The Pirate Bay དྲྭ་ཚིགས་ལོ་བཅུ་འཁོར་བ།
The Pirate Bay དྲྭ་ཚིགས་ལོ་བཅུ་འཁོར་བ།
Status: པར་འགྲེམས་བྱས་ཟིན།
Author: Sonam Dawa
Last modified: 2020-06-21 19:48
Categories: དྲ་ཚིགས་ངོ་སྤྲོད།
Piratebay
Pirate ཞེས་པའི་ཚིག་དེའི་གོ་དོན་ནི་ཟོག་རྩོམ་བྱེད་པ་དང་། ཅ་དངོས་དཔེ་བཤུ། དེ་བཞིན་སྔར་མཚོ་གླིང་ཐོག་རྒྱལ་ཁབ་དང་ཚོང་པ་ཁག་གི་ཚོང་ཟོག་དང་རྒྱུ་ནོར་སོགས་མཚོ་ཐོག་ནས་བརྐུ་ཇག་བྱེད་མཁན་མཚོ་ཇག་དེ་དག་ལ་ཡང་གོ །ThePirateBay (http://piratebay.se/) ཞེས་པའི་དྲྭ་ཚིགས་འདིའི་ཐོག་པར་སྐྲུན་བདག་དབང་མེད་པའི་ torrent (http://sonamdawa.blogspot.com/2013/05/torrent.html) ཡིག་ཆ་དང་། གློག་བརྙན། གཞས། མཉེན་ཆས། སོགས་འཇོག་སའི་ས་ཚུགས་སྐད་གྲགས་ཆེ་ཤོས་ཞིག་ཡིན། དྲྭ་ཚིགས་དེའི་རྒྱུད་དྲྭ་མི་ཚོས་ཡིག་ཆ་ཅི་རིགས་ཕབས་ལེན་བྱེད་ཐུབ། དེར་བརྟེན་ The Pirate Bay (http://piratebay.se/) ནི་རྒྱལ་ཁབ་མང་པོའི་ནང་ཁྲིམས་འགལ་དྲ་ཚིགས་ཞིག་ཏུ་བལྟ་བ་དང་དྲྭ་ཚིགས་འདི་ཉིད་གཞུང་ཕྱོགས་ནས་ལན་མང་སྒོ་བརྒྱག་ཐབས་བྱེད་ཡང་ད་བར་ལམ་ལྷོང་མ་བྱུང་བའི་ཁར་ལོ་ལྟར་པར་དབང་མེད་པའི་སྒྲ་དཔར་བརྙན་ཡིག་སོགས་དྲྭ་ཚིགས་འདི་གའི་ཐོག་འཇོག་མཁན་དང་ཕབས་ལེན་བྱེད་གྲངས་ལྡབ་འགྱུར་གྱི་འཕར་གྱི་ཡོད།
ཕྱི་ལོ་ ༢༠༡༣ ཟླ་ ༨ ཚེས་ ༡༠ ཉིན་ ThePirateBay དྲྭ་ཚིགས་ལོ་བཅུ་འཁོར་བའི་ཉིན་མོ་དང་བསྟུན་ནས་ PirateBrowser (http://piratebrowser.com/) ཞེས་པའི་དྲྭ་མྱུལ་མཉེན་ཆས་ཞིག་བཀྲམས་ཡོད། མ་གཞི་ PirateBrowser དེ་ནི་དུས་རྒྱུན་ང་ཚོས་བེད་སྤྱོད་བཏང་མྱོང་བའི་དྲྭ་མྱུལ་མཉེན་ཆས་ Mozilla Firefox དང་གཅིག་པ་གཅིག་ཀྱང་ཡིན། དེ་ལ་མི་འདྲ་ས་ནི་དམིགས་བསལ་ཀྱི་ཁྱད་ཆོས་གསར་པ་ཁ་སྣོན་བྱེད་ཡོད། དཔེར་ན། དྲྭ་མི་སུ་ཞིག་གིས་ PirateBrowser (http://piratebrowser.com/) སྤྱད་ནས་དྲྭ་མྱུལ་བྱེད་པའི་དྲྭ་ཤུལ་དང་། ས་གནས། དྲྭ་མི་དོ་དག་གི་གནས་ཚུལ་རྣམས་སྦས་གསང་བྱེད་ཐུབ། ཁྲིམས་ལུགས་ཀྱིས་འགོག་རྐྱེན་ཡོད་པའི་རྒྱལ་ཁབ་ Iran, North Korea, United Kingdom, The Netherlands, Belgium, Finland, Denmark, Italy, Ireland བཅས་ནས་ ThePirateBay དྲྭ་ཚིགས་སྔོགས་དགོས་ན་ PirateBrowser ཞེས་པའི་མཉེན་ཆས་དེས་ཕལ་ཆེར་ཕན་ཐོག་ཡོང་ངེས་སེམས།
PirateBrowser ཡིག་ཆ་ཆེ་ཆུང་ 29.7MB འདིར་གནོན་ནས་ཕབས་ལེན་གནང་དགོས། (http://piratebrowser.com/#down)
དེ་འབྲེལ་ཤེས་བྱ་གཞན་ཁག་ལ་གཟིགས་འདོད་ན།
Torrent ཟེར་ན་གང་རེད།Vuze Torrent Client