ་བ། གཟའ་མིག་དམར། གཟའ་ལྷག་པ། གཟའ་ཕུར་བུ། གཟའ་པ་སངས། གཟའ་སྤེན་པ། ཉི་མ། ཟླ་བ། མིག་དམར། ལྷག་པ། གཟའ་ཕུར་བུ། གཟའ་པ་སངས། གཟའ་སྤེན་པ། ཕྱི་ཟླ་དང་པོ། ཕྱི་ཟླ་གཉིས་པ། ཕྱི་ཟླ་གསུམ་པ། ཕྱི་ཟླ་བཞི་པ། ཕྱི་ཟླ་ལྔ་པ། ཕྱི་ཟླ་དྲུག་པ། ཕྱི་ཟླ་བདུན་པ། ཕྱི་ཟླ་བརྒྱད་པ། ཕྱི་ཟླ་དགུ་པ། ཕྱི་ཟླ་བཅུ་པ། ཕྱི་ཟླ་བཅུ་གཅིག ཕྱི་ཟླ་བཅུ་གཅིག ཕྱི་ཟླ་དང་པོ། ཕྱི་ཟླ་གཉིས་པ། ཕྱི་ཟླ་གསུམ་པ། ཕྱི་ཟླ་བཞི་པ། ཕྱི་ཟླ་ལྔ་པ། ཕྱི་ཟླ་དྲུག་པ། ཕྱི་ཟླ་བདུན་པ། ཕྱི་ཟླ་བརྒྱད་པ། ཕྱི་ཟླ་དགུ་པ། ཕྱི་ཟླ་བཅུ་པ། ཕྱི་ཟླ་བཅུ་གཅིག ཕྱི་ཟླ་བཅུ་གཉིས། ད་ལྟ་རང་། སྐར་མ་གཅིག་སྔོན་ལ། $$1$$ minutes ago ཆུ་ཚོད་ 1 སྔོན་ལ། $$1$$ hours ago ཁ་སང་། $$1$$ days ago $$1$$ weeks ago ཟླ་བ་ 5 ཙམ་གོང་། རྗེས་བཞུགས་པ། རྗེས་བཞུགས། ནང་དོན་འདི་ནི་ཆེད་དུ་བཀག་ཡོད། ངོ་དེབ་དང་ཊེའུ་ཊར་གྱི་དྲ་གནས་ཁག་ཏུ་རྒྱུད་སྤེལ་རེ་བྱས་ན་ནང་དོན་ལྟ་ཐུབ། Copy All Code Select All Code All codes were copied to your clipboard Can not copy the codes / texts, please press [CTRL]+[C] (or CMD+C with Mac) to copy